27-05-2009, 06:32 PM
|
 |
|
|
تاريخ التسجيل: Dec 2008
المشاركات: 3,649
معدل تقييم المستوى: 214928
|
|
حنـــــــــــا أقرب الجيـــــــران . . .
السلام عليكم ورحمة الله وبركاته
جار يبثه معاناته من جاره الموذي له من خلال هذه القصيدة الفكاهية ,,, اتمنى لكم جيران اجاويد يااعضاء منتدى البطالة ....
اترككم مع القصيدة
يا جارنا هـذي ثـلاث ايـام مـا جانـا وذاك
لا يا عسى ما شر جالـك مـدةٍ مـا اوذيتنـا
حنا اقرب الجيران واولاهـم بطيبتـك ورداك
وعودتنا على الشقا نستغرب ان مـا اشقيتنـا
يا جارنا طالبك في جاهك لا تبخل فـي خطـاك
عجّل علينا بالخطـا لـو بـس تكسـر ليتنـا
حنا شرينا الليـت للتكسيـر ونـدور رضـاك
وان ما اكتفيت بكسرته عـوّد علـى ونيتنـا
يفـداك موترنـا وشارعنـا ولمباتـه فـداك
وان ما كفاك اللي ذكرنـا لـو تصـدم بيتنـا
ولا تخلي بصدرك ولو كلمه ما تسمعها اقصراك
جالك ثـلاث سنيـن موذينـا لكـن مكفيتنـا
الله يرحـم جـدك الاول ويرحـم مـن ربـاك
اسقوك من كاس الوذيه وانت منـه اسقيتنـا
انشهد انـك فالخطيـه ماحـدٍ يلحـق مـداك
وانشهد اني ما خبر لـك ليـل مـا صجيتنـا
يا زقنك اورعانك الموذين مـا نلقـى حـلاك
حنا نفكر في شـرا ذالبيـت وانـت اغريتنـا
الله يرضالي على ورعـك ويرضالـي عـلاك
يا مطيـب البـوري ليـا طنبتـه وصحيتنـا
ما فيه داعـي للهدو لا يـا بعـد هـذا وذاك
اغنيتنـا عـن كـل جيرانـك ولـك صديتنـا
لو ان سكان الرياض تعرفـك وتسمـع لغـاك
يمدي الخليقـه مستسـره مثـل مـا سريتنـا
الله جزاك بفعلك الطيّـب وجـاك اللـي ولاك
اكرمك من منهجك يالموذي مثل مـا اعطيتنـا
افرح فرحنـا يـوم جاورنـاك لا منـه زواك
وحنا نبي نذبح نذر من عقـب مـا
ولا رحت تشري ليت حاول تشتري لنا معـاك
ركـب ابيتـك وحـده والثانيـه فـي بيتنـا
وان كان شددك الفتوه حاول تـزور قصـراك
سلـم عليّـه بعـد مـا حبيـتـك وحبيتـنـا
اتمنى ان ينال استحسانكم مانقلته لكم,,,
|
العرض العادي
