عطيت الحزن في قلبـي الريـاده

الحب لولا عيونك · #1 (**permalink**) 27-05-2009, 05:48 AM

عطيت الحزن في قلبـي الريـاده

تمكن بالسنيـن و صـار عـاده

عطيته كل مـا ضمـت ضلوعـي

عطاني مـن تواسيمـه شهـاده

وصـارت كـل هالدنيـا بعيونـي

كبـر حجـم الذبابـه و الجـراده

أشيل الدمع مـن عينـي لقلبـي

ولا أحتلت الصبر..و الا الجـلاده

حزن عنـوان تاريخـه و حربـه

أباده..فـي أبـاده..فـي أبــاده

ياربـي لا تواخـذنـي بذنـبـي

ولـو قصـرت بأذكـار و عبـاده

دعيتك يـا ألهـي و انـت ربـي

و عبدك ما طلـب شربـه و زاده

يبي لـذة نعيمـك عـن عذابـك

تبارك نقطته..مـن فـوق ضـاده

يجاهـد نفـس بالسوء..أتـأمـر

تموت النفس..ما وقـف جهـاده

والا ياقلـب.. و النيـه مطـيـه

قليـل العلم..دايـم هـو وكـاده

ذبحك الحزن و أخلفـك الهبايـب

تذري عن سمومـه فـي بـراده

ينادي لـك تجـي ..منـا و منـا

و أنا طالبك..حقـق لـه مـراده

لأن الحـزن علمنـي دروســه

تعلمـت القسـاوه و الـصـلاده

مسح من قائمـة منهـج حياتـي

عوافـي او وناسـه او سـعـاده

مسوي (بلوك) لقلـوب الصبايـا

و لا ينفـع(دلـيـتـه) والا (أأده)

سكن في صدر صدري و أستحلـه

و ثبت فيلقـه..و ارسـل عتـاده

يـدك القاع..مشيـه فالحنـايـا

و في عرقي تجـي جرة..جيـاده

ضرب لي صدره و صوت..تزهـل

و برر موقفـه..و اعلـن حيـاده

صراحه..كـان موقفـه التناقـض

كأنه يحصد..و يحـرق حصـاده

يبي يحذرني مـن جـور المحبـه

و انا مابي حـذر..و الا استفـاده

وأنا اللي ما جهلت الحب لحظـه

و أعرفه..لا غزا يكسـب سيـاده

و انا با أقول شيءً قد حصل لـي

ولانـي طالـبً منـك. . افــاده

انا حبيـت يومـي كنـت جاهـل

تلبسـت الهـوى لبـس القـلاده

عطيت القلب للـي كنـت أحبـه

ربط قلبي..مـن يدينـه..و قـاده

يوسدنـي همومـي و أتشـكـر

و انا قلبي غـدى عنـده وسـاده

همس لي..قال:احبك يـا حياتـي

حسبت انه دواء قلبـي وضمـاده

جلست أحطب ضلوعي و اشكر الله

ولو ضلعي أحترق..نرق رمـاده!!

و أدور له ..كتب عنتـر و عبلـه

فنـون الاستعـاده..و الاعــاده

سكـن فيني..ترعرع..ثـم تربـى

ولا كنـه بعينـي غـيـر.. دااده

اداري خاطـره..و أدرا شـعـوره

كأنـه حاكـم ..و قلبـي بـلاده

يقول آسـف اذا نكـدت عيشـك

و اقول:انت مهبول؟ أيـة نكـاده؟

أنا اصلاً من عرفتك..مـا اتنكـد

بحبـك دنيتي..سـكـر زيــاده

و راح الليـل تبجيـل و مدايـح

أشـاده منـه و منـي أشــاده

سكت له فتـرةً ثـم ابتسـم لـي

عرفت انـه نـوى يبـداء بعـاده

هـدم كـل الغـرام اللـي بنيتـه

أباده..فـي أبـاده..فـي أبــاده

قرب مني و في أذني..همس لـي

و عرفـت انـه يلقنـي الشهـاده

الشاعر||عبدالله ذويبان

حنين الرووح · #2 (**permalink**) 27-05-2009, 06:02 AM

رووعه ،، روووعه ،، رووووعه ..
أختيار ولا أجمل

تسلم أخوي على هالرااائعه
كلكـ ذووقـ

تقبل تحياتي

حنين الرووح

عليكم بالصلاة · #3 (**permalink**) 27-05-2009, 06:15 AM

صح لساانك ولساان شااعرها . . . سلمت ودمت .

عطر البداوة · #4 (**permalink**) 27-05-2009, 03:42 PM

ذووووووق ..
صح لسان شاعرها وتسلم يمين ناقلهااااا ..

أعطر التحايااا ..

متحنكف · #5 (**permalink**) 27-05-2009, 06:50 PM

صح لسان شاعرها ..

وشكرًا لك .. يابعدي

راعية الابل · #6 (**permalink**) 28-05-2009, 02:47 AM

الله الله ع ها الابداع
قصيده قمة الروعه ..
صح السان شاعرها وصح السانك ..
سلمت يمناك ..ولاعدمناك ولاعدمنا هالذائقه..
دمت بخير

الحب لولا عيونك · #7 (**permalink**) 28-05-2009, 02:50 AM

حنين الروح العاطلات الثلاث عطر البداوه وريث الجرح راعية الابل

منورين جميعا وعساني ما أنحرم من هيك ردود

ودي

Mr.RęLǻҗ · #8 (**permalink**) 28-05-2009, 03:25 PM

صح لسانك ولسان شاعرها مدد بلاعدد ..
تحيتي إلك &

حزين وتايه · #9 (**permalink**) 28-05-2009, 09:11 PM

يعطيك العافية على الأختيار الرااااااااااائع

تحياتي

abo naif · #10 (**permalink**) 29-05-2009, 02:16 AM

ابيات جميله صح لسانك ويعطيك الف عافيه

عطيت الحزن في قلبـي الريـاده

الشعر والنثر