فمان الله يا أول من سكن بين الضلـوع العـوج

أمير نجد · #1 (**permalink**) 10-06-2009, 11:54 AM

بختـــصار هذه قصــيده اعجبـــتني لشــاعر الكبير ضــيدان بن قضــعان
وحبيت أني انقلــهاا لكم

[poem=font="Times New Roman,6,white,normal,italic" bkcolor="white" bkimage="https://www.btalah.com/mwaextraedit2/backgrounds/53.gif" border="outset,4," type=1 line=0 align=center use=ex num="0,black""]

فمان الله يا أول من سكن بين الضلـوع العـوج=عسى دربك سفير و يا عسـى الله مـا يخلينـي
توكل لا توادع رح عسى درب الجفا المسهـوج=يصادف درب فرقى عقبها مـا تلمحـك عينـي
سمحت من الهوى ومن القصيد ومن زراق الموج=ورميت أغلى مجاديف الغـرام وجيـت بيدينـي
أبغرق في عذابك لا رحلت و يصبـح المنتـوج=قصيد في حياتـي سلوتـي و أن مـت يرثينـي
واذا هبن بنات الريـح للذكـرى بـدون سـروج=أبسرج مهرة النسيان و أرحـل مـن عناوينـي
وبنسى لين أسج و برسل الونـات فـوج فـوج=وبنسى دمع عيني ينتثـر و أنسـاك مـن حينـي
صبور ؟ أي و الله اني ما ثنيت العزم قبـل أدوج=بريضان الجفا و أظمـا لوصلـك ليـن تسقينـي
شجاع ؟ اي و الله اني ما عرفت الذل قبل أسوج=قدم رجلـي علـى درب لبيـت أهلـك يودينـي
كريم ؟ اي والله اني ما عرفت الشح قبل تـروج=دموعي في عيوني ثـم أشـح بحسرتـي فينـي
أحبك ؟ حسبي الله ليت مالك في سمـاي بـروج=و لا لك بالبسيطـه كـود شـي بينـك وبينـي
دخيلك لا تلتفت رح بفالك و أتـرك المرجـوج=تغانم ما بقى لـك و لا أنـا مـا عـاد يمدينـي
فمان الله سق ركابك على درب السنيـن العـوج=و لكن طالبـك لا أقفيـت عنـي .. لا تخلينـي
[/poem]