04-12-2009, 12:07 AM
|
|
|
|
تاريخ التسجيل: Jan 2008
الدولة: هنـآآك آبعد مدىىىآ
المشاركات: 4,575
معدل تقييم المستوى: 21474879
|
|
كارثه جدهـ
الحزن خيم وانتشـر بيـن الاقطـار
غطى جنـوب المملكـه والشمالـي
والشرق ينشد ياهل العرف واش صار
هـذا صحيـح العلـم والا خيـالـي
كيف العروس اللي لها صيت واذكار
تمسي عروس وصبح تنخى الرجالي
تشكي وتبكي ياعرب وايـن الاخيـار
ردوا عليها مـا بقـى مـن دلالـي
واخص بالشكوى على وافي الاشبـار
خالد ولـد فيصـل كريـم السبالـي
جده تعـرض للكـوارث والاعسـار
واللـي تسبـب ماحسـب للتوالـي
يقضي حياتـه بالتجـول والاسفـار
بين العواصـم دالـه البـال سالـي
مايـدري ان الوقـت لـو زان دوار
يدفع ثمن ما ذاق مـن كـل حالـي
هذي ترى جـده لهـا عندنـا كـار
منزالهـا يااميـر بالقلـب عـالـي
نحبهـا يـا اميـر مـا مثلهـا دار
نعشق بحرهـا والسهـل والجبالـي
يا خادم البيتين يـا نسـل الاحـرار
شكلـت لجنـه تعتنـي السـؤالـي
تبى الحقايق واين تصريف الامطـار
وايـن المشاريـع الكبـار الجزالـي
راحت هبا منثور في وجه الاخطـار
بانـت عقـود الزيـف والاحتيالـي
تعطي وتجزل بالعطا سـر واجهـار
وتضيع بيـن المختلـس والمعالـي
مادام ابو متعـب نـوى كـل بـوار
تباشـري يفـداه حـالـي ومـالـي
للشاعر / متعب العتيبي
|