مساء الجرح يا مُرَّ الغياب وذاكرة قلبين
من آخر موعد ٍ باتت مناديله على كرسي
ثلاث سنين والفرقى تعبّي حزنها لبعدين
ثلاث سنين والمنسِّي مثل ما هو كذا منسِّي
ثلاث سنين والدمعة حبيسة بين جفن وبين
تعب يستوطن عروقي ويشهق في خفا نفسي
ثلاث سنين ما وقـّف على جرحي سوى نابين
ثلاث سنين والغيبة تشكّل خارطة بؤسي
ثلاث سنين وأيامي كريمة في تعب نفسين
غياب وهم يتربّع وأُس إنضاف يا أُسِّي
ثلاث سنين تبداني فصول البُعد والتأبين
ثلاث سنين تبحر بي ملامح صفعتي وترسي
ثلاث سنين ما ملت وجوه الذل والقاسين
ولا ملت عيون الناس تردد سالفة يأسي
ثلاث سنين والدنيا تحاول تزرع الواشين
تحاول تحرث الباقي من إخلاصك ومن حدسي
بعد حرث الغياب أرجوك يا دنيا نبي كاسين
قدرنا نحتفظ بالحب وشاهدنا طرف كرسي




حمد الأسمري

صح لسانك ولساان شاعرها ويعطيك العاافية يامشرفنا على طرح هذه الراائعة ,,

بيض الله وجهك يابو نايف على النقل الجميل والرقي الرائع أحسنت الأختيار شكرا لك وبارك الله فيك مبدع كعادتك

ثلاث سنين والفرقى تعبّي حزنها لبعدين
ثلاث سنين والمنسِّي مثل ما هو كذا منسِّي
ثلاث سنين والدمعة حبيسة بين جفن وبين
تعب يستوطن عروقي ويشهق في خفا نفسي

دائما رائع ومبدع بنقلك واختياراتك سلمت ودمت يابو نايف

مبدع كما عهدتك
مع اجمل تحية