السلام عليكم

اخواني محتاج رايكم ووجهات نظركم

حصلت وظيفة في احدى الشركات بالدمام راتبها 3500 شامل كل البدلات

دوامين والخميس نص دوام

طبعا انا معي شهادة جامعية في المحاسبة ولي 8 شهور ماحصلت الا هذي الوظيفة

وانا بصراحة متردد لانها مو قد الطموح

واخوي معه دبلوم وراتبه 4000 ريال طبعا فني سيارات

وواحد من الشباب معه دبلوم وراتبه نفس راتبي تقريبا

مع العلم ان الوظيفة خارج مدينتي يعني لازم بروح اسكن الدمام

وبصراحة انا ماودي لكن الكل يقول لي رح واكتسب خبرة ولا تجلس بالبيت

وانا ماودي اروح

ومضة

اقسم بالله العظيم اكبر غلطة بحياتي دخولي الجامعة

اول شي الله يوفقك اخوي..
ادا بنتظر الوظائف الي نبغاها اتوقع ماراح نتوظف وهذا الواقع
الاغلب دخلوا وظائف ماتناسب مؤهلاتهم بس هذا الي موجود
يعني لو تفكر من الاحسن جلست البيت والا اخذ لي خبره واقدم مره ثانيه
الخبره صارت اهم من الشهاده نفسها
ولو نأخذها في المكان الي بدنا بدون راتب راح نعملها وكتير اعرفهم يشتغلوا بدون راتب بس يبغوا الخبره

انت تفكر انو غربه وراتب مايسوى انو الواحد يتغرب معك حق فيها
بس هذا الموجود
اول شي استخير والخيره فيما اختار الله
ثاني شي جرب روح شوف الوضع يمكن تنبسط وترتاح ولو ماعجبك تقدر تتركهم عادي
وثالث شي لو رحت لهم استمر في التقديم والبحث عن الافضل بس يكون شي بيدك وتنتظر الافضل

الله يوفقك اخوي

كلامك صحيح

لكن بعطيك معلومة عني

انا عندي خبرة 4 سنوات

كنت اشتغل وادرس بنفس الوقت

ومع ذلك مافي فايدة

هلا والله وعليكم السلام ,,
اول شي باعلق على الومضة اللي كتبتها .. الحين انت نادم انك جامعي؟! بالعكس هذا الشي المفروض تفتخر فيه مو تتحسف عليه .. وبعدين تخصصك حلو ماشاء الله (محاسبة) .. هو اكثر تخصص مطلوب هالوقت وتراني زميلة مهنة وتخصص..

بالنسبة لسؤالك .. اول شي ماقلت لنا وين انت ساكن؟ يعني هل المدينة اللي انت ساكن فيها فيها وظايف او لا؟ لاني اشوف اذا انت ساكن بمدينة كبيرة وفيها فرص صراحة مايسوى تروح تسكن بالدمام عشان الوظيفة اللي حصلت لك خصوصا وانها مو قد طموحك .. يعني لو كانت وظيفة قوية كان قلت لك رح والله يوفقك ..

ممكن خلال هالفترة تاخذ لك دورات تطور فيها نفسك بحيث لو قدمت على اي جهة وسألوك وش سويت خلال هالفترة تقول انك سويت كذا وكذا .. وهذا الشي فيه فايدة لك بحيث تشغل وقت فراغك وبنفس الوقت تكتبه في الcv
وما اوصيك تابع المنتدى ترى فيه فرص حلوة..

الله يوفقك ويكتب لك اللي فيه الخير ولا تنسى الاستخارة ..

عزيزي

لو حسبتها صح

سكن + أكل وشرب + مصاريف ضرورية = الراتب بح

طبعاً أتكلم عن خارج مدينتك


والله يوفقك

السلام عليكم انا اقول انها مناسبه

والشركه اذا لها مستقبل صدقني راح تنبسط واذا اثبت نفسك راح يرفعو الراتب بشكل ماتتصوره لان الشركات الكبيره فيها تقييم بشكل مستمر ( با العربي يبي لها كفاح)
واذا كانو العمال فيها اجانب يعني يتكلمو انجليزي لاتفوتك
انا قدمت على الشركه الوطنيه وهي تضم 27 مجال منها ميد وبيتزا هت الموهم انا مقدم على بيتزا هت المسئول على التقديم في البيتزا معاه متوسط بس خدمته 14 سنه ويستلم فوق العشره ماشاء الله عليه الله يوفقه
ويقول لنا اللي يثبت نفسه راح ينبسط فما بالك اذا انت جامعي الله يوففنا وياك يارب


وفي الاول والاخير عليك با الاستخاره والخيره فيما اختاره الله عز وجل علام الغيوب

الله يوفقنا وياك يارب
اللهم اعز الاسلام والمسلمين

اول شي اشكر لكم مروركم

واللي سال عن مدينتي .. المكان اللي انا ساكن فيه مافيه وظايف خير شر خخخخخخخخخخخ

وعن الراتب .. انا اعرف اني لو رحت وقبلت بهالوظيفة ماراح انتظر راتب او اجمع شي لانه ماراح يكفي لاي شي

سكن مصروف اكل وشرب واذا ابطلع يمين يسار فواتير ............... كل هذا بـ 3500 - التامينات الاجتماعية = بحححححححححح

والشركة تبع خراسانه جاهزة وبالموت رضوا يعطوني هالراتب والا هم مايعطون هالراتب

ومثل ماقلت لكم اذا ابروح ماراح اروح مشان راتب ابروح مشان اشغل وقتي فقط لا غير

والخبرة اللي منهم ماظنها بتفيدني كثير لاني حسب مافهمت بالاكسل كل الشغل وانا الحمد لله الاكسل خابصه من فوق لتحت

انا اشوف اخوي انك تشتغل على الاقل انك تاخذ خبره والله يوفقك

[QالبباغUOTE=الفيص;1818026]انا اشوف اخوي انك تشتغل على الاقل انك تاخذ خبره والله يوفقك[/QUOTE]