يالعيص ما انتي مثل غـزة ولبنـان؟

مَاجِد · #1 (**permalink**) 01-06-2009, 12:17 AM

يالعيص ما انتي مثل غـزة ولبنـان؟
اللى لهـا تمشـي جمـوع وقوافـل
!!

أرضك زلازل والسمـا عـج بركـان
وإعلامنا عن ما حصل فيك غافـل
!!
ثالث أسبوع وتوّ نسمع بالإعلان؟؟
ويوم السعه عن مطلب العيص ..قافل
؟
الناس تبغى... صدق وإخلاص وإتقان
وتـرك التـرزز بالصـور فالمحافـل

ماهكـذا يالمجتمـع حـق الإنـسـان
وماهكـذا مبـدا الـعـدل والتكـافـل

حنـا عيـال آدم وحـوا يـالإخـوان
ومابينـا فالديـن عـالـي وسـافـل
؟
ترسل لذولا أطنان.. وتـوزّع أطنـان
وحنا علـى خيمـة عمـود وفلافـل
؟
من قسوة الصورة على شوف الأعيان
الدمع من عيني مـن الضيـق جافـل
؟
وكلن يقول الوضع في.. أمن.. وأمان
ومرابطينـن بالـعـدد والجحـافـل!!
؟
ولولا تدخـل والـي الأمـر والشـان
ماشـددوا بعـض العـرب بالحوافـل
؟
ماغير أبو متعب ليا صـارت أكـوان
بعـد الله المعبـود ...والـد وكافـل
؟
وقبل أختم الأبيات تكفـون ياأخـوان
أدعوا لهـم ف. فروضكـم والنوافـل

* منقووول

غدا يوم آخر · #2 (**permalink**) 01-06-2009, 02:23 AM

صح لسان الشاعر
وتسلم على النقل المميز

والعيص وأهلها في قلوبنا
الله يفرجها عليهم آآآآمين

سمو المعالي · #3 (**permalink**) 01-06-2009, 05:18 AM

أحسنت ياعاطل كم أنت رائع طرح جميل وهادف وقصيدة أصابت الهدف أهنيك على الطرح الموفق والناجح أنت مبدع ولاهو غريب عليك القصيدة مررره أعجبتني وأعجبني الموضوع أختيار موفق أحسنت

يعطيك العافية وبارك الله فيك وتقبل أحترامي وحبي لك
تستاهل التقييم ولك مني أحسن تقييم