31-05-2009, 04:58 AM
|
 |
|
|
تاريخ التسجيل: Aug 2008
الدولة: في وسط كفوف القدر ..
المشاركات: 10,487
معدل تقييم المستوى: 21474888
|
|
الشباب في الاستراحة بعد الرحلة //فكرة الوزير تصميم شيبو (1-2)
عاطل الرياض : هاه ياشباب كيف كانت رحلتكم لمصر ؟؟
عديم اليأس :هااه !! رحلة جدا حلوة وماكان ناقصنا الا أنت
عاطل الرياض : ليش ماطولتوا بس يوم واحد ورجعتوا ؟!
العنزي :بصرااحة كانت في احداث ارهابية في مصر ,والسفارة السعودية نصحتنا نرجع للمملكة خوفاً على سلامتنا >>تصريفة قوية
سرااق القلوب: ايه بس احنا ماسمعنا بأحداث إرهابية في مصر في الاخبار !!
عاطل فاهم :وش قصدك ياسرااق ؟؟ يعني احنا نكذب  !! بعدين هذه مسائل أمنية ماتصرح فيها الدول حتى ماتثير الذعر بين مواطنيها 
سرااق القلوب : ايه بس والله مادخلت راسي ! يعني معقولة الاحداث الارهابية ماصارت الا يوم سافرتوا ؟!
العنزي : أقول على شحم ياسرااقوه ! يعني قصدك ان وجهنا وجه نحس على مصر !
سرااق القلوب :خلاص لا تزعل !بس وش رايكم نسافر لبنان نغير جو !
العنزي :فكرة حلووووة !وش رايك ياعاطل فاهم ؟
عاطل فاهم : أقول ماعاد أنا مسافر معكم ,أخاف تجيبون لي xxx4 وتقولون لي هذا شاي مغربي
عاطل الرياض : وش سالفة XXX4! ليه انتم شربتوا في مصر ؟؟!!>> لا بالله إنكشفوا
العنزي :أقول احترم نفسك ياعويطل الرياض احنا ناس محترمين ومحافظين وعلى دين مانسوي مثل هالاشياء اللي تمس اخلاقنا العالية
أمير البطالة :أقول لا تلعب علينا أنت وياه واضح من كلام عاطل فاهم انكم شربتوا !>> لاوالله تورطوا بالتحقيق
عاطل فاهم :أنا ماقلت إننا شربنا في مصر بس قلت فرضاً ماتدري يمكن الشيطان يلعب عليهم >>تصريفة حلوووة
أمير البطالة : يعني متأكدين إنكم ماشربتوا ؟!
العنزي : لا من هذه الناحية حط في بطنك بطيخة صيفي
سرااق القلوب :الحمدلله طمنتوني !
عاطل الرياض :وكيف كانت معكم مصر وبنات مصر ؟
العنزي :أووف أسكت بس ! تصدق فيه بنت جلست تلاحقني من المطار الى الفندق !>>>بدأ الكذب
سرااق القلوب :قول قسم !
العنزي : لا بدون حلف يمين ,إنت تعرفني ما أكذب
عديم اليأس :تذكر يالعنزي البنت اللي عطتني رقمها وجلست تترجاني حتى أخذه
العنزي :: أية وحده فيهم ؟! لا يكون اللي كانت لابسه جنز وكاشفه وجهها !
عديم اليأس : عليك نور ,تصدقون إنها جلست تبكي بس حتى أخذ رقمها وأخذته بعد ماكسرت خاطري
أمير البطالة :أووف لهذه الدرجة !!
عديم اليأس :وأكثر من كذا ,أقولك من يوم ماوصلنا مطار القاهرة والبنات علينا مثل النمل كلهم يطلبون ارقام جولاتنا>>كثر منها ياعديم
سرااق القلوب :ياحظكم والله ,وبعدين وش صار ؟!
عاطل فاهم :خليني أقولك قصتي :اول يوم وصلنا صحيت في المساء من النوم قبل الشباب قلت خليني أروح أتمشى ,المهم نزلت أسفل إلا وأشوف سمية الخشاب جالسه لحالها في اللوبي جيت وسلمت عليها
قالت مين ؟؟!أستاز عاطل فاهم بشحمه ولحمه !!قلت إيه نعم ليه ما أنتي مصدقه!قالت :لا مش معقوولة !!
أمير البطالة : أووف أووف ياحظك والله!!وبعدين وش صار ؟!>>منسجم مع الكذبة ومصدقها
عاطل فاهم :حاولت إنها تاخذني بالقوة لأقرب مطعم حتى أتعشى معها ,فأضطريت أجاملها وأتعشى معها ,وكلمتها وقلت لها مرة ثانية لا تمثلين مشاهد جريئة في الافلام حتى ما ازعل عليك >>أقوى كذبه
أمير البطالة : أووف وبعدين وش قالت ؟ !! >>مصدق الأخ للحين
عاطل فاهم :قالت لي لأجل عين تكرم ألف عين أنا كم عاطل فاهم عندي:o,بعدها فكرت أهديها الوردة اللي معي بس حسيت إنها ماتستاهل
سرااق القلوب :حرام عليك تضيع فرصة تاريخية مثل هذه  !!وأنت يالعنزي وش صار معك ؟
في الجزء الثاني نشوف انشالله وش صار مع العنزي
التعديل الأخير تم بواسطة وزير البطالة ; 31-05-2009 الساعة 05:10 AM
|
<<<كداااب
olley es:
العرض العادي
