تسجيل الدخول
|
|||||||
تأسس الموقع عام
2006
Site was established in 2006
|
|||||||
| أضف رد |
|
|
LinkBack | أدوات الموضوع | انواع عرض الموضوع |
31-05-2009, 08:57 AM
|
||||
|
||||
// واضرب حساباتها وتشوف ناتجها //
السلام عليكم ورحمة الله وبركاته قصيدة للشاعرالكبير عبدالله زويبن الحربي: ابدع في نظمها ومعالجة قضية اجتماعية منتشرة وهي متابعة الاشاعات والقيل والقال .. نسأل الله الهداية للجميع .. يقول الشاعر:
سمعت لي كلمـة مـدري وش اقصاهـا حـزت بنفسـي وأنـا مانيـب هارجهـا لـو كـل كلـمـة إليا جتـنـا طردنـاهـا بعنـا الثميـنـة بسـعـر مايخارجـهـا لـو مـرت السمـع ماكنـا سمعنـاهـا ونقفـل الـراس عنـهـا لا يبرمجـهـا ومـن يـم هــذا لـهـذا مانقلنـاهـا والنـاس واجـد وتلقـى مـن يروجهـا مـن جابهـا بيـن خـلـق الله وداهــا لو بـه مراجـل تـرى نفسـه يسمجهـا ومن عامل الناس فـي سابـق خطاياهـا يقعـد بـدار( ن ) خــلا مــاداج دايجـهـا فـي كنـة تشـوي الجربـوع رمضاهـا وتابس غصون الشجر من حـر واهجهـا والناس بالحق حكم الشيخ مـا أرضاهـا ماتقنـع النـاس لـو انــك تحججـهـا ياللـي تبـا الطيبـة خذهـا وعطنـاهـا وخـل الطريـفـة طـريـة لا تثلجـهـا وأقضب طريـق الأوادم وامـش ممشاهـا أتبـع دروب العـرب وأدرج مدارجـهـا وأرسـم لنفسـك حــدود ولا تعـداهـا من حط نفسه بـدرب الضيـق يحرجهـا وان كـان نفسـك هواهـا قـام ينحاهـا حط الأعنـة بـروس الخيـل وأسرجهـا وفـكـر بمنكافـهـا قــدام مغـزاهـا واضـرب حساباتهـا وتشـوف ناتجهـا وكـل بعضـده يمـوح الدلـو برشاهـا وتلقى كبـود الضوامـي مـن يبرهجهـا وان كان تـوك علـى صـدرك تهجاهـا حنـا ترانـا نـدرس فــي مناهجـهـا مـن يـم مصباحهـا نبعـد معشـاهـا إلـى قعـد راعـي الضـلـع يدرجـهـا لو هي صعيبـة إلـى انعاجـت عدلناهـا واللـي تجـي مستقيمـة مـا نعروجهـا نهتـم فـي وزنهـا وابــرام معنـاهـا ومـن الكرستـال واللـولـو نتوجـهـا مثـل الجواهـر ليـا مـنـا نضمنـاهـا وسلوكها مـن جديـد الـزري ننسجهـا مخايـل ترتـدم والـصـدر منشـاهـا لا دك بالـبـال داكـــوك يهيـجـهـا وليا أمطرت ضاقت الوديـان فـي ماهـا تاخذ إلـى الحـول مـا يبسـت مدالجهـا وان صدت الناس عنـا مـا أعترضناهـا مـا تقفـي النـاس عـنـا ونتولجـهـا وإن جاتنـا الطيبـة بالطـيـب زدنـاهـا الطيبـة بالعسـل والسـمـن نمزجـهـا وان جاتنـا الثانيـة نصـبـر ونرفـاهـا يمكـن إليا فـاق راعيهـا يعالجـهـا وان عادهـا عـودة مـاعـاد ينسـاهـا من حربة فـي صميـم الصـدر نولجهـا دمتم برضا الرحمن.. 
|
|
31-05-2009, 01:36 PM
|
||||
|
||||
|
صح لسان الشاعر ..
|
|
31-05-2009, 05:01 PM
|
|||
|
|||
|
كما عهدتك
|
|
31-05-2009, 06:08 PM
|
||||
|
||||
|
بيض الله وجهك وشاعر جزل وقصيدة معبرة جدا واحسنت الاختيار وهذا يدل على رقي وذوق احساسك الجميل يعطيك العافية وبارك الله فيك
|
|
31-05-2009, 10:11 PM
|
||||
|
||||
|
|
|
31-05-2009, 10:13 PM
|
|||
|
|||
|
وان صدت الناس عنـا مـا أعترضناهـا
|
| أضف رد |
|
(( لا تنسى ذكر الله )) |
|
|
|
|
العرض العادي
