مسائكم// صباحكم.. قصيدة هواؤها زفرة من صدر شاعر




ضاق صدري و رحت افضفض قاصد ٍ نفس الرصيف !
شفت نور الحي زايد و آنا خبري به ظلام

و الغريب انه خفوقي زاد نبضه .. مدري كيف !!
كني طفل ٍ .. يبكي .. خايف .. ضايع ٍ وسط الزحام

اثْرها كانت وراي .. و الضيا ما كان طيف
قبل ما اوقف و اسلّم .. قلبي المشتاق قام

ما طرى في بالي الا (يا بَخَت من لك وليف )
عينها بعيني .. و نظره .. رجعتني كم عام

فجأه شفت اشجار تخضر و هْيَ في عز الخريف
و هذا هو حال المفارِق يوم يطري له الغرام

يبتسم .. يشبه بشوقه .. للنظر شخص ٍ كفيف
الأمل ضايع .. ولكن .. الأماني مو حرام

الثواني تمر و تمضي .. اشهد ان الوقت سيف
فجأه قالت ( كيف حالك ) قبل ما ارمي السلام !

كنت احسْب اني قوي .. لين اكتشفت احساسي زيف
ما عرفت انطق بكلمه .. شاعر و خانه الكلام !!!

كيف اقول اني بخير و باين بقلبي النزيف ؟
و الملامح بان فيها عين ما عادت تنام

مرتبك .. واقف .. و ساكت .. انفض غبار الرصيف
بالعجل هزيت راسي ( يعني اخباري تمام )

و انسحبت بْلا تردد لني انسان ٍ ضعيف
و القوي لا شاف موته .. يوم يضعف ما يلام ...


راقت لي واردت لكم قرأتها...

رآئعة

عازفة الصمت ~ سَلِمْتِ

بـارك اللـــــــه فيـك

مرتبك .. واقف .. و ساكت .. انفض غبار الرصيف
بالعجل هزيت راسي ( يعني اخباري تمام )

صورة وصفية راااائعه
نفض الغبار هزت الراس واقف مرتبك ساااكت
ابداااع
واختياااار اروع

مساااءك رااائع بروووعه هالنص
أختياااااار مميز منك يالغاليه

كلك ذوووقـ

الله يعطيك الف عافيه


دمتٍ بوود



حنين الرووح

سلمتي عاازفة الصمت يااذووق على النقل الرااائع

إنسحاب .. بعد غيـاب .. لايسمى .. ضعف ,

بل قِمة الشمـوخ .... !

عازفة الصمت ..

صاحبة الذاقئة المخملية على الدوام ..

شكرًأ لـ إهدائنا نورس من نوارسك المتعدده

صح لسان شاعرها...وبيض الله وجهكِ ع الطرح المتميز..
مشكوووووووووورة ياعازفه...

رائــعــــــــــه ..
دمتي ودام لنا حسن إختيارك ..

أعطر الود ..