السلام عليكم

شباب تكفون الفزعه ودي اعرف اسئلة المقابلة الشخصية

يعني يا شباب الي دخل المقابلة ارجو انه يحط الاسئله الي سألوه

الله يرحم والديكم الفزعه

ياخوووووووووي لاتخاف المقابلة الشخصية

اول شي الحاسب يقلك فك صفحة ورد واكتب اسمك واحفظها باي اسم على الكمبيوتر بعدين تفتحها
الثقافة الاسلامية...يدردش معك عن الدين ويقلك اقرا اي سورة حافظها ويناقك فيها
اللغة العربية...يقلك اكتب كم كلمة يشوف كيف تعرف تكتب ولا لا...
وبعدين تخصصك هو اللي يحوسك بس ولا الباقين سهالة مرررررررة لا تشيل هم...
بس زي ماقلت اللمسؤل عن تخصصك هو اللي يطول معاك بس..

اتمنى اكون افدتك

تحياتي لك وبالتوفيق

تسلم اخوي الله يعطيك العافيه

لكن اسئلة التخصص يسألك عن اساسيات او عن الي درسة ايام الكليه او عن المرحله التي سوف تدرس فيها

الأختبار مكوّن من اربع لجان :





لجنـة الثاقفـة الإسلاميـة /


يسألك اسئلة بالدين .. أركان الإسلام أو الإيمان ؟


الفرق بين أركان الصلاة و واجباتهـا ؟



وراح يقولك مثلا ً : ماهي العروة الوثقى ؟

وراح يطلبك تقول آيــة الكرسي ..







لجنة اللغـة العربية :


راح يقولك تحدث عن نفسك أو أكتب عن نفسك


وراح يخليك تقرأ من كتاب << يبي يشوف كيف قرائتك صحيحة ولا ؟

وراح يمليك بعض الكلمات اللي فيها همزات


مثل


ملء / مسئولية / ... إلخ إلخ






لجنـة الحاسب الآلي /


راح يقولك أفتح الوورد .. وأكتب مثلا ً ( أسمك / تخصصك )


وأعمل بعض التنسيقات على اللي كتبته بالورد ..

مثل التظليل / الخط المائل / الخط العريض / تغيير لون الكتابة / تغيير خط الكتابـة / تكبير حجم الخط وتصغيرهـ ... إلخ إلخ


وممكن يطلبك تفتح عمل على البوربوينت ..




أمّا بالنسبـة للجنــة التخصص /


فهـو اللي عليه الكلام .. يعني يبي لك تراااجــع معلومات تخصصـك وتوقـع أي معلومـة راح يجيك فيها سؤال





أنا تخصصي علوم .. وتقريبـًا جلست بلجنة التخصص تقريبـًا ثلث ساعـة .. سألني فيها عن الهرمونات وعن المركبات الكيميائية وعن قوانين الفيزياء وعن علوم الأرض والأحياء وكل شي




بالتوفيق لك ياخوي

وش تخصصك؟

انا تخصصي لغة انجليزية وكانت الاسئلة سهلة جدا ما اخذت اكثر من دقيقة عند حق التخصص
سألني عن نفسي شوي سألني عن the lesson plane و كيف تدرس درس استماع وسألني عن teaching aids وبس
اللغة العربية سألني انا من وين وقالي اكتب عن الحي اللي انت ساكن فية ثلاث اسطر وبعدين قال تحدث بالعربية الفصحى عن رحلتك من مدينتك الى الرياض وبعدها قالي اختر ورقة واقرأ
الحاسب قال افتح الورد واكتب اسمك واحفظ العمل وبعدين افتح الباور بوينت واكتب اي شي وادرج صورة

حق الثقافة الاسلامية هذا فاجأني
قالي وش حافظ من القران قلت له حافظ كثير من الصور القصيرة اللي اقرأها في الصلاة وحافظ بعض الصور من جزء تبارك والجزئين اللي قبله
قالي سمع سورة تبارك وانا كنت ناسيها وقتها سمعتله اول ايتين وقلتله نسيتها وبعدها قلتله انا حافظ سورة الاخلاص وهي تعادل ثلث القران وقعد يضحك

قالي وش رايك في الحجاب وجاوبتة وقالي وش نواقض الاسلام واعطيتة

شباب في واحد قال لي انه كمان في اسئله تربوية مثل ماهي خطوات اعداد الدرس

وارجو من الشباب الي تفضلو على سابقاً انهم يفيدوني هل اسئلة التخصص عن الاساسيات او لا

للرفع

للرفع