14-08-2009, 04:21 AM
|
عضو متواصل
|
|
تاريخ التسجيل: May 2009
المشاركات: 59
معدل تقييم المستوى: 31
|
|
مفروشات العبداللطيف جعلكم من هالحال واردى بأذن الله ,,,
السلام عليكم ورحمة الله وبركاته ,,,
طبعا تعرفون كلكم مفروشات العبداللطيف ,,
الحين رايحين فيهاا تخفيضاتهم توصل لـ 50 %
ورغم ذلك الخساره من اردى لأردى حتى سهمهم رايح فيهاا ,,
والله اني مااحب الشماته بس اللي سوووه معاااي
يستاهل اقووول جعلكم من الحال واردى ,,
طبعا انا بكلريوس محاسبه وكان عندهم تقديم يبون محاسبين
وقدمت عليهم واتصلوا علي ورحت لهم بأوراقي وشهاداتي بمقرهم اللي بالتحليه بالرياض
وطبعا وصلت عندهم وجلست انتظر شوي وجاني شخص الظاهر انه
مسؤول التوظيف او الموارد البشريه ,,,
فأعطيته شهادتي واوراقي وانا مبسووط لأن معدلي حلووو
وسوى معاي مقابله مثل وجهه مالها علاقه بشي اسمه مقابله شخصية ,,
المهم قااال وين تبي تتعين ؟؟!!
قلت له آنا ماعندي مشكله بالمكان بس اذا كان الخيار متاح لي
فودي اتعين بتبوك عند اهلي ,,,
قام اخذ اوراقي وقال الحقني .. وراح عند واحد سوداني
قاله :: في عندنا فرع بتبوك ههههههههههه ( من شفته يسأل هالسؤال غسلت يدي ))
قال له ايه في فرع بتبوووك
فقال للسوداني ابيك تدرب الشخص هذا اسبوع عشان تعينه بتبوك
على مااجهز اوراقه واجراءاته ,,
طبعا انا الى هذه اللحظه ماني مستوعب ولاعرفت تفاصيل عن الوظيفه .
فقال لي تعال ورااااي ,,
وانا ماشي وراااه قلت له لو سمحت ... ماعرفت تفاصيل توظيفي
قاال نبي نعينك محاسب ... قلت له ادري بس وش المزايااا ..
قال كل شي شااامل راح يكون راتبك 4000 ريااال
قلت له انا بكلريوس محاسبه وانجليزي وشهادة قيادة الحاسب الالي
وشهادة المعهد المصرفي وشهادة تداول ومؤسسة النقد العربي وغيرها وغيرها ,,,
تصدقوووون
كل اللي فاات انا ماني معترض عليه
بس تدروون وش قمة الوقاحه !!!!!!!
يقووول القطاع الخاص احسن لكم من الحكومه وانتم يالسعوديين ماانتم راعيين شغل
ويااخي ترى تبووك الحياااه رخصيه فيهاا يعني مثل 8000 ريال بالرياااض
ههههههههههههههههههه
والله ياجماعه هذا اللي صااار شفتوا قمة الوقاحه والاستخفااف بالعااالم
وهذا هم هالحييين في حال مايعلم فيها الا رب العالمين
وجعلهم من هالحاااال واردى ,,,
والله كتبت اللي صار لي حتى اذا قدمتوا على وظائف تعرفون تردون على مثل
هالاشكااال اللي استغلوا البطاله ونووووم الجهات المسؤوله واستعبدوا العالم
تحيتي
|