السلام عليكم ورحمة الله وبركاته



انا ساكنة جنوب الرياض ماعمري شفتهم كاتبين اعلان مطلوب لمدرسة جنوب الرياض الا مره وحدة بس

اغلب المدارس شمال الرياض


استغرب ليه المدارس الكبيرة والمشهورة تعلن عن موظفات بالرغم انه اكيد يجيهم الطلب من غير اعلان

والمدارس الصغيره ماتعلن واذا اتصلنا قالوا مافيه


محتاااااااااره جدا

يمكن لأن الي ساكنين شمال الرياض عندهم واسطه فكلهم متعينين أو ما يبون الاهليه لان رواتبهم متدنيه فبالتالي احتاروا الاهليات ما جاهم سعوديين بعكس جنوب الرياض الكل يبي قريب من بيتهم

لا وأزيد لك يشترطون خبره في الغالب
والشمال كفاءة
لكن ما عليك
روحي للمدارس اللي قريبة منك واعطيهم سيرتك وملفك وكمان في طريقة إن تعطوا السيرة لمكتب المدرسة الإدارة الرجالية فهذا أفضل بالنسبة لبعض المدارس
لا تنتظري إعلان أبداً
لأن غالبية المدارس البسيطة لا تعتمد على الإعلانات وإذا تبي معلمات من المعارف
يعني من أقارب المعلمات اللي عندهم
هذا الكلام اللي كتبته بناءً على تجربة ومتأكدة منه

موفقة بإذن الله ..

وبحكم أني من سكان شمال الرياض يمكن لأن بعض الأحياء جديدة وناشئة ومافيها مدارس حكومية فالمدارس الأهلية كثرانه بالحيل عكس الجنوب أحيائها قديمة نوعاً ما ,,

أنا قدمت على مدرسة أهلية في الشمال وجنب بيتنا بس ما أرتحت كرهت التدريس وطاريه : ( ,,

مشكورين على اجابتكم

والله ملينا من القعده احيانا اقول اروح لشمال الرياض بس المشكله المواصلات بتاخذ الراتب كله

ايش رايك ياجماعه؟

اذا ماتوظفتي الى الان روحي الله يوفقك على الاقل تاخذين خبرة وتغيرين جو من جلسة البيت والله يوفقني ويوفقك وجميع المسلمين

السبب بسيط
لان مدارس شمال الرياض
كلها بنات هاي كلااس
والوحده تشوف كل الناس عندها نمل
وتحقر الكبيره قبل الصغيره
والاحترام معدوووووووووووم للاسف
اعرف بنات كثير فصلو من تدريس المدارس الاهليه
لان عندهم عزة نفس
ومو حابين يدخلون بمشاكل