السلام عليكم ورحمة الله وربكاته

(على من اتبع الهدى)






















قصيدة لشاعر مهما قلت ومهما تكلمت لن اوفي

هذا الشاعر حقه

شاعر متمكن في النبط والمحاوره(القلطه)

شارنا هو الشاعر رشيد بن زيد الزلامي العتيبي




احبتي لا اريد ان اطيل عليكم بالحديث واليكم القصيده




الشعر ماني مقترح دستوره
ولاني وكيل أدم على مذخوره
ولكن من شيٍ يحز بنفسي
هاضت به افكاري وهي مجبوره
شعر النبط شفته بوسط الشارع
يمشي ويسحب رجله المكسوره
وما شاهدت عيني عرفت اسبابه
زان الزمان وبانت المصروره
الشعر سارت هيبته ماطيه
تشاوتوه الربع مثل الكوره
يشوته الفارس وجاه الحارس
ينقز على رجله ويلطم زوره
واهدافهم يا للأسف مكشوفه
اغراض شخصيه وصوت وصوره
يستخدمون الشعر لبسط حاجه
وش هالبشر منهيةٍ مأموره
إما هذم رَجلٍ بدون مبرر
او يمدحه مدحٍ يمس شعوره
مدحه بوجهه يعتبر مسبه
إذا كان يعرف مستواه ودوره
ولا تهيض عمنا متغزل
واعطى الجهاز الحر من ميسوره
يصف بنات الناس وصفٍ خاطيء
وداوم بحلقٍ كنه الماصوره
ثم قال أنا شاعر وجاك محدر
يعدّ حاله ناجحٍ من دوره
هو ما درى ان الشعر مضلومٍ به
وإنه بشر وصحته محظوره
يا من ظلمت الشعر خاف من الله
خله يعيش وحالته مستوره
يا الربع كلمة شعر تبغى شاعر
مثل السديري يوم غاص بحوره
وابن ربيعه والخلاوي راشد
ولا عبيد العلي يوم عصوره
ومثل القضاه ومحسن الهزاني
وابن شريم اليا رفع باكوره
وابن حميد وشالح القحطاني
ولاهي عن اهل المعرفه مقصوره
ولاني مجامل مع هذا والثاني
اعدّ شعار النبط وابحوره
واللي ما هو قنعان ينشد عني
يزورني للبحث ولا زوره
وعندي اللقاء كلٍ يجرب حظه
ولاني وكيل أدم على مذخوره


اتمنى ان تكون قد حازت على رضاكم

وعليكم السلام ورحمه الله وبركاته

الله الله طرحت فابدعت اخوي ممدوح . . قصيدة راائعة وشاعرها متميز جدا

يعطيك العاافية

الله يعافيك نوريتينا بمرورك اختي العاطلات الثلاث

صح لسان الزلامي شاعر علم ومتمكن الله يطول بعمره ..
وتسلم يمينك أخوي على الدرة الرائعه ..

أعطر التحايا لقلبك ..

شاكر لك مرورك العطر

ولك جزيل التحايا

يعطيك العافيه

صح لسان الشاعر رشيد وتسلم يدين ممدوع على الكتابه

وعليكم السلام ورحمة الله وبركاته
صح السان الزلامي وصح السانك ياممدوح
قصيده جميله واختيار رائع ..
لاعدمنا جديدك ..
دمت بخير

صح لسان الزلامي

والف شكر على النقل ياابن العم

تحياتي

نورتونا وشرفتونا


بمروركم العطر