بسم الله الرحمن الرحيم
أنا معاي بكالوريوس رياض أطفال من جامعة الملك سعود
من أول ما استلمت الوثيقه و انا ادور على مدارس الرياض
بديت من الأقرب لبيتي بعدين الأبعد و الأبعد
مرت الشهور محد أتصل علي
اتصلت اخيرا مدرسه طلبت مني اجي اختبر مره فرحت
رحت و اختبرت و لأن الأختبار كان بمجال تخصصي جاوبت على كل شي الحمدلله
مر يومين و كلموني رحت قابلتني ثنتين و مدحوني و مدحو شخصيتي و قالو خلاص انتي اوكي معانا ان شاءالله و رح نكلمك عشان توقيع العقد
طلعت و انا متشققه من الفرحه مبتسمه من غير رايي
اتصلو بعد كم اسبوع قالو تعالي 7 ونص
رحت من 7 و ربع انا الي افتتحت المدرسه
و انتظرت لحد ماجت اداريه و ارسلتني للقسم الثاني رحت قالو الي بتقابلك مابعد جت !
قلت بنفسي بعد مقابله :S
يلا معليش و استنى استنى جت طال عمرها الساعه 8 تقريبا و مادخلوني دخلو معلمات يبونها بموضوع !!
لاحظو انهم مواعديني 7ونص ولافكرو بأحترام الوقت
قلت يابنت معليش تجملي ,,,
دخلت عليها قابلتني بسرعه و قالت استني برا
استنيت لحد ما ملييت من جد سئلت سكرتيرتها لمتى بستنى ؟
ضحكت وقالت شكلها نستك !!
دخلت تسئلها رجعتلي وقالت روحي للقسم الثاني قلت طيب ليه ماقالت من اول لي ساعه استنى !!
رحت للقسم الي ارسلتني له طلعت فيه مقابله ثالثه بعد !!
قلت يلا مو مشكله قالت لي الي بتقابلني انتظري بعد ربع ساعه
انتظرت اكثر من ربع ساعه جت الساعه 9 و 9وربع و 9 ونص و انا ملطوعه برا
بعد ايش دخلت عندها
قالت تكلمي عن نفسك
قلت انا ... توني بكمل رفعت السماعه و اتصلت على ماادري مين ! بدون اي احترام لي
سكرت و قالت يلا تكلمي
قلت لها الي عندي قالت ماعندك دورة حاسب ! ((لاحظو اني بدرس تمهيدي))
قلت لا ماعندي بس انا اعرف للحاسب
قالت ما سألأتك تعرفين ولالا اقول عندك دوره ولالا !!
قلت لا
قالت طيب روحي و بنتصل عليك
قلت لحظه انتم أخر مره قلتو توقيع عقد و الحين مناديني من 7 ونص و جيتكم من 7 وربع احتراما لوقتكم و انتم مافي اي احترام لي لاطعيني و في الأخير روحي و بنتصل !
ليه اجل تقولون لي اجي ولا فيه اي شي جديد !!
قالت هههههههههههههههههههههههه صلي على النبي وييين توقيع عقد !! مين الي قالك !
قلت الي قابلتني اخر مره!
قالت وش اسمها قلت ماادري يختي انتم نسقو بين بعضكم
هذا مو اسلوب !
قالت خلاص روحي و بنكلمك الأربعا ولا اذا ماكلمنا انتي اتصلي !
طلعت و انا مقهوره و مكسوره انا ماجيت أطرهم عشان يلطعوني من 7 ل 10 على الفاضي !!
طبعا امس الأربعاء ما اتصلو شي متوقع لكن الحمدلله على كل حال .

بعد هذا الموقف اتصلت علي مدرسه قالو تعالي مقابله الساعه 8 قلت من عيوني
رحت لهم لقيت 3 بنات ينتظرون انتظرت معاهم
و انواع اللطعه راحت وحده تسئل السكرتيرة متى رح تقابلنا الأستاذه ؟؟ ((كانو أكثرهم جنسيات عربيه))
قالت هي مره مشغوله استنو يمكن تستنون ل2 الظهر !!
انا مسكت راسي رايحه من صباح الله بالوقت الي هم محددينه بعدين يقولون استني وش هذا !!
المهم دخلت عندها على الساعه 9 و نص تقريبا يعني بعد الموعد بساعه ونص
قابلتني و مره اعجبتها و ارسلتني لقسم الروضه
رحت لقسم الروضه قابلتني وحده وقالت تعالي بكرا سوي درس الساعه 12 ونص
قلت طيب
طبعا جهزت نفسي و طلعت اشتري ادوات للدرس و اجهز و افكر وش اقول ووش اسوي
رحت لهم في الموعد المحدد و انا شايله اغراض الدنيا
اول ماشافتني قالت موعدنا 12 !! ليه تأخرتي !!
قلت لا انتي قلتي 12 ونص
قالت لالا 12
انا
المهم
قدمت الدرس ل 5 اطفال الأطفال مررره تحمسو و امبسطو ووصلهم المفهوم
و الي حضرت لي جوالها طول الوقت يدق وانا اقدم و ترد عليه
و شوي وجت وحده معاها سولفت شوي و طلعت كل هذا وانا اشرح للأطفال .
اول ماخلصت قالت يلا جمعي اغراضك وتعاليلي في الأداره !!
جمعت اغراضي و رحت لها قالت استني
استنيت مرررررررررررررررررره كثير وهي تروح و تجي قدامي
قلت بنفسي امممم يمكن تجهز العقد <<متفائله
المهم بعد اللطعه الغير محترمه في عز الظهر لا السواق تغدا ولا انا نمت من امس ولا شي !!
جتني قالت خلاص روحي اذا احتجنا بندق !!
انا
رحت وانا اجر اذيال الخيبه مع اغراضي و همومي و كرامتي الي احس انهانت !!
ايه انهانت !!
ليه تلطعني ليه ماقالت من الأول روحي و بنكلمك وش سنع اللطعه تبي تحس انها مهمه على حسابي مثلا !!
اذا كانت تصريفه و شرحي ما اعجبها ليه ماناقشتني و قالت لي !!




في النهايه

انا ماهمتني الوظيفه قد ماتهمني كرامتي ووقتي
ليه يحسسون المتقدم على الوظيفه انه جاي يطرهم !!
وين الأحترام احترمونا احترمو شهاداتنا
انا طول ماانا استنى شايله هم السواق راحمته لأنه يستنى برا
طيب هم ليه ما حسو ان فيه وحده ملطوعه وتستنى !

حسبي الله و نعم الوكيل .