السلام عليكم ورحمة الله وبركاته


كيفكم ؟ ان شاء الله طيبين وبصحه وعافيه


حابه استشيركم بمستقبلي ويقولون لا خاب من استشار


مالكم بالطويله


انا يا طويلين العمر خريجه معهد الاداره بتخصص اداره مستشفيات

ما حصلت وظيفه ولا دراسه حتى الان بس عندي خطه خمسيه على قولتهم << طموحه حيل
اولا كنت ابي اكمل داستي بس مافي مجال بالسعوديه وابتعاث الدبلوم ما فتح هالسنه

سو قررت ابدا من جديد دراستي

ومحتاره ما بين جامعه الملك عبدالعزيز عن بعد

ايجابياتها
ان التخصص اداره عامه مسار اداره مستشفيات
انها جامعه عريقه ومعتمده من الوزاره
ان رسومها معقوله 5 الالاف بالترم شامله الامتحانات

سلبياتها
انها 4 سنوات كامله ومافيها اي معادله بس ممكن اشتغل وقت الدراسه
ان الدراسه اغلبها بالعربي بس ان شاء الله باخذ التوفل وما اظن بتفرق
ما ادري بيكتبون دراسه عن بعد ولا لا في الوثيقه
ما ادري هل ممكن انقبل في بعثه الملك في الماستر لما اخلص
لازم اسافر جده للاختبارات بعد ما اخلص السنه التحضيريه وذا صعب




والكفه الثانيه

الجامعه العربيه المفتوحه

ايجابياتها

معادله 14 ساعه فقط بس شيء احسن من لا شيء
شهادتها من برطانيا
موقعها هنا بالرياض
يمكن اختصر على نفسي السنوات وادرسها بسنتين او سنتين ونص
دراستها انجلش
معتمده رغم ان اعتمادها جديد ومو عريق زي الملك عبدالعزيز



سلبياتها

مافي تخصص مسار اداره مستشفيات
بس اداره اعمال او اداره عامه
كل جهات العمل ما يفضلون شهادتها << القطاع الحكومي اقصد
قالوا ان الخدمه المدنيه ما تقبلها وبالتالي الابثعاث تبع الملك اظن
رسومها اغلى خصوصا انها على الماده






والحل ايش اتختار ؟؟؟؟؟؟؟؟؟؟؟؟

ايش رايكم اختار مين

حطوا في بالكم اني ابي اشتغل خلال فتره دراستي يعني مو متفرغه

اني ابي اخذ الماستر والبكالريوس خلال 5 سنوات

باخذ التوفل ان شاء الله في كل الاحوال

حابه اشتغل في القطاع الحكومي

وافضل ابتعث للماستر سواء من الملك او من النمستشفى اللي بشتغل فيه

مادياتي مش ولا بد




بانتظار اراءكم

ودي اساعدك لكن ماعندي خبره


ربي يوفقك

مشكوره فارسيه على مرورك ودعوتك الحلوه

شوفي ياحلوه الحين مستشفى الملك خالد للعيون فيه وظائف كثر التراب روحي قدمي يمتحنونك واذا عديتي على طول يقبلونك اصلن هم يببون بس ثانوي ورواتبهم 5000 شلون لو كنتي معك دبلوم اممم قدمي على اساس مترجمه او مساعدة طبيب يعني ترجمه تترجمين للمريض شيقول الطبيب مايبون لغه ممتازه صدقيني ان كان مستواك جيد جدا منخفض بيمشي حالك
ثاني شي : روحي للحرس وقدمي على طول يحددون موعد اختبار لك اذا عديتيه يماطلون شوي بس يوظفون
ثالث شي والاهم مدينة الملك فهد الطبية دايركت التوظيف ويمكن يعطونك دورة 3 شهور ثم ترسيم
المهم في كل المستشفيات لاتقولين ابي التخصص الفلاني مثلا ابي بس في الاداره لا اقبلي باي وظيفه انتي بس حطي رجلك في بر الامان وادخلي واشتغلي شوي شوي تقدرين توصلين للكرسي اللي تبين
وسلامتك دعواتك لي
ههههه بس ماتلاحظين اني حذفت كل خطتك

شيخه العاطلين والله انك عسوله وخليتيني ابتسم


الثلاث مستشفيات ذولي رحتهم <<< ترا ما خليت مستشفى لا حكومي ولا اهلي الا وقدمت فيه


التخصصي للعيون قدمت من اول وكل فتره ارسل سيرتي ولا في فايده

حتى ما حددوا لي امتحان رحت مره وحده قدمت بنفسي والباقي ايميلات

الحرس رحت واختبرتانجليزي ونجحت وطباعه ونحجت وخشيت مقابلتين ولسه ما توظفت
صار لي 7 شهور


المدينه كلهم واسطه واللهي قدمت فيهم اول شيء تخيلي اول ما استلت الوثيقه قبل لا اروح بيتي
رحت لهم ولا حددوا لي اختبار حتى الان


اعدد لك الباقي

التخصصي فيصل = نجحت بااختبارات بس ما اتصلوا
الشميسي = قدمت عن طريق توصيه من مدرستي ولسه ما اتصلوا
مستشفى الايمان = قدمت وحتى تدريب تطوعي ما رضوا
قوى الامن = قدمت ولسه
الصحه النفسيه مستشفى الامل = قدمت ولسه


الاهليه
رعايه الرياض = قدمت واعرف الموظفين ولسه ما اتصلوا
فلاح = المدير كان واعدني بوظيفه قبل سنتين ونص ولسه ما دقوا
الحبيب = قدمت اخذوا صديقتي والموظف تبع التوظيف ما يدانيني مدري ليه
التخصصي المركزي = قدمت ولقيت وظيفه بس طلعوا عندي التهاب الكبد الوبائي ج في الفحص وطردوني
الحمادي دله و و و


احس اني خلاص ياست


يلا الله كريم

الحين بفكر اكمل دراستي عشان لا انجن

ودعواتكم معي

دخلت ادعي لك
لانو ماعندي اي فكرة ,


موفقة حبيبتي

الله يجبر بخاطرك يارب ..ربي مايضيع تعبك ان شاء الله
سويتي اللي عليك ..وتوكلي على الله .ويسر لك ان شاء الله بتكملة الدارسة
واسمحي لي ياغالية ماعندي معلومات كافية عن أي الجامعتين أفضل

موفقه ان شاء الله

غريبه خريجيين معهد الادارة وظايفهم زي التراب المعهد مفروض يساعدك

اهم شي والاهم انك تاخذين البكالريوس في نفس مجال شهادة الدبلوم ومن ناحية الجامعه العربيه المفتوحه توي متخرج منها ماانصحك فيها وجع راس وربي يوفقكك

بستناك

تسلمي لي على الدعوه الحلوه

ومرورك يكفي قلبوا



ضيء قلبي

كلما بياس راح اجيك طايره
كلامك مره يخلي الواحد متفائل
الله يديمك


الميجدلي الحربي

تيب علمني وين هالتراب وانا اندفن فيه
للاسف الدنيا حظوظ حتى لو خريج هارتفود ويال ممكن ما تلقى
بس يقولو في فيتامين ضروري لصحه الحظ
اسمه فايتمين واو


محترف سيسكوو

ينصر دينك
من اول ما كانت داخله مزاجي هالجامعه بس قلت فيها كم ميزه حلوه
وحلو الاستشاره برضو
تسلم على المرور اخوي