احتاج مغسلة ملابس بالرياض اهم شي تكون مؤجرة على العمال بمبلغ شهري حلو
حدي من اربعين الى خمسين الف ، ولو اقل من هذا السعر يكون افضل
والسعي محفوظ

لو تقيم مغسلة بنفسك يكون أفضل
محد راح يأجرك مغسلة شغاله تمام
وياليت عد الاتكال على العماله
بالتوفيق

الله تغيرت المشاريع الى مغسله يا ليلى الاخيلية
والله انا افضل انك تاخذين موقع وتجهزينها بنفسك والمبلغ اللى معاك راح يكون مبلغ تقبيل فقط
يعني مدام هيك ليش ما تزيدها شويه وتشوف لك مغسله سيارات افضل وربح اوفر
الله يوفقك يارب
لو انا من الرياض كان خدمتك
تحياتي لك
اخوك
فؤاد

فؤاد الدمعه

وش جابك هنا اخبرك بهذاك الموضوع مسنتر

انا قلت ادور لي على مشروع صغنون تصبييييره الين تجيني الموافقه النهائية من المئوية

بس مابي وجع راس وايجارات وتصليح اجهزة لو خربت والخ الخ

قلت ابي دخل يجيني كل نهاية شهر بدون دوشة ووجع راس .. فمالي الا مغسلة ملابس تكون مؤؤجرة على العمال

بس اللي لقيتها كلها فوق التسعين الف

مادري المغاسل اختفت ولا ايش

بعدين بسألك مغسلة السيارات احسن من مغسلة الملابس كربح ودخل اكثر؟؟

ودعوااااااااااتي لك دائما ماقصرت بيض الله وجهك

الرياض مغاسل الملابس كل عمارتين مغسله والله واعلم

الخوف أن احد يوهق في مغسلة طايح سوقها ..

لا تعتمد على كلام أحد سواء من العمال او صاحب المغسلة

لازم تشوف وضعها بنفسك و تتأكد من سوقها

خذى نصيحه


اشتري جريده الرياض او الجزيره

وروحي للأعلانات وبتلقين اعلانات بيع مغسله واتصلي عليهم وتفاهمي مع صاحب المغسلة

وبعد ماتتفاهمون روحي لموقع المغسلة على الطبيعه واي سؤال بذهنك اسئليه

واهم شئ

الدخل الشهري

وكم يصفى لك شهريا

وهل بينقل كفالة العامل

واجار المحل