علمتني حبّها ويا ليتها ما علمتني

نداوي · #1 (**permalink**) 18-05-2009, 10:47 PM

السلام عليكم أعضاء احلى منتدى

تقبلوني عضوه جديده في ساحة الشعر والنثر

واليوم جايبتلكم قصيدة وإن شاء الله تعجبكم !!!

صدفةٍ في عز جرحي جات بنتٍ واسعفتني
وابتديت امشي مسافات الهوى باللي بقالي

سمع ٍ وطاعة ولكن بآخر دروبي عصتني
صامته راحت ولا هي جاوبت حتى سؤالي

ليه؟ وش قاصر؟ ولكن للاسف ما جاوبتني
وابتدى العشق ايتلاشى واقتنعت بكل فالي

علمتني حبّها ويا ليتها ما علمتني
يلعن ام الحب يذبح لا غدا بالقلب غالي

ما انصفتني والليالي في لقاها ما انصفتني
سبّة الفرقا وقسوة ليل من بد الليالي

تحسب اني مثل ماهي بالبدايات اعرفتني؟
والله انها تموت حسرة ما تجي مني تعالي

قلت دام ان المليلة في جفاها حرّقتني!
استلم يا قلبها نار بجفاي وفي وصالي

قلت يالله ثم يالله كلما حب احرمتني
واشهد اني ما ارد الا الوفا للي وفالي

قاسي ٍ ؟ والله ماني قاسي ٍ مير اجبرتني
القسى ما مر في بالي ولا حتى طرالي

واصدمتني ليتني ما شفتها يوم اصدمتني
ما بقالي اوّلي في حبّها ولا عاد تالي

ان بغيت ادعي عليها مثل ماهي ضيعتني
خايف ٍ أسمع خبرها ضايعة وينهد حالي

آه ياليت الهنوف اللي اصدفتني ما اصدفتني
ولا حصل كل الذي من سبة الصدفة جرالي

كم عطيت من (السنين الماضيات) وما عطتني؟
كم قطعتك يا جنوبي واثرها الفرحة شمالي؟

لعنبو ذيك الخيانة لعنبوها حطمتني
بس والله لو تشيب. تموت ما تلقى بدالي

منقول

عديم اليأس · #2 (**permalink**) 19-05-2009, 03:56 AM

قلت يالله ثم يالله كلما حب احرمتني
واشهد اني ما ارد الا الوفا للي وفالي

قاسي ٍ ؟ والله ماني قاسي ٍ مير اجبرتني
القسى ما مر في بالي ولا حتى طرالي

واصدمتني ليتني ما شفتها يوم اصدمتني
ما بقالي اوّلي في حبّها ولا عاد تالي

ان بغيت ادعي عليها مثل ماهي ضيعتني
خايف ٍ أسمع خبرها ضايعة وينهد حالي

آه ياليت الهنوف اللي اصدفتني ما اصدفتني
ولا حصل كل الذي من سبة الصدفة جرالي

كم عطيت من (السنين الماضيات) وما عطتني؟
كم قطعتك يا جنوبي واثرها الفرحة شمالي؟

لعنبو ذيك الخيانة لعنبوها حطمتني
بس والله لو تشيب. تموت ما تلقى بدالي

عليكم السلام الاخت نداوي واهلا بك اختا لنا في ساحة الشعر والنثر
وكافة اقسام المنتدى وقد نقلتي قصيده رائعه سلمت اناملك على
طرحها وننتظر جديدك.... سلمتي ودمتي