دبلومات جامعة الامام

سارووووونه · #**261** (**permalink**) 19-10-2009, 12:51 AM

يعني الدبلوم كامل 20000

وش رايكم اخذه والا لا

قم ياحظ لا عدمتك · #**262** (**permalink**) 19-10-2009, 02:13 AM

سسسسساروونه

أصلآ الدبلوووم بس سسسسسسنه

_______________________

سبحانك اللهم ، وبحمدك أشهد ان لا إله إلا أنت استغفرك وأتوب إليك

سما نجد · #**263** (**permalink**) 19-10-2009, 02:50 AM

هم اصلا قالوا الدبلومات مجانيه ليش الحين يغيرون كلامهم
ويقولون بفلوس

أم عقاب · #**264** (**permalink**) 19-10-2009, 07:14 AM

رحت للجامعة الجميله في حي النفل فرع النساء أمس الظهر بهالحر والشموس : (

تدرون وش قالوا لي أنها برسوم مش مجانية ؟؟!

قلت ليش طيب موأنتم معلنين على أساس أنها مجاني كيف طلعت برسوم ؟؟!!!

قالت لي اللي بيدفعون عنكم ما أدفعوا ؟؟؟؟؟؟؟!!!!

يعني ياحلوين أن وزارة التعليم العالي أستلمت قيمة الدراسة كلها بس وزعوا المجاني لمن يحبون والباقي في جيوبهم !!!

وأنتم ياللي مالكم شي أدفعوا إذا تبون تدرسون ؟؟!!

حسبي الله عليهم يلعبون فينا لعب ,’

a7asess · #**265** (**permalink**) 19-10-2009, 08:55 AM

حسبي الله ونعم الوكيل

ماريو · #**266** (**permalink**) 19-10-2009, 10:04 AM

الجامعه فيها بربسه وخمبتره

والحمد لله اني مادرست فيها تخيل تدرس 20000 الف واخرتها مو معتمده

نسينا قضية دبلوم الانجليزي مع جامعة الامام (مسخره)

انا عن نفسي حامت تسبدي من تعاملهم دفعت 5000 ويوم تخصص قفلوه قالو لازم نحسم من 5000 الف 200 ريال بسبب انك انسحبت يعني مستفيدين مستفدين

حسبي الله ونعم الوكيل

والموظفين انا اكلهم واطالب بحقي يكلمون من دون نفس كني اطرهم

ماريو · #**267** (**permalink**) 19-10-2009, 10:07 AM

ويقال ان الرسوم قـــد تسترد في حاله موافقة الوزاره على المنحه ... انتظر يا مسكين لين يجيك الربيع

يعني ياحلوين أن وزارة التعليم العالي أستلمت قيمة الدراسة كلها بس وزعوا المجاني لمن يحبون والباقي في جيوبهم محسوبيه لكن الله الللي بيحاسبهم

همس السعودية · #**268** (**permalink**) 19-10-2009, 01:00 PM

اقتباس:

المشاركة الأصلية كتبت بواسطة قم ياحظ لا عدمتك

همس كم وذ مي

وش اللي الدبلوم بـ 11 يعني مب منحه يامال اللي مانيب قايله <- عصبت
وكيف كانت مقابلتك ياليت تجاوبينا وتنقذينا من القلق اللي حنا فيه.....

آسفة على التأخر بالرد , جتنا أستاذة أتوقع أسمها هند القاضي و قالت أنتم يا دبلوم التوجيه و الارشاد الترم الواحد تدفعون 5500ريال يعني الدبلوم كامل ب11ألف و قالت الدبلومات الثانية الترم ب5000ريال .وبالنسبة للمقابلة تسأل تكلمي عن نفسك أكيد راح تتكلمين عن شهادتك و خبراتك إذا عندك ,ليش أخترت هذا الدبلوم ,وفيه بنات سألوهم آخر كتاب قرأتيه .
ملاحظة : الاستاذة ألي جتنا سألوها البنات إذا ما بغينا التوجيه و الارشاد نقدر نحول على دبلوم ثاني ؟قالت تقدرون بس أول شيئ ادفعوا الرسوم وجيبوا الوصل بعدين ادخلوا البرنامج ألي تبون !!!!

ماريو · #**269** (**permalink**) 19-10-2009, 01:45 PM

خمبتره في خمبتره

أنفاس الأمل · #**270** (**permalink**) 19-10-2009, 03:26 PM

<<<أنسحبت وماسويت المقابله

يقولون برسوم ومن قال أنها مجانيه ومن هالكلام

تدفعون 5000 على الترم الواحد واذا أحد فكر يدفع لكم تسترد فلوسكم

واذا مافيه تدفعون الترم الثاني 5000

وتقول المشرفه انتم اللي قلتوا أنها مجانيه وصدقتوا

ومافيه شي رسمي بالكلام هذا

والله يغنينا عنهم ويرزقنا