موضوع رائد يتحدث عن سيرة وأخبار كبار الشعراء
احببت ان أنقل لكم في كل فتره أخبار وسيرة شاعر

هناك الكثير من متذوقي الشعر ومن لهم ميول شعريه
قد تخفى عليه أو يريد ان يعرف سيرة شاعر ....

ونحن هنا نحاول ان نعرضها لكم وأتمنى من الجميع
ومن لديه مشاركه أن لا يبخل بها فالموضوع جماعي
والكل يدلي بدلوه ...

كل الحب لكم ...

الشاعر الكـــــــــبير : حـــــــــــامد زيد



الاسم : حامد زيد سعدون فارس العازمي .
مواليد : 4 فبراير 1977مالحالة الاجتماعية : متزوج و عنده 3 بنات ( اسماء - ريم - سارة ) الله يخليهم له

حاصل على شهادة دبلوم تجاري من كلية الدراسات التجارية .
عضو ديوانية شعراء النبط الكويتية بدرجة ممتاز .
موضف في وزارة الشؤون الاجتماعية و العمل .
كانت بداياته الاولى في الظهور عبر وسائل الاعلام من خلال البرنامج التلفزيوني (ديوانية شعراء النبط) و ذلك في اواخر 1996 . و البداية الفعلية بالصحافة من خلال مجلة المختلف في احتفالية عددها المئوي في نوفمبر 1999.

اطلقت عليه الصحافة الشعبية الخليجية العديد من الالقاب من اهمها : ( قنبلة الشعر - شاعر المختلف - شاعر الشباب - شاعر المطولات - شاعر الخناجر )


اقام العديد من الامسيات بالكويت من اهمها :

امسية الهيئة العامة للشباب و الرياضة بالتعاون مع جريدة السياسة في 12 يونيو 2000.

الملحمة الوطنية التي اقيمت بمناسبة مرور 10 سنوات على تحرير الكويت و 40 سنة على الاستقلال كواحد من عشر شعراء مشاركين على مستوى دول مجلس التعاون الخليجي . و طبعا في امسيات لي الراس بس انا اختصرت و قلتلكم 2


و له اربع اصدارات : ديوان مقروء يحمل عنوان اربع خناجر - البوم مسموع يحمل عنوان ( شعر حامدزيد ) - البوم اخر يحمل عنوان ( السفينة)

.............................................
(الســــــــــفينه)


ضاقت وساع الفيافي والوعد متن السفينـه
للطريق اللي دعاني بعد أمـان الله وأمانـه
لاتنادينـي وصونـي قلبـك الله لايهيـنـه
لايراهن في رجوعي لجل مايخسـر رهانـه
ليه ما أرحل عن غرامك بعد ماذقت الغبينـه
أذكريلي شي واحد يستحـق أقعـد عشانـه
قلب ماحن لوصالي مانـي بحاجـة حنينـه
وأشهد أنـه مايعـزر بالرفيـع الا هوانـه
الهـوى الغـدار حـد الله مابينـي وبينـه
والرجل لاخير فيه إن ماحفظ قدره وصانـه
واحدٍ مثلي اليا من حدتـه عوجـا سنينـه
ماشكى لقرب أبن ادم لوهو أقرب من أخوانه
يوم قلبي ماعصـاك وماقدرتـي تذبحينـه
ليه خنتي فيه وأنتي معه من نفس الديانـه
كان ذبحي بيدك أرحملي من اللـي تفعلينـه
وأن طلبتـك تذبحينـي ماذبحتينـي لعانـه
كل جرحٍ من جروحي تذكرينـه .. تنكرينـه
كن مالك في نزيفه (يـد) خانـت بالأمانـه
ينزف الخافق تواضع ليـن لطختـي جبينـه
والا أنا ماكنت أبيها توصـل لحـد الأهانـه
قلت من باب الميانـه صاحبـك وتعذبينـه
لعنبوك إرخي معاي أشوي ماصارت ميانـه
طعت عقلك يوم قيل إن العقل للبنـت زينـه
لكن الشرهه علي اللي كنت أحسب إنك تكانه
من بعد ماكنتي أنتي في حشاي أغلى سجينه
بوعدك بطلق سراحـك وأتهمينـي بالأدانـه
وين رايـح..؟ لأي دربٍ مايرجـع للمدينـه
ليه رايح..؟ لان قلبك ماترك قلبي وشانـه
كيف أبنسى.؟ ربي اللي ملهم القلب السكينه
مثل ماعانه بقربك لانـوى فرقـاك عانـه
كان قاسي يجرح أطراف السكاكين السنينـه
مايطيح وبنتٍ مثلـك حبهـا هـزت كيانـه
والا أنا خابـر خفوقـي مايمـد الا الثمينـه
وإن بغى يغيض الثريا قعد القمـرى وزانـه
مزعلٍ لجلك هنوفٍ رجـت عقـول رزينـه
وإن تهادت بالطريق الجرهدي تزهر جنانـه
جادلٍ كـن الجمـال قبالهـا كتـف يدينـه
والقمر لو شاورت له ينزح وتقعـد مكانـه
كانت أول من تحكم في فـروع الياسمينـه
وأن تعدتهن تثنـن خيزرانـه .. خيزرانـه
بعتها لجلك وصارت لأصغر أطرافك رهينـه
وألا هي لفتة هدبها تغمـرك ثقـل ورزانـه
والخفوق اللي تغذى مـن معـزة والدينـه
مشكلته إنه تعلق في زمن ماهـو زمانـه
كل مازادت جراحه وأكتشف غلطة ضنينـه
صدقيه أن قال مابه شخص يستاهل حنانـه
يـوم نـادا يافلانـه مارضيتـي تسمعينـه
ليـن صـوت يافلانـه ,يافلانـه ,يافلانـه
كنت أشوفك زعفرانه تقرض الورد وتدينـه
يمكن أني ماقطفتك بس أشوفـك زعفرانـه
كنت أهاب البعد عنـك وأطلبـك لاتذكرينـه
كان خوف من الفراق وخطوت الفرقا جبانه
وماقتنعت أن الخيانه للرجل تلـوي يمينـه
لين ماربي بعثك وذقت من طعـم الخيانـه
إسمحيلي..مابقـى فينـي مكـانٍ تطعنينـه
وأقبلي من جوف قلبي كل عطفه وأمتنانـه
والله الله في عذابك بتركـك عينـك بعينـه
دلليـه ولايـرده عـن شقـاك إلا لسانـه
والا أنا قررت أسافر وأمتطي ظهر السفينـه
لأن مابه شي واحد يستحق أقعـد عشانه




(الأسطوره)


ماتقبلـت الفـراق مـا ليـدي فيـه حيـلـه
آه لو ان الظـروف المقبلـه تكشـف قدرهـا
لو يعرف الشخص منّا وش مع الغيب ابيجي له
كان جنبنا المشاكل من قبـل يوقـع ضررهـا
ما هقيت الليله اللـي جابـت الفرقـا طويلـه
لين صارت ليلة امس بعيني اطول من شهرها
والعذاب اللي يذوب بعيـن مـن يفقـد خليلـه
عندي اكبر من عذاب العين لو تفقـد نظرهـا
والحبيب اللي صـدوده مثـل مداتـه جزيلـه
صد عني واعرفه لو صد عن حاجه هجرهـا
كن روحي يوم حست في جفاه وصعـب نيلـه
بشرتني بالضيـاع وشـدة العـزم لسفرهـا
ما رحمها من هـلاك ومـا تقبّلهـا دخيلـه
تحتضر قدام عينه ليـن ماتـت مـن قهرهـا
عاد ليت اللي ذبحها وارهب المـوت بوسيلـه
ما دفن وجه الضحيـه والسكاكيـن بنحرهـا
ليت قلبه يـوم سـوى فعلتـه كمّـل جميلـه
لو غسلها من عروقه وبكفن صـدره قبرهـا
من حفر بضلوع قلبـه حفـرةٍ تكفـي قتيلـه
ليه ما يدفن قتيله بالضلـوع اللـي حفرهـا؟
اشتكيتـه للرفـوف وللبـراويـز الهزيـلـه
وانذعرت من النياح اللي سمعته في صورهـا
رحت اسولف للجبال الصم عن قصـة رحيلـه
ما تركت متونها الا ينحـت الدمـع بصخرهـا
واحدٍ حقق جماله كذب اساطيـر الـف ليلـه
يسكن السبع البحور ويحبس الحـور بدررهـا
الـدروب بكبرياهـا ترتجـف تحتـه ذليـلـه
والورود اللي تقبّـل خطوتـه تنبـت بأثرهـا
والغصون اليا بغاهـا تنثنـي له.تنثنـي لـه
والفياض ان حب ينثر عطرها يلمس زهرهـا
لو يصوّت للغديـر المنجـرف جفـف سبيلـه
وان تبسّم للجبـال الصامتـه نطّـق حجرهـا
كل حاجه تستوي له. لي بغاها تستـوي لـه
بالنظر واستغفر الله لو بقول : انـه سحرهـا
ذاك لو بـس يتمنـا فاكهـة شجـرة ضليلـه
بس يفتح راحت ايده ويتساقـط لـه ثمرهـا !
كن ربي سخـر لـه المعجـزات المستحيلـه
واصبح اسطوره وكل الالسنـه تنقـل خبرهـا
هان محجر دمع عيني لين جفّـف سلسبيلـه
والتفت لأخيـر دمعـه قبّلـت يـده ونثرهـا
دمعةٍ كن بشقاها يـوم طاحـت فـي شليلـه
جادلٍ جات بـدويٍ تطلـب الستـر وسترهـا
له علي انه ليا من طاح مـن عينـي تشيلـه
ولي عليه انـه يرجّـع لابتساماتـي ثغرهـا
لو طعوني بالسكاكيـن بيـده تشفـي غليلـه
لاشتريها من عذابي وادفـع بدمـي مهرهـا
واطلبه ينهال فيني طعـن ليـن يطيـح حيلـه
بس لا يترك عيوني تنحـرم نعمـة بصرهـا
له بعيني مثل ما للطهـر بالنفـس الاصيلـه
تقطع يدين الردا لو مس شعره مـن شعرهـا
مابغيتـه غيـر دربٍ شتّـت اقـدام الدليلـه
مزنةٍ ما بللتنـي واستحيـت اطلـب مطرهـا
والعطايا من يديـن الخلـق للطالـب قليلـه
والوهايب من يـد الله للعبـاد اجـل وأرهـا
وان نسيت اني زرعت العشق وحظوظي بخيله
ما نسيت ان العطايا تستحـق اللـي شكرهـا
صعب تلقى شخص وافي يجزي الطيب بمثيلـه
والعرب كد قالت ان : الناس ما تترك قشرهـا







(رد السؤال )

انتبهت لدمعها بالهـدب والكحـل سـال
لين جفت عينها دمـع والقـاع ارتـوى
وابتدت لحضة جفا ونتهت لحضة وصال
وأنطفى نور السعادة واحسب انه ضوى
ما اكتفيت من الهوى والغرام أربع ليال
واقفت أيام التلاقي وجـا وقـت النـوى
كنت ابلسى وابتسم والتفت عنها شمـال
لا قويت الصد عنهـا ولا قلبـي قـوى
ما هقيت ان الهوى عذب قلوب الرجـال
لين ضاع القلب مني وتفكيـري سـوى
رحت أدور دفوة الشمس ضيعت الضلال
جيت اطفي شعلة النار والقلـب انكـوى
ماهقيت ان السعادة خيـال فـي خيـال
تروى قلوب الحبايب وقلبـي مـا روى
كنت ابشتال الهوى والهوى ثقل الجبـال
وان تحملت الجبل ما تحملـت الهـوى
كنت ابسلى بالهوى والهوى صعب المنال
ما رضا لي حظي اللي طواني وانطـوى
قلت لا فراحي تعالـي ولا قالـت تعـال
والخفوق ان قلت ابقبل على صدي نوى
الله أكبر لا شرقت شمس يتلاهـا زوال
كيف ابفرح في صباح مع الليال استوى؟
لاحصل بالحب قسمة ولا جا لي مجـال
غير اشوف معاند الجرح وعناد الـدوى
شبت النيران واقفت وجـاء رد السـؤال
ما تشب النار يا كـود يوصلهـا هـوى





اتمنى من الأعضاء المشاركة في وضع اجمل قصائد حامد زيد لمدة اسبوع

القصيده :انتي ولا شيّ
والله وصرتي تستهينين فيني
وانا الذي سويت لك قدر بيديّ
تدرين وش كنتي قبل تعرفيني ؟
ان قلت لك كنتي ولا حاجة شويّ
انا الذي فرشت لك رمش عيني
وعملت منك شي وانتي ولا شيّ
جيت اعشقك ما جيتك لك تحقريني
جيت اسكنك بسمة ما هو بسكنك غيّ
لا صرت عامل لك قدر قدريني
ترا الكرامة صفحة ما لها طيّ
ما دام ما جيتي غلا لا تجيني
نار الجفا عندي ولا الذل بالفيّ
والله لاهجرك قبل لا تهجريني
اجل تبيعيني واجيلك برجليّ
يا تتركين الكبر يا تتركيني
لأن المحبة شي والمهزله شيّ
إن كانت الدعوة غلاي وحنيني
يمكن يزول الحقد ويشعشع الضيّ
لكن حكاية ينحني لك جبيني
في ذمتي ما ينحني لك وانا حيّ


.........................


شعر حامد زيد الحلم :

بـوقـت مــن الـبطا،وبليل تـترقص شـياطينه"
"بـعد شـفت الـضيا يـنزع مـن ثياب المسا ثلثين
تـحـايلت الـمـنام الـلي مـثل بـيتك تـمرينه "
"وانـا الـلي مـن تـفارقنا وأنـا ماغمضت لي عين
غـريـبة!!كل حـلـم يـمـر بـرقادي تـزورينه"
"والاغـرب..كيف أحـلم الحلم،وارجع واحلمه بعدين؟
قـبـل يـومين،شفتك بـالمنام..وقمت مـن حـينه!"
"ونـمت أمـس،ورجع نـفس الـمنام اللي قبل يومين
أنـا الـلي قـبل اسـافر شـلت قـلبي من شرايينه"
"تـركـته فــي يــدك الأمـانه،واحفظيها زيـن
تــرى حـفـظ الأمـانه ديـن..مجبورة تـردينه"
" أجـل ، مـافيه أحـد قال لك((حفظ الأمانة دين))؟!
مــرد الـمـقفي بـيـلفي..ويستوفي ،وتـوفـينه"
"بـعـدلـيـلـه،ثـلاثـه،أربعه،عشره،شهر،شهرين
إذا انـتـي ،مـاانتي بـقد الـكلام الـلي تـقولينه"
"حـرام...استامنك حـاجة،وإذا جـيت اطلبك تنسين
تـخونين،وتبين أرضـى!..واحد يـرضى تخونينه!"
"أنـا لاجـيت أخـونك،مع حبيبة ثانيه،((ترضين))!
مـن أول مـارجعت مـن الـسفر ماشفت لك بينه؟"
"وأنا اللي كنت أحسبك قبل ادوس ارض المطار..تجين
تـكونين أنـتي أول شـخص عـيني تحتضن عينه"
"وكـنت أتـخيلك مـن زود فـرحة رجـعتي..تبكين
وأشـوف بـدمعتك حـكيك..وأعرفه قـبل تـحكينه"
"واجـيب أحـلى مـن الـلي بتحكينه،وأتركك تحكين
تـقـولـيـن:الوطن نـور..وأقـول:بـنورمضوينه"
"تـقولي لـي:غديت أحـلى،وأقول:عيونك الـحلوين
كـــلام نــام بـشـفاهك..وخفتي لاتـصـحينه"
"ذخـرتـيه لـغـرام لـلي يـنام...ويترك تـصحين
تـغـانمتي غـيـابي..لين رجـحـتي مـوازيـنه"
"تـعلم مـن يـدك لـمس الـكفوف وعـلمك تجفين
ولـيـتك لاقـيـه بــه شـي...فيني مـاتلاقينه!"
"مـهو بـغرور..لكن خـابرك مـالك أمـل تـلقين
تـغـافلك بـغلا..والإ الـحلا مـهو بـمن زيـنه!!"
"تزينه الصور ..بس الصحيح ابن الحلال((زوين))!!
وأنــا مـاني بـنقاص عـنه يـوم أنـك تـبدينه"
"نـصيبي..هو نـصيبي لـو يـسددها من الصوبين
قـنـوع بـمـظهري،والسم مـايـذبح ثـعـابينه "
"عـلى قـول الـمثل((ماني حلو..لكني ماني شين))!
إذا أهــداك الـزهر مـره،فأنا اهـديتك بـساتينه"
" وإذا ألـهاك بـفرح لـيله، فـانا تـهت لبكاك سنين
وإذا اسـتـضعفتك أمـلاكـه...وشتتك مـلايـينه "
" أنـا حـتى فـتات الـخبزة أقـسمها مـعك نصين
طـموحي ،بـس أجـي وأظـفر بـشي تـستحقينه"
"تـديـنـتـه،تـسلفته،سرقته،مومهم مــنــيـن؟
كـأني مـن كـثر مـاارضى بـكل الـلي تـمنينه "
" لـو انـك تـطلبين الله ..يـعنيني، بـقول آمـين
أنـا مـاالعب عـلى الـحبلين،وقت الطيش وسنينه"
"تـبين الـحين يـوم أني كبرت العب على الحبلين؟!
تـرى عـند الـبدو بـالذات((عيب اللي تسوينه))!!"
"حـلاتـك لاعـشـقتي..تعشقيني لـيـوم الـديـن
غـرامٍ نـسكن ضـلوعه...حشيمه مـن مـجانينه "
"جـفـا،يجمع مـعـزتنا...ولاعشق يــذل أثـنين
كـثـار الـلـي تـحـدوني وقـالـولي :تـحبينه"
"امـانـه..لاتخليني صـغـير بـعينهم ((تـكفين))!!
لانـــي كــل مـاقـالوا((تخون))..اقول:مسكينه"
"عـلـيك الله وأمـانـه..علميهم مـنـهو الـمسكين
أنــا خـايف((لياطاح الـجمل تـكثر سـكاكينه))"
"وأنـا مـاعاد بـضلوعي مـكان لـطعنة الـسكين
مـثل مـاقالوا(المكتوب واضـح مـن عـناوينه))"
"لـو ارحـل مـنك للغربه..بسافر من ظلامك وين؟!
كـفـايه..كل حـلـم يـمـر بـرقـادي تـزورينه"
"كـفاية...من تـفارقنا..وأنا مـاغمضت لـي عـين
قـبل يـومين شـفتك بـالمنام وقـمت مـن حـينه"
"ونـمت أمـس،ورجع نـفس الـمنام اللي قبل يومين

الله روووعه الموضوع ياعطوول ..
حامد زيد شاعر مبدع وانت ابدعت بطرحك له ..
بس ابي اعرف شغله ..
انت اللي تحط السير مالت كل الشعار ولاهم بعد حنا
ننزل سيرهم <<<<وحده مستعجله تبي تنشب لكم بـــ سعد علوش

وفعلآ ع قولة مرعى يستحق التثبيت وايضآ التقييم