عفـوا الرّقَـم اللـي طلبتـه للأسـف مغـلـق

عائش في احلام · #1 (**permalink**) 04-05-2009, 06:42 AM

عفـوا الرّقَـم اللـي طلبتـه للأسـف مغـلـق
وانا من يومهـا تايـه ولا ادري ويـن عنوانـي
حبيبي ليش مايرحـم خفوقـي والدمـع يغـرق
عيوني وحالتي تصعب على الكافر من احزانـي
غدى طول البعد جايـر واميـال البعـد تحـرق
مشاعر حـب ماشابـت حواهـا قلـب انسانـي
غريبه قاسي بحالي وانـا اللـي بحالتـه ارفـق
غريبـه اوصلـه دايـم مـع انـه دوم يجفانـي
غريبه كيف يخدعني وانا اللي بصحبتـه اصـدق
غريبه كيف اوفي له مـع انـه صـدق خوانـي
تعبت ابعد عـن طيوفـه وذكـره دايـم يحلـق
على فكري واتحسـر علـى مافـات بأزمانـي
تعبت اسئل واتسائل تعبـت ارسـل تعبـت ادق
تعب حتى الكلام اللي خنقـه الصمـت بلسانـي
تعبت اطرد ورى دروبه من المغرب الى المشرق
تعب حتى العطش يسكن وحيد بداخل اغصانـي
عجزت القى احد غيـره لأنـه بالفعـل يفـرق
كذا مخلوق ماهمـه عـذاب الحـب واشجانـي
ترى من حب احد مثله على فكره تـرى احمـق
وانا غلطان في حبه ومن هـو غيـري غلطانـي
سنين تضيع من عمري وحبـه للأسـف يسـرق
بعض اجمل سنين العمر وانا يانـاس خسرانـي
عزاي اللي خلق غيـره كريـم بحالتـي يـرزق
يعوضني بدل مافات عسى ما اعيـش وحدانـي
الى هاللحظه من عمري وهاتف صاحبي مغلـق
الا ياخوفي لا يفصـل مـن الخدمـه وينسانـي

*^*^*^*

اتمنى يعجبكمـ...

مرعى وقلة صنعه · #2 (**permalink**) 04-05-2009, 05:30 PM

غريبه قاسي بحالي وانـا اللـي بحالتـه ارفـق
غريبـه اوصلـه دايـم مـع انـه دوم يجفانـي

جميله جدآ اختي
يعطيك الف عافيه
تقبلي مروي

خربوووش · #3 (**permalink**) 04-05-2009, 05:42 PM

تعبت اطرد ورى دروبه من المغرب الى المشرق
تعب حتى العطش يسكن وحيد بداخل اغصانـي
عجزت القى احد غيـره لأنـه بالفعـل يفـرق
كذا مخلوق ماهمـه عـذاب الحـب واشجانـي

شكري لطرحك الميز ابيات قمه الروعه