طباخه ماهره لكن .............؟؟

منتظره · #21 (**permalink**) 06-07-2009, 02:20 AM

تسلمي يارب ولا شكر على واجب وانا صدق عندي استعداد لاي شي تبينه وبس اروح مناسبه عند البنات راح
اطلبك شغله على ذوقك وانا كلي ثقه انك طباخه مااااااااااااااهره
وبجيك واين ما تبين اخذه
والله يسدد لك دربك ويعجل لي مقابله صندوق المئويه قولي اميييييييين

الجابرى س · #22 (**permalink**) 06-07-2009, 02:28 AM

وعليكم السلام ورحمة الله وبركاته

فكرة في غاية الروعة

وفقك الله أختي لكل خير

أنا شغال في التسويق للمنتجات المنزلية ياريت توضحي وش نوع

الاكلات والحلويات وهل من الممكن اشوف بعض العينات حتى اقرر

هل تصلح معي لكي اوزعها لكم أنتم تستفيدون وانا استفيد

وأشيل عليكم هم توزيعها

اللهم أرزقني وأرزق مني

والله الموفق

ماهر الحربي · #23 (**permalink**) 06-07-2009, 07:53 AM

بسم الله الرحمن الرحيم

اختي ركزي على العزاب اللي متغربين عن اهليهم اللي في الجامعات وشوفي لك طريقة

تتواصلي معاهم عن طريق احد اخوانك او اقاربك لانهم ملو من اكل المطاعم واذا كان شغلك مزبوط انا اظمن لك انشاء الله راح تربحين ولو يكون التوصيل مجاني في بداية الامر وبعدين لما تشتهري يكون برسوم رمزيه يعني يكون التوصيل اذا كان الطلب فوق الخمسين ريال اما مادون ذلك يكون التوصيل 15 ريال او اي سعر يناسبك واخير ركزي على العزاب الجامعات

والله يفتح ابواب رزقة لكل مسلم ومسلمة

جرحي عميق · #24 (**permalink**) 06-07-2009, 06:09 PM

تحتاجين أحد يساعدك في المطبخ . . لأن الطبخ ضغط وكرف وشغل مو سهل

همس الشجون · #25 (**permalink**) 08-07-2009, 01:18 PM

مرحبا اختي ... عسى ربي يوفقك ... حبيت اقول لك فكرة البازارات وهي طاولات ياجرونها با سواق نسائيه او ملاهي واماكن تجمع نسائه وتختلف مقاس كل طاوله وسعرها وعدد الايام احيانا اسبوع اقل او اكثر وكل مستاجره تجيب بضاعتها فيها وتبيع ... وممكن تناسبك تسوين لك كم طبخه الي تحسين عليها طلب وتعرضينها فيها ومنها راح تتعرفين على الناس وممكن تسوين لك بروشورات وكرت عليه رقمك للطلب ... واذا حابه اساعدك واعطيك رقم وحده تنظم بازارات ماعندي مانع .

ست بيت سنعة · #26 (**permalink**) 09-07-2009, 03:16 AM

السلام عليكم

اختي الله يوفقك ويرزقك ويرزقنا من واسع فضله

فكري في العرض اللي عرضته عليك واذا ناسبك ارسلي لي على الخاص وعلى ايميلي اللي بتوقيعي

كل شيء تمام · #27 (**permalink**) 10-07-2009, 04:25 PM

المشروع هذا ناجح بإذن الله .. وبكرة اذا الله وفقك ماراح تلحقين على الطلبات ..

شوفتي اختي .. اي طلب تسوينه لازم تصورينه بطريقة مميزة ..

واذا جمعتي كذا طلب .. نزلي بالمنتديات الصور مع الاسعار ..
( ترى بعض البنات مسوين كذا بالمنمتديات وماشية امورهم تمام التمام )

بسألك ماعندك اخوان .. او احد من محارمك يساعدك ..؟
بمعنى يكون المنسق واللي يوصل الطلبات ..

نصيحتي لك ..
استمري ولا تتراجعين ..
بالتوفيــــــــــــــــــــــــــــــــــــق

أبونايف2010 · #28 (**permalink**) 11-07-2009, 11:21 PM

انا عندي لك طريقه حلوه وان شاء الله انها بتنجح
بس يبيلها ميزانيه بالبدايه

تسوين لك كتيب فيه قائمة الاكل الي تطبخينه وقائمه للحلويات وقائمة للعصيرات وقائمه للمقبلات .... يعني نفس المطاعم وكل اكله يكون جنبها صورتها والسعر

تطبيعين من الكتيب هذا 50 او 100 يعني على حسب ميزانيتك .. وتوزعينه على شقق العزاب الي تكون قريبه منكم يعني تكون المسافه ما تتعدى 10 كيلو عشان ما يكون بعيد ..

انا واثق لو انك طبقتي الطريقه هذي صدقيني ما راح تلحقين على الطلبات ...

أكيد البدايه بتكون صعبه مثل اي مشروع بس مع العزيمه و الاصرار والتحدي راح تشوفين النتاااائج

وعسى الله يوفقك ويرزقك

أخوك
رحال 2007