تسجيل الدخول
|
|||||||
تأسس الموقع عام
2006
Site was established in 2006
|
|||||||
| أضف رد |
|
|
LinkBack | أدوات الموضوع | انواع عرض الموضوع |
27-07-2009, 06:20 AM
|
||||
|
||||
قصة عاطل عمره 30 سنه ....غريبه والله ((واقعيه))...دعواتكم له
بسم الله الرحمن الرحيم السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين العمر 30 سنه ..
المهنه عاطل .. الشهادة ثانويه + دبلوم + خبره .. النتيجه ثبات وصبر واحتساب للأجر .. كنت متردد في كتابه موضوع كهذا لأن الشكوى لغير الله مذله وفيها لايكتب اجر الصبر والاحتساب .. ولكن الحمدلله الهمني ربي شيء اتمنّى ان اجد فيه الاجر ان شاء الله .. ولدت في اسرة متعلمه الاب حافظ للقران والام عابده صوامه وترتيبي السابع 5 اولاد وبنت.. كنت المحبوب كانوا ينظرون لي نظرة تفائل كانت اختي تقول بسم الله عليه يفهم اكيد بيصير طيار .. لا لا (تقاطعها امي ) هذا بيصير داعيه ابوي يقول لا هذا بيصير ضابط .. لم يعلموا بانهم تدخلوا في علم الغيب فلانعلم ماسيكون في الغد .. وليتهم قالوا ان شاء الله .. انغروا او ما أدري .. المهم .. جلست خمس سنوات وانا الابن المدلل لست مدلل للسوء ولكن كنت مدلل بالتربيه والتوجيه لا اعمل الا الصح.. كبرت وصار عمري خمس سنوات والله مااكذب عليكم.. كنت احفظ اي شيء اسمعه من اول مرة والله اخبر واذكر طفولتي ومانسيت منها شيء الا الآن.. اول قصه قصتها علي امي كانت قصة مريم وبعدها قصة يوسف الى يومكم وهي تبكيني .. لا علينا درست اولى ابتدائي الى ثالث متوسط وامتياز دخلت الثانويه ووقتها الشباب يتخرجون مافيه وظائف.. وكنت متحطم اخواني اللي اكبر مني عاطلين درست الثانويه وتخرجت ولا جامعه ولا وظيفه ولا ذي ولا ذيك بل شهادتك واشرب مويتها .. جلست عاطل سنين ثم درست دبلوم حاسب .. ولا زلت عاطل واشوف امي متحطمه مسكينه كانت تتأمل فيني خير وماقدرت افرحها مره اعتب على نفسي ومره اقول هذا زمنا والحين سكت وماقدرت اتعذر لها بشيء اختي اللي ربتني وفي مقام الام لي لاجيت اسلم عليها تسألني والدموع في عينها بشر توظفت ارد لا ... ماصرت اشيل همي لا اشيل همها هي ابي افرحها لو لمدة شهر.. بديت اتوظف اي وظيفه ومافكرت في شهاداتي للأسف اهانه في اهانه والصبر ماعاد له في جوفنا محل.. توظفت بنشري افك واصلح واركب واتقنت الشغله بس الراتب 1200 وقتها عمري 23 سنه خرجت واشتغلت في محل للانترنت ومع الايام تعرفت على ناس سوء وفكني الله منها بعدها توظفت في الاتصالات وخدمت فتره بدون راتب ثم خرجت واشتغلت في شركة ثانيه تابعه للاتصالات وبدون راتب والصبر هو الصبر وكنت ساكت .. فجأه لاأم تبي تشوفني ولا اب يفتخر ولااخ يقدر يساعد حتى اختي صارت منهكه لاشافتني يلجم لسانها لحالي (مامنّي فايده) كبر ت ومافيه الا العسكريه ووقتها عمري 28 سنه وكانت هي اخر حل .. دخلت السلك العسكري وفرحت كثير رغم ان الراتب حول 5000 الحمدلله عملت وواضبت لكن قدر الله وماشاء فعل بعد ماخطبت وحددت يوم الملكه والزواج ابتليت بناس سيئين هداهم الله وورطوني في شيء لم اكن اضرب له بال من اجل اني كليت الجو وبصير مهندس .. فصلت ... وبفضل الله كانت انهاء خدمات رغم ان النظام لايسمح بس تيسير من الله .. بعدها من الهم والغم وجدت فؤادي فارغ .. الخطيبه امي ابوي اخواني ربعي جماعتي كلهم يروني مشكله لاني مو موظف وكل شيء وقف على هذي الوظيفه .. تعبت لدرجة اني لا اكل شيء وزني صار 45 او اقل وجهي شاحب اللون عيوني بارزه وليتني سلمت اتهمت بإستعمال المخدرات ... صرت في كل تفتيش اتفتش غير ان ملامح وجهي تدل على هذا الشيء وهذا ان دل دل على الهم اللي فيني واكتمه .. دخلت دخل المدمن طلعت طلع المدمن وانا والله لا اكذب واقول مااعرفها اعرفها بس والله ماستخدمتها ولا جلست مع واحد يستخدمها ولو كنت ادري بوجودهم في محيطي اجبرت على دخول مستشفى الامل من اهلي لانهم صدقوا هذا الشيء .. انا وقتها فقدت القدرة على الكلام وجلست اسبوع كامل ساكت ..لم انطق بحرف واحد ولم استطع البكاء دخلت المستشفى وكان الدكتور يسألني السؤال ولا اجاوبه فيشخص حالتي ويضربوني ابره بعدها لا اعلم بشيء الى اليوم الثاني واقوم واصلي صلواتي ثم يدخل علي ويسألني ولا اجاوب ويرى غيضي كيف اكتمه فيأمر بضربي ابره وهكذا واصحى واصلي صلواتي اللي فاتتني.. جاني السيكورتي شاب سعودي منير وجهه وجلس معي سكت ماكلمته فجأه ضمني على صدره انا انكرت فعله ومااعرف وش قصده .. طبعا كان متدين وقالي خذ هذا الكتاب .. وكان اسمه علاج الهم والحزن .. قرأت الكتاب في ظرف ساعتين بعد صلاة العشاء وكان يحث على الاستغفار وقراءة القران وكانت هدايتي وتوبتي بفضل الله والله يجزاه عني كل خير ويجزاه الجنه وبديت اقرا سورة البقرة وسورة يس واصلي الوتر ليليّا .. ثلاث ايام فجأة برأني الله من استعمال المخدرات واظهر الحق سبحانه .. خرجت وكان اخر يوم ساكت فيه وبينما انا في السيارة وكنت مع اخواني افكر في حالي وكيف اقابل اخواني الصغار اخوهم طالع من مستشفى الامل ياحليلهم خيبتهم .. [IMG]http://www.***********.com/images/smilies/frown.gif[/IMG] كان الوضع عادي ... جلست اصلي استغفر اكل اشرب اقوم الليل اقدم في النت هذا بعد مابدأت انطق وكنت انطق بما لايزيد عن اربع جمل او خمس كلمة ورد غطاها مثل ماقالوا .. جلست على ذا الحال سنه .. قرأت كتاب الفقه وتفسير ابن كثير وصرت اختم القران كل شهر غير اني اقرا سورة البقرة يوميا كل ليلة .. صار كلامي كله قران في قران... كنت رايت في منامي رؤيا اني في ساجد بين يدين الله والله سبحانه على العرش ولم اراه وبجانبه على يساره كان جبريل واقف وكان يقولي الله سبحانه اطلب وارفع راسك فأقول لا لا واسجد بعدما رايت جبريل ماشاء الله تبارك الله ماشفت اجمل ولا اقوم ولا احسن منه ... وكانت الرؤيا في وقت لم افكر فيه بتفسيرها فلم افسرها .. قبيل مده ليست بطويله .. وفي وحدتي وانيسي ذكر الله والاستغفار .. هميت افسر الرؤيا .. سألت اكثر من شيخ كلهم يكبرون ويهللون ومااخبروني شيء وعسى خير وان خسرت الدنيا اسأل الله ان يجعلها نجاه لي من النار .. استمريت على ذكر الله وصرت ابكي في وحدتي وصرت انهار من البكاء ولكن كسبت معرفه .. رجعت لنشاطي وبديت ادب في الارض وابحث عن عمل وهذا بفضل خطيبتي اللي وقفت وانتضرتني ومايأست من رحمة الله كانت تشجعني دايم عن طريق امي وخواتي واخواني الصغار وهم ايضا بعد ولن انسى تشجيعهم .. كلما رحت مكان قالوا بنتصل فيك.. وانتضر يا **** الربيع .. جت فترة قلت بفر المملكة كامله ابحث عن عمل واعمل السبب واتوكل على الله عشان مايكون علي حجه وماابي البنت تفوتني وابي اعيش خلاص عمري 30 سنه .. بديت من المنطقه الجنوبيه وبحثت ولم اجد رحت للرياض وبحثت وبحثت وبحثت ولم يكتب لي شيء.. كنت ادخل الدائرة او الشركة او القطاع واقدم ملفي بنفسي والح والح لكن امر الله فوق كل شيء.. الحمدلله .. خلال بحثي كنت اكد رزقني الله بسياره جديده والحمدلله .. اجد منها قوت يومي واجار الشقه وملابسي واكلي وشربي رغم انه يعتريني بعض الاوقات شدة وحاجه لكن الحمدلله لم اشحث ولم اسأل غير الله .. في فترة خروج العسكر كنت استغل الفرصه للكداده من شان اكسب زبائن فكنت اتعرف عليهم واقولهم متى مابغيتوا السفر فأنا جاهز .. كانت هذه حياتي انتقلت للعيش في المنطقه الشرقيه .. رزقني الله تعرفت على امام المسجد ولازمت المسجد عرض علي خدمة المسجد بمرتب فقلت لوجه الله بدون مرتب ... وقتها سخرت نفسي لكسب الخير دلوني على كداده في مدينة الجبيل والحمدلله يوميتي مابين 50 ريال الى 80 ريال تقريبا اشتغلت في المقاولات وكانت كلها كذب في كذب ونظام غابه ولاتوجد امانه وتعرضت للنصب والاحتيال ولكن الله ستر والحمد والشكر له.. فترة اصبت بالاحباط لعدم الرد علي من قبل الشركات التي قدمت عليها شكيت الى الامام حالتي ووريته شهاداتي انبهر وقال معقوله مالقيت وظيفه قلت غيري جامعيين مالقوا قال اسمع الله الرازق خذ هذا الكتاب واقره واستفد .. قرأت الكتاب خلال اسبوع وحفظته حفظ كامل.. لا ينقصني شيء فعقليتي سليمه وقلبي سليم والحمدلله هذا من فضله .. علمت انني خسرت اشياء ورزقني ربي صبر وايمان ويكفيني اني اعبده ومااعبد غيره .. انا لا اشكي ولكن حالي الآن راحه استقرار قناعه ولكن لم اياس كل يوم لازلت ابحث والح والبشارة عن ماقريب .. الحمدلله وانا عاطل كفلت بنتين يتيمات ريما وبدور .. غيري موظف ولم يستطع ان يكفل يتيم .. او ان يلبي مطالبه .. املك سيارة جديده .. عابد زاهد مثقف الحمدلله اقنعت نفسي بان الامر موكول لله ولو اطلع الناس على اقدارهم لأختاروا ماأخترا الله لهم وهذا الصحيح .. على الاقل ريما وبدور يسوون عندي الدنيا ومافيها بس ينقصني الزواج حتى اتم كفالتهم وتربيتهم .. ريما سبع شهور بدور 2 شهرين مجهلوين الاب والام وأسأل الله الوظيفه والزواج لكي اتم كفالتهم لوجهه .. لن أيأس مهما طالت المده قريب تفرح عيوني .. رغم الالم رغم الذل رغم الضعف رغم التعب رغم القسوة رغم الظلم ... ايماني بالله نساني هموم الدنيا ... قلت هذي القصيده ... وكتبتها من قلب آمن بربه وتوكل عليه ... اقول فيها // عسى الله يرحم المآضي مضى ويعمّه النسيآن وإذآ بآكر بيلفي مآآضن أضرب له حسآبي إذآ الخيره بتقسم لي بـ أسجد وآشكر الرحمآن وإذآ حضّي عثر فـ الصبر به نومي ويصحآ بي على حكمة عمر بمشي عليه إمن الله الرضوآن آنآ بـ أشري بـ شقآ عمري رضآ الله وهو أدرى بي وكل جرح ٍ دمى قلبي جعلته درس لي وإيمآن يشجعني على دمح الخطآ من كلّ آصحآبي ووقت الضيق لاتيأس بتلقآني سند يآفلآن اذكّرك بفضل ربّي ليآ من قلت لك مآ بي عرفت إن الزمن لو زآن لي في عين غيري شآن وإبن آدم طمع وأستعجل لرزقه إيحآبي وعرفت إنّي بلآ همٍّ ولآ غمّ ٍ ولآ آحزآن مآدآم القلب مؤمن مستحيل آحس بأتعآبي لك الله يابحر مآاجيك الا وكلمتي سبحآن ربّ ٍ خآلقك والفكر صوبه دوم يرقى بي مع الطيّب بجي طيّب وجزآء الإحسآن الإحسآن وبدمح زلة الغآفل وذآ عنوآن لكتآبي قنعت إن الزمن مرّه يجور وثم يزين أحيآن وكلّ عسر ٍ معه يسره وكلّ ضيق ٍ غدآ رحآبي بغضّ العين عن مآفآت تغطي شوفهآ الآجفآن وتبيّن دمعة الوآفي نقآوتهآ بأهدآبي مع البسمه تجملّني وآتيه بحمرة المرجآن الا يابسمة الصآبر ربّ الكون أدرى بي مصير اليوم أو بآكر لو مآزآن يصبح كآن ونآر الحزن يطفيها ثلوج الصبر لآ ذآبي وسلآمتكم ... قال تعالى (({وَالصَّابِرِينَ فِي الْبَأْسَاءِ وَالضَّرَّاءِ وَحِينَ الْبَأْسِ أُولَئِكَ الَّذِينَ صَدَقُوا وَأُولَئِكَ هُمُ الْمُتَّقُونَ} [البقرة 177]. يقول الرسول صلى الله عليه وسلم ((عجباً لأمر المؤمن إن أمره كله عجب، لا يقضي الله لمؤمن قضاءً إلا كان خيراً له، إن أصابته سراء شكر فكان خيراً له،وإن أصابته ضراء صبر فكان خيراً له )) الله اجعلنا ممن يرجون لقائك ويرجون رضائك ويستغفرون لمعصيتهم .. ملاحــــظه ((هو الي كاتب القصة وانا بدوري نقلتها للمنتدى الرائع هذه قصه واقعيه والله الشاهد الله لاني متابعها بصمت وعارف قصته)) التعديل الأخير تم بواسطة كساب الطيب ; 27-07-2009 الساعة 06:22 AM 
|
|
27-07-2009, 11:21 AM
|
|||
|
|||
|
لاحول ولاقوة الا بالله...
|
|
27-07-2009, 11:37 AM
|
||||
|
||||
|
|
|
27-07-2009, 12:06 PM
|
|||
|
|||
|
الحال من بعضة الله كريم
|
|
27-07-2009, 10:58 PM
|
||||
|
||||
|
ابوعبدالله مشكور على ردك ودعاك
|
|
29-07-2009, 04:35 AM
|
||||
|
||||
|
اشكرك ع مرورك وجزاك الله الف خير The CrowN
|
| أضف رد |
|
(( لا تنسى ذكر الله )) |
|
|
| الكلمات الدلالية (Tags) |
| قصة عاطل |
|
|
العرض العادي
