10-07-2009, 07:26 PM
|
|
|
|
تاريخ التسجيل: Dec 2008
المشاركات: 3,649
معدل تقييم المستوى: 214928
|
|
,," الطيب منوه للقـــلوب المشــافيق ",,
السلام عليكم ورحمة الله وبركاته
اسعد الله اوقاتكم بالخير والمسرات
قصيدة للشاعر : سعد بن مناحي بن شفلوت اعجبتني فاحببت ان انقلها لكم
الطيب فرصـه والجمايـل توافيـق
ومن لا توفق ماكتب لـه جمالـه
ومن لارقى للطيب روس الشواهيق
مازان له وقته علـى مـا بدالـه
وما دام لفعول الجمايل عشاشيـق
كسب الجمايل ما يجـي بالسهالـه
ولوأنّها تشرب مـع فكّـة الريـق
كل خذا له كل مـا أ صبـح بيالـه
والطيب منوه للقلـوب المشافيـق
كل ٍ يتـوق ومنوتـه رآس مالـه
والمدح مايزهى على الرجل ويليق
إلا لا صـارت وافيـات ٍ خصالـه
يستاهلـه رجـلٍ يفـك المزانيـق
اللي يقـال ونعـم لا جـا مجالـه
ومن ساقته نفسه وهو مابعد سيق
لأجـل الجميـل يزيّـن الله فالـه
والمرجله ماهي بتحتـاج تنسيـق
من بين قلب اللي عشقهـا وبالـه
ومن عادة الدنيا تخـون المواثيـق
تفتـرّ مكرتهـا سـواة المحـالـه
ولولا اللوازم ماعرفنـا المخاليـق
مانعـرف الرجـال ليـن انعنالـه
والكفو تظهر فزعته حـزة الضيـق
وينشاف في الشدة بعيـن العدالـه
نسل الرجـال متعّبيـن الملاحيـق
متوسط مـن بيـن عمـه وخالـه
واللي يطيق ولابغى قـال ماأطيـق
تحرم عليـه المرجلـه والشكالـه
والهيّنه تكبرعلى الـلاش والهيـق
له في الرخاء قاله وفي الضيق قاله
والطيب شاره والضماير صناديـق
واللاش طيبه مـا تعـدى ظلالـه
وأنا اسبر قلوب الرجـال المغاليـق
والصامت اقطع غايته مـن مقالـه
ومادام في الدنيا رجـال ومطاليـق
نصيتهـم والـلاش مالـي ومالـه
دمتم برضى الرحمن
|