عطيت الحزن في قلبـي الريـاده
تمكن بالسنيـن و صـار عـاده
عطيته كل مـا ضمـت ضلوعـي
عطاني مـن تواسيمـه شهـاده
وصـارت كـل هالدنيـا بعيونـي
كبـر حجـم الذبابـه و الجـراده
أشيل الدمع مـن عينـي لقلبـي
ولا أحتلت الصبر..و الا الجـلاده
حزن عنـوان تاريخـه و حربـه
أباده..فـي أبـاده..فـي أبــاده
ياربـي لا تواخـذنـي بذنـبـي
ولـو قصـرت بأذكـار و عبـاده
دعيتك يـا ألهـي و انـت ربـي
و عبدك ما طلـب شربـه و زاده
يبي لـذة نعيمـك عـن عذابـك
تبارك نقطته..مـن فـوق ضـاده
يجاهـد نفـس بالسوء..أتـأمـر
تموت النفس..ما وقـف جهـاده
والا ياقلـب.. و النيـه مطـيـه
قليـل العلم..دايـم هـو وكـاده
ذبحك الحزن و أخلفـك الهبايـب
تذري عن سمومـه فـي بـراده
ينادي لـك تجـي ..منـا و منـا
و أنا طالبك..حقـق لـه مـراده
لأن الحـزن علمنـي دروســه
تعلمـت القسـاوه و الـصـلاده
مسح من قائمـة منهـج حياتـي
عوافـي او وناسـه او سـعـاده
مسوي (بلوك) لقلـوب الصبايـا
و لا ينفـع(دلـيـتـه) والا (أأده)
سكن في صدر صدري و أستحلـه
و ثبت فيلقـه..و ارسـل عتـاده
يـدك القاع..مشيـه فالحنـايـا
و في عرقي تجـي جرة..جيـاده
ضرب لي صدره و صوت..تزهـل
و برر موقفـه..و اعلـن حيـاده
صراحه..كـان موقفـه التناقـض
كأنه يحصد..و يحـرق حصـاده
يبي يحذرني مـن جـور المحبـه
و انا مابي حـذر..و الا استفـاده
وأنا اللي ما جهلت الحب لحظـه
و أعرفه..لا غزا يكسـب سيـاده
و انا با أقول شيءً قد حصل لـي
ولانـي طالـبً منـك. . افــاده
انا حبيـت يومـي كنـت جاهـل
تلبسـت الهـوى لبـس القـلاده
عطيت القلب للـي كنـت أحبـه
ربط قلبي..مـن يدينـه..و قـاده
يوسدنـي همومـي و أتشـكـر
و انا قلبي غـدى عنـده وسـاده
همس لي..قال:احبك يـا حياتـي
حسبت انه دواء قلبـي وضمـاده
جلست أحطب ضلوعي و اشكر الله
ولو ضلعي أحترق..نرق رمـاده!!
و أدور له ..كتب عنتـر و عبلـه
فنـون الاستعـاده..و الاعــاده
سكـن فيني..ترعرع..ثـم تربـى
ولا كنـه بعينـي غـيـر.. دااده
اداري خاطـره..و أدرا شـعـوره
كأنـه حاكـم ..و قلبـي بـلاده
يقول آسـف اذا نكـدت عيشـك
و اقول:انت مهبول؟ أيـة نكـاده؟
أنا اصلاً من عرفتك..مـا اتنكـد
بحبـك دنيتي..سـكـر زيــاده
و راح الليـل تبجيـل و مدايـح
أشـاده منـه و منـي أشــاده
سكت له فتـرةً ثـم ابتسـم لـي
عرفت انـه نـوى يبـداء بعـاده
هـدم كـل الغـرام اللـي بنيتـه
أباده..فـي أبـاده..فـي أبــاده
قرب مني و في أذني..همس لـي
و عرفـت انـه يلقنـي الشهـاده
الشاعر||عبدالله ذويبان