كل وحده تبيع معمول تدخل مشكوره ؟؟

ام عبودي وبس · #1 (**permalink**) 21-10-2009, 07:58 PM

السلام عليكم

بصرااحه انا وزوجي حالتنا على قدناا وعيالي زهقوني بكثر الطلبات ليش ماحنا مثل عيال فلان وعيال فلان احسن مناا ......... الخ وانا خريجة دراسات اسلاميه من 11سنه ولا توظفت ولا فيه امل بالوظيفه .. وزوجي يقول اطبخي بالبيت وبيعي وان المعمول بالحيل مرغوب عند الناس بس مااعرف كيف ابداا يعني اسوي كل اليوم الصبح واجهزه لين الناس تطلب او اسوي على حسب الطلب وهل هو يبي له راس مال ومنين اوفر الطلبات سااااعدوني بكل المعلوماات الله يغنيكم لاني والله اني جدااا محتاااره وان شالله اني القى الحل عندكم وشكرررررررررا

غدا يوم أجمل · #2 (**permalink**) 21-10-2009, 08:28 PM

الله يفرجها عليكم ياقلبووو
المعمول يمشي كثير
والجوزيه كمان
وسنكرز البيت

انا اشوفها تروح كثيررررررر
في سياره دايم تجي عند المسجد اللي اخوي يصلي فيه الجمعه ويبع هالاشياء
وتمشي معااه
ومااعتقد بتكلفك كثير
لان كلهم مقاديرهم بسيطه
من الاشياء الاساسيه في البيت وعلب بلاستيكيه
وانتي سوي مثلا 3 اصناف
كل صنف 10 علب
وبيعيها ع 20 او 15
كبدايه يعني
خلي زوجك يبيعهم وقت صلاه الجمعه او يجيب له هندي يوقف عندهم اذا هو مايحب

بتجيب لك مبلغ حليو كبدايه
ويعني حتى لو ماراحت
ماتتضررين لانها تترفزن وماتخرب
بس اعتقد تروح

وبعدين لما تحسين انها تمشي مره زودي الكميه

اتمنى اني افدتك
والله يكتب لك اللي فيه الخير

الهنوف اللي سرت · #3 (**permalink**) 21-10-2009, 09:03 PM

االله يرزقك ابحثي في النت مواضيع مثل هاذي وان شاء الله راح ستفيدين
كمان وزعي على اماكن تجمع الحريم المدارس ولا المشاغل والله يرزقك من واسع فضله واتلجميع يارب

يتمنى النجاح · #4 (**permalink**) 21-10-2009, 09:49 PM

والله اخبر قد شفت واحد ونا اطلع من ملعب وهو معه فطآير وكل شي

ويبيعه وهو أكل بيت وكل يوم اشوفه ومترزق

وفيه اللي يوصلون للبيوت بس أكلآت كثيرهـ لاتختصرين بالمعمول فقط

ورمضآن مثلا الناس تكسب اللي يبيعون مثلا بيتزآ والأمور هذي لأنه المدرسآت يشترون لعدم التفرغ

للطبخ ومن الامور هذي

وتقدرين تعلنين بالوسيله

محمد الطميحي · #5 (**permalink**) 22-10-2009, 02:38 AM

اعملي دعاية عن طريق الكارت الشخصي
ووزعيه في الحي
يكون فيه رقم جوال زوجك
وإن شاء الله تجدي ما يسرك
وفقك الله

ابن الهيلا · #6 (**permalink**) 22-10-2009, 09:13 AM

أختي الغالية

ندعي الله لك بالتوفيق في الدنيا والأخرة ويرزقك من واسع فضلة

البداية عليك بكثرة الأستغفار وقيام الليل والصدقة فهي مفاتيح الرزق

اما حول الأفكار
هناك يباع علب بلاستيك تستطيعين تعبية المعمول وغيرة من الأصناف في هذه العلب وعرضها على اصحاب البقالات وأصحاب محلات المكسرات اما يشترونها منك أو يعرضونها لك للبيع ولهم نسبة من البيع

اما الفكرة الثانية
عالم المدرسات هناك إحدا الأخوات تعرض على المدرسات وجبات الفطور وهم يختارون الأصناف التي يريدونها ووقت الفسحة تحضر لهم الفطور بقيمة لاتقل عن 100 ريال

جروح الوافين · #7 (**permalink**) 22-10-2009, 09:55 AM

الله يوفقك يارب ويفتحها بوجهك ..
أنا ياقمر اقدر أساعدك بطريقة معمول سهل ويجنن وكل من يذوقه راح يطلبه ..
وبس توصلين لمعلمه تأكدي راح تبيعين كل يوم .. وعلى علبة المعمول حطي لاصق وفيه رقمك .

محمد سهل · #8 (**permalink**) 25-05-2011, 12:31 AM

موفق بإذن الله ... لك مني أجمل تحية .

ارجوا إثراء الموضوع ليستفيد أكبر قدر من المستفيدين من هذا الموضوع

شـكرا لكم وبارك الله فيكم... لكم مني أجمل تحيات .