اللي هتف باسمـاه قلبـي ونـاداه
حتى الضلوع بوجدها صفقت لـه

اللي غرامه تل قلبي مـن أقصـاه
وبالدمع عيني خيّلت وامطرت لـه

اللي عسفت النفس لاجله ولرضـاه
والرجل في سمر الغداري عنت له

بليا سبب عهد الهـوا ليـه ينسـاه
وينسى تخطي رجلي اللي خطت له

الرجل لو هو نازح الدار تنصـاه
على حثاث القاع يا ما مشـت لـه

أموت من فرقـاه واحيـا بذكـراه
والروح خلت جسمه وانتحـت لـه

قولو له أنه عـذب القلـب وأدمـاه
وحـي يـود لقـاه مالـه بقتـلـه

ياكـود والله غيبـة عقـب لامـاه
وعيني بكت فرقاه ثم اخجلـت لـه

ماصاب قيس بحب ليلـى توطـاه
ولوعات قيس وماجرى له جرت له

مالاق له غيره من الناس مشهـاه
ويعاف كل الخود لو عرضت لـه

ان شاف زوله مغرم القلب يبـراه
وان غيـره صـد مايلتفـت لــه

أغليه لامانسـاه واذكـر سجايـاه
لوهو بعيد الدار نفسـي هفـت لـه

معذبي بالحـب وان حـل طريـاه
اسرار ودي بالضمير اهتفـت لـه

لو هو ظهر للناس وابـدى محيـاه
كل الخلايق بالجمال اشهـدت لـه

عزاه ياقلب على الصبـر ماقـواه
لو مابغى الفرقا عصت واخطمت له

عزي لمن دمعه على الخد مجـراه
ودنياه غيب نورها مااسفـرت لـه

قولو لبن سلوم ابـو زيـد ينخـاه
يوم ان غارات الهوا صادفـت لـه

يتابع الونـات مـن كـود ماجـاه
لوكثـر الونـات مافرجـت لــه

يهيم مثل مـوده وسـط مضمـاه
يذكر سنين بالـوداد ضحكـت لـه

ماجت لـه الدنيـا علـى ماتمنـاه
وذياب ياسه من حبيبه عودت لـه

يكفيه من جور الهوا ربـع ماجـاه
وتغيرت دنياه يـوم اوجهـت لـه

قلبه من الحرمان فاخـت حنايـاه
من يوم باقي ايامها ماصفـت لـه

هنيت من حصـل مرامـه بدنيـاه
والورق بلحون السعد غـردت لـه

المولع الي في طريق الهـوا تـاه
لومابغاه اشراك دربه سعـت لـه


الامير / محمد السديري

صح لسانك وصح لسان الأمير
ويعطيك العافية على النقل الجميل

لك خالص تحياتي

هنيت من حصـل مرامـه بدنيـاه
والورق بلحون السعد غـردت لـه


عديم اليأس نقلت وأبدعت

تقبل مروري بعد تعب وجهد في فتح الصفحات

أغليه لامانسـاه واذكـر سجايـاه
لوهو بعيد الدار نفسـي هفـت لـه

كثير من الناس بعيدين عن العين لكن قريبين من القلب مهما ابعدتهم المسافات,,,

كما عهدناك ياشاعرنا ذوووق عالي واختيار موفق ,,شكرا لك .

صح لسانك ولسان شاعرها ابدعت اخوي عديم اليأس
ويعطيك العافيه وبيض الله وجهك

صح لسانك ولسان الشاعر
وشكرا على الاختيار
تقبل مروري

الشاعر شاعر علم وقصيدة حلووه وشكرا لك ياعديم اليأس على النقل الجميل الموفق بارك الله فيك وجزاك الله خير وبيض الله وجهك

أموت من فرقـاه واحيـا بذكـراه
والروح خلت جسمه وانتحـت لـه

عديم الياس
ذائقه شعريه
عاليه
وطرح راقي
يعطيك العافيه
دائما مبدع


ولا تحرمنا جديدك
\
/
\
تحياتي

صح لساانك اخي الغالي ولسان الامير محمد السديري

كل الشكر لك على الاختيار الرااقي ياامبدع

ربي يعطيك العاافيه