ياعلي قـول ولا لـواردك ملطـوم ..

مَاجِد · #1 (**permalink**) 09-05-2009, 10:29 PM

السلام عليـكم

مساكم الله بالخـير

هذه قصيدة للشاعر عبد الله بن زويبن المعمري الحربي قالها عند ما قال له أحد أصدقاءه أنا عندي قصايد لو تسمعها يا عبد الله ما قصدت فقال أبن زويبن رداً عليه :

ياعلي قـول ولا لـواردك ملطـوم ***
ياراعي الخرمـة حديـد البقومـي
عندي علوم وخابـر عنـدك علـوم ***
وتبـي تعلمنـي وتاخـذ علـومـي
لا كن انا ماني رفيـق لـك اليـوم ***
أنـا رفيـق للشقـاء والهمـومـي
البارحـة واليـوم ماجانـي النـوم ***
بيني وبينه مثـل حـرب النجومـي
سهران طول الليل لا أرقد ولا أقوم ***
أقالـب الجنبيـن تقـل محمـومـي
وأن نمت صحاني من النوم جاثـوم ***
اللي يصحـي غارقيـن الحلومـي
الله على اللي مقدمـه تقـل مبـروم ***
شد الخواجـه مـا ببديـه هشومـي
ماجِيب عـن السمكرييـن مصـدوم ***
ولا قيل هـو مسيـوم ولا نسومـي
مقوس الصـدام وجنوطـه كـروم ***
فكسار منوة كـل راعـي لزومـي
إلى مشى بالخـط والخـط مزحـوم ***
يروج مثل السيـل بيـن العقومـي
بالوصف كنه فـارس يمنـع القـوم ***
يرخي العنان ولا يحـزم الكمومـي
فـارس وشيـخٍ للمغاويـر زيـزوم ***
قـدام شيخـان العبـي والختومـي
شيخ بكفه رمـح مسقـى ومسمـوم ***
أمــــا مـــن‎ ‎الدوشان وإلا الفرومي
وإلى أعترض خطه لشعبان وحزوم ***
يشبـه لسبـاحٍ يغـوص ويعومـي
ما قص له لوحات بحروف وأرقوم ***
إلا سند جمـرك بدفـع الرسومـي
أبيه عن دارٍ بهـا الصـدر مكتـوم ***
يبعد مسايـه قبـل أمـزع هدومـي
لأرضٍ يساقيها من الشبـط ديمـوم ***
ومن أول الوسمـي عليهـا قدومـي
فياض وجبالٍ لهن طـور ورجـوم ***
ملس المراقي مكنعـات الخشومـي
ما فقست بلجوفهـن بيضـة البـوم ***
مرفا الحرار مخاشرات السهومـي
ماكنـي إلا عايـشٍ دايـم الــدوم ***
إلـى رقيـت مناطحـات الغيومـي
أرتاح وألقى متعة الطيـر بالحـوم ***
يوم الهوى ينفض شماغـي وتومـي
وياعلي أنا قبلك عن الشعر أبا أصوم ***
زينه وشينـه مبعـدٍ عنـه حومـي
وش عاد ابا بالشعر والشعر مظلـوم ***
وإلى سمعت الناس ردوا عزومـي
اللي ليا سمعـوا شريـط أم كلثـوم ***
من الطرب كـل ٍ يطـق البهومـي
هيضتني يا ذخر مـن يذبـح الكـوم ***
في ساعةٍ فيهـا البخيـل مهزومـي
يقلط وهو كنه على الوجـه مرثـوم ***
يطيح وجهه مع وجيـه الرخومـي
وأصل البخيل خمام معطى ومحروم ***
وكفه ليا جـات اللـزوم محزومـي
والنـاس بالأفعـال فايـز ومذمـوم ***
وإلا النواصي ما عليهـا وسومـي
وأنته مع أهل الطيب لك حظ وقسوم***
وعن الردى في كل حال محشومـي
لك مسهمٍ بالطيب ما هـوب مثلـوم ***
ياطيب الرفقـة شريـف السلومـي
وتم الكلام اللي من الراس منظـوم ***
وعسى حياتك ( يازميلي ) تدومـي
وإن مت جعلك من سنا النار معصوم ***
في جاه غفـار الذنـوب الرحومـي

مره فاضيه · #2 (**permalink**) 10-05-2009, 03:35 AM

قصيده رائعه مشكور مشرفنا على النقل المميز
تقبل مروري

مودي هادي · #3 (**permalink**) 10-05-2009, 04:33 AM

شيخ بكفه رمـح مسقـى ومسمـوم ***
أمــــا مـــن‎ ‎الدوشان وإلا الفرومي

وتم الكلام اللي من الراس منظـوم ***
وعسى حياتك ( يازميلي ) تدومـي
وإن مت جعلك من سنا النار معصوم ***
في جاه غفـار الذنـوب الرحومـي

ونــعم باحــرب كـلهـا..

قصيده رائعه..

شكرآ لكم أخي الكريم عاطل..