أفكاركم لإستديو تصوير نسائي....!

جامعيه · #1 (**permalink**) 17-05-2009, 03:49 PM

السلام عليكم ورحمة الله وبركاته..

مساء الخير للجميع...

انا مقدمه على صندوق المئويه..واعطوني القبول المبدئي الحمدلله لمشروعي اللي هو استديو تصوير نسائي...وطلبو مني الدراسه..

انا حابه تكون عندي افكار جديده

في المشروع...

ياليت اللي عنده افكار ممكن تفيدني في مشروعي ..يكتبها هنا...

والله يعطيكم العافيه...

ابو ياسر · #2 (**permalink**) 17-05-2009, 04:20 PM

هي المحلات التي تقوم بالتصوير الفوتوغرافي للأشخاص , وينقسم إلى نوعين:

فوتوغرافي رجال والعائلات.

تصوير نسائي وهو الذي لا يعمل فيه غير النساء ولا يقوم إلا بتصوير النساء و لا يسمح فيه بدخول الرجال قطعياً.

(طبقاً للمادة رقم 10-13-2)

الاشتراطات:

أن لا تقل مساحة المحل عن 24متر مربع.
أن يكون بالدور الأرضي فقد وغير مشترك مع محل آخر أو سكن.
أن يكون عبارة عن صالة مكشوفة.
أن يكون مخصصاً للتصوير النسائي فقط و تقوم صاحبة المحل بالعمل بنفسها.
أن يكون من باب واحد فقط من الحديد ويكتب عليه من الخارج ممنوع دخول أو وقوف الرجال.
أن تقوم صاحبة المحل بتعيين و كيل لها يمثلها لدى وزارة الثقافة والإعلام و الجهات الحكومية الأخرى.
لا يسمح باستخدام المحل كسكن العاملات.
أن يكون للمحل لوحة مناسبة بشكل غير مثير.

(طبقاً للمادة رقم 10-13-2-1)

الموافقات الرسمية المطلوبة:

موافقة وزارة الإعلام.
موافقة الدفاع المدني.

(طبقاً للمادة رقم 10-13 -2-2)

اتمنى تفيدك المعلومات اولا قبل البداء با المشروع وربي يوفقك

جامعيه · #3 (**permalink**) 17-05-2009, 04:29 PM

الله يعطيك العافيه ماقصرت...

الحمدلله اغلب الشروط متوفره...

ايش فيه افكار ممكن اضيفها للمشروع؟؟؟مثلا زي الطباعه على الملابس وغيرها..

رذوذه · #4 (**permalink**) 17-05-2009, 05:32 PM

أول شي لازم تفكرين فيه الموقع يعني حاولي تدورين حي ما يكون فيه أكثر من محلي ,,, ويفضل ما يكون بس أعتمادك على التصوير يعني ممكن تضيفين عليه تغليف هدايا أو تصميم أزياء بس هنا لازم تطلعين تصريح بمسمى مركز نسائي من أمانة الرياض القسم النسائي,,,
وأختي أبداع القصيم الشروط أبسط من كذا بكثير ومو لازم وكيل شرعي لاني أنا خلصت أجراءاتي بنفسي من غير اي وكيل ,,,

وعلى فكره ترا تصريح وزارة الأعلام ياخذ شهرين على بال ما يخلص بس ممكن تبدين في أجراءات أمانة الرياض لحد ما تطلع وزارة الاعلام تصريحك وكذا ما يضيع عليك وقت واجد ...

بالتوفيق يا قلبي...

جامعيه · #5 (**permalink**) 17-05-2009, 05:47 PM

انا اخترت الموقع...ومافيه في نفس الحي استديوهات...
.
.
طيب تصريح وزارة الاعلام ايش يطلبو بالضبط؟؟؟
لازم يكون معاي بطاقة احوال؟ لأني لسه ماطلعت بطاقة احوال

انا حافتح مجال الطباعه على اشياء كثيره
بلايز او ورود او دروع وووو غيرها...واعتقد مايحتاج تصريح بكذا
لأنها من ضمن مجال الاستديو

مشكووره يارذوذه الله يعطيك العافيه..

رذوذه · #6 (**permalink**) 17-05-2009, 05:57 PM

يطلبون وزارة الاعلام منك : كرت العائله او بطاقة الاحوال الصوره والاصل - صورة من أخر مؤهل جامعي - بس طبعا لازم يكون عمرك لا يقل عن 25 سنه <<< ترا هالشرط مهم أذا كان عمرك أصغر من كذا ما يطلعون لك التصريح
وبعد ما يطلع التصريح تدفعين رسوم 1000 ريال
بالتوفيق يا قلبي وممكن أعرف وين فيه بتفتحين المحل؟؟؟

جامعيه · #7 (**permalink**) 17-05-2009, 06:14 PM

اقتباس:

يطلبون وزارة الاعلام منك : كرت العائله او بطاقة الاحوال الصوره والاصل - صورة من أخر مؤهل جامعي -

ان شاء الله

اقتباس:

بس طبعا لازم يكون عمرك لا يقل عن 25 سنه <<< ترا هالشرط مهم أذا كان عمرك أصغر من كذا ما يطلعون لك التصريح

عمري 25 وكم شهر

اقتباس:

وبعد ما يطلع التصريح تدفعين رسوم 1000 ريال

الله يعين

اقتباس:

بالتوفيق يا قلبي وممكن أعرف وين فيه بتفتحين المحل؟؟؟

انا حافتح المحل في المدينه المنوره

ان شاء الله...

لا يهمونك · #8 (**permalink**) 17-05-2009, 08:42 PM

الله يوفقك جامعيه . .
بس بسألك اشتريتي الطابعات ولا للحين . . !!
واذا اشتريتيها بكم سعرها حقت التصوير وكذلك طابعة الملابس ؟؟
وشكرا جزيلا .

جامعيه · #9 (**permalink**) 17-05-2009, 08:56 PM

لا لسه مااشتريت طابعة الصور...لأني ماابغى الطابعات العاديه اللي بالحبر لأن يقولو لي اذا جات مويه عالصوره تنعدم بعكس الطابعات الحراريه زي اللي عند الاستديوهات
بس طبعا جدا جدا مكلفه انا يمكن اعتمد في الطباعه على الاستديوهات الثانيه بالنسبه للصور...

اما الطباعه على الملابس لقيتها ب5000 ريال +ضمان 8 سنين
طبعا تطبع على اشياء كثيييره...
وفيه طابعه ثانيه ب4500 ريال تطبع على الاشياء الحساسه زي الورود والقزاز والساعات وغيرها...

انا كلمت شركة ندى للتجاره واستفسرت منهم

اذا حاب تستفسر هذا رقمهم يمنع وضع أرقام الجوال

الله يوفق الجميع..