ممكن اللي عنده خلفيه يفيدني

عاشقة من بعيد · #1 (**permalink**) 06-10-2009, 12:48 AM

السلام عليكم ...

كيف حالكم جميعا .. يارب تكونون بألف خير ..

بعطيكم زبدة استفساري بما اني مااحب التفاصيل!!

بس حالفه عليكم انكم تفيدوني!!

انا خريجة 1430هـ

وسمعت انه العاطل مثلي يمكن ياخذ قرض يسوي فيه مشروع بشرط احد يكفله

عاد انا بس لاتضحكون جا ببالي ( اشتري سيارة قويه هع + سواق يعني يشتغل لمدارس وجامعات)

واسدد القرض من الربح الشهري

فما ادري يصلح اني اسوي كذا ولا مايصلح ينفع ااقدر اخذ قرض ولا خرابيط الناس

واذا ماينفع وش اللي ينفع اسويه

ودي اسوي شي!!

ميشو العاطلة · #2 (**permalink**) 06-10-2009, 01:39 AM

والله ما عندي خلفية ولا سمعت

ان شاء الله يفيدونك الاعضاء

مكةقلبي · #3 (**permalink**) 06-10-2009, 02:19 AM

توصيل المعلمات للقرى القريبه من المدن على بعد 100 كيلو

فيها من الخير الكثير بحول لله

توكلي على الله

عاشقة من بعيد · #4 (**permalink**) 06-10-2009, 03:13 AM

طيب السؤال ينفع اخذ قرض ولا!!

هذي هي المشكله

ومشكورين ياللي شرفتوا

عاشقة من بعيد · #5 (**permalink**) 06-10-2009, 05:00 PM

up>>>

سالم السعد · #6 (**permalink**) 06-10-2009, 05:19 PM

اذا كان قصدك قرض من صندوق المئوية فمااعتقد
لكن ممكن تشوفين ابوك او اخوك او زوجك ياخذ لك من البنك او من الشركات او حتى لو من افراد يقسطون دداسن
اذا عندك احد فاعتقد لو تاخذين بنظام التأجير ممتاز جدا
او لو تاخذيم مبلغ 40 او 50 الف من شخص يقسط وتشترين جمس قديم او فر لك

اتمنالك التوفيق

عاشقة من بعيد · #7 (**permalink**) 06-10-2009, 07:02 PM

عشاني بنت يعني !! قهررر

الله يعين ومشكور على حضورك ياسالم ال سعد

الله يوفقك

سيري يا سفينه · #8 (**permalink**) 06-10-2009, 07:25 PM

يعني مو عشانك بنت لا

عشان نظام القروض يبغون الشبااب يشتغل فا مو معقوله بتشتغلين بالسياره
على العموم في هناك عده طرق تقدرين من خلالها تاخذين سياره

خذيها باسم اخوك او ابوك وخلي احد يكفله وجيبي سواق على كفاله ابوك
وبكذا تقدرين تسددين القسط عن طريق التوصيل بس هل تظمنين اي سواق ؟

اعتقد بامكانك التقديم على صندوق المئويه باسم اخوك لنفس المشروع

او تقدمين انتي باسمك لمشروع نسائي

والله يوفقك يارب ويكتبلك اللى فيه الخير

تحياتي لك
اخوك
فؤاد

فقيرديرة · #9 (**permalink**) 06-10-2009, 09:34 PM

شوفي أختي...انتي ممكن تاخذي السيارة باسم اخوك او ابوك... وخلي احد يكفله وجيبي سواق سعودي مع محرم (أمه اوزوجته) في ناس كثير محتاجين يشتغلون بس ماعندهم سيوله لمبلغ السيارات..صلحي اعلان بالوسيله او الرياض او الجزيرة ..
والراتب اللي بتعطينه اجنبي ماتعرفينة ؟؟؟ وفريه وعطيه سعودي أميييين...واشترطي الجديه بالعمل

عاشق روزي · #10 (**permalink**) 06-10-2009, 09:34 PM

الله يوفقك يارب
بالنسبة لمشروعك مربح ولكن تأخرتي شوي

وتعرفي عندنا المعاملات يبي لها شهور

المهم مثل ماقلوا الشباب التوصيل لضواحي المدن مربح

وبالنسبة للسواق من شان ما تتأخري زيادة إبحثي عن سواق مقيم هنا ويحتاج لنقل كفالة

اهم شئ لمن يخلص من توصيل لنفترض معلمات بحدود الساعة 3عصرا

تقدري تشغليه بالعصروالمساء يوصل طالبات للدورات بالمعاهد أو حتى معلمات

بالنسبة للسيارة أنصحك بباص تويوتا فهو أفضل