تعبت ادور وظيفه بس لازال عندي امل ؟

بعيد الهقآوي · #1 (**permalink**) 03-01-2010, 03:06 AM

السلام وعليكم ورحمة الله وبركاته

عساكم بخير يالغالين

ودي افضفض لكم ولعل وعسى القى من يسااااااعدني

اخوكم عاطل 4 سنوات ونص

والله اللي بعمري من جماعتي وربي تزوجوا نصهم والنص الثاني على وشك

حالتي النفسيه اقل مايقال عنها زفت بزفت والله حتى اخوياي صاروا يتجاهلوني وصرت ماجيهم عشان ماسمع كلامهم مثل كل مره ماتوظفت الى متى مااظن بتتوظف دور لك وظيفه تبيع بمحل ؟؟

اذا جلسنا نسولف عن الاحلام والطموح واقولهم نفسي بسياره كذا واتزوج يضحكون ويقوولون مافه امل ؟؟؟

والله احيانا ابكي وانا عمري 23 من القهررررر

تعقدت من الوظيفه

فوق ذالك ابوي مديون والبيت ايجاره 23 الف وهو راتبه 3000 واسره كبيرره وقسط يكسر الظهر ؟؟؟

حتى ابوي اهتمامه فيني بدى يقل كاني اخترت العطاله بنفسي

المصروف ماصرت اخذه مثل اول الا بعد كم وكم .

ماخليت مكان ماقدمت معاريض وكتبت وصااااابر

يااااااااااااااااليت تدورن لي وظيفه على بند اي بند ولا بنك ولاشركه محترمه تضمن لي اعيش بتعبي بعيد عن منه هالنااااااااس

والله وحده يعلم وش بيسوي بحياتي من يوظفني راح يدعي له كل من عرفنيي

ومارح انسى له معروفه حتى اموت

عريفج · #2 (**permalink**) 03-01-2010, 03:25 AM

أكثر من الاستغفار

خالد البطالة · #3 (**permalink**) 03-01-2010, 09:23 AM

ولد الهيلا

ليش ما تتوظف كاشير ورواتبهم حلوهـ .. من 2500 وأنت طالع

وفيه وظائف بشركة بودي ماستر الأندية الرياضية ومقر الإدارة في حي الصحافة

أمسك طريق العليا ووجهك شمال لين يجيك نادي الشباب على يسارك

المهم لا جاك نادي الشباب على يسارك هو يكون على يمينك بعد 200 إلى 500 متر ماني متأكد بالضبط

انا هالحين أدرس دبلوم وعرضوا علي وظائف كاشير ولكن وقتها يتعارض مع دراستي .. وأدور حالياً على وظيفة تكسبني خبره بس ويكون دوامها ما يضرني بدراستي

نصيحة أخو لك .. خذ كاشير وحاول تاخذ دورة كمبيوتر بأي طريقة وبعدها دور على وظيفة أستقبال أو خدمة عملاء ولا ضبط وضعك ومشيت أدرس حاسب او انجليزي طور نفسك مهما قالوا لك الناس أمش بدراستك
ترى الناس ما تعطي خيـر حتى لو ما عندك شيء

أعرف لك واحـد من الناس وهو اللي نصحني النصحية هذي دامك فاضي بوقت معين أدرس

كان هو معه ثانوي ويدور وظائف حكومية أو شركات

وما لقى يمكن سنه او سنتين وبعدها دخل كاشير وكان راتبه 1200 هالكلام قبل يمكن ست أو سبع سنوات

المهم هم كانو يدربونه على برنامج حق الحسابات والأموال وكذا

وبعدها زادو راتبه 1500 وجلس عندهم سنه .. وحطوه مشرف كاشيرات وراتبه وصل لـ 2500 ريال .. وصار ياخذ دورات في الأموال والخدمات المصرفية وكذا أتوقع فهمتني

ولما جلس ثلاث سنوات عندهم قالوا بنخليك مدير فرع وسبحان الله بنفس الوقت جته وظيفة في بنك كان معبي صرافات في البداية راتبه 3500 ريال قبل الترسيم وأخذ منهم خبرة وهو نشيط ومجتهد ومكافح .. وصاروا يعطونه دورات والناس كلها في العمل تحبه وترسم بعدها بسنه .وهالحين تقريباً له فيها 3 أو 4 سنوات وراتبه فوق الـ 8000 ريال وزواجة الصيف اللي راح

وعلى فكرة معهد نجد سمعت أنه يعطونك دورات وما تسددهم إلا لا توظفت بس مادري والله هو صدق ولا كذب

هالحين الشركات والوظائف تبي خبرة بس وأهم من الشهادة

ونصيحة فكر بالكلام اللي قلته لك

خالد البطالة · #4 (**permalink**) 03-01-2010, 09:26 AM

وعلى فكرة بعد

عندك مكتبة العبيكان ومكتبة جرير بالتحديد فرع البديعة يبون موظفين لانه الفرع جديد

روح قدم لهم وشوف

الادفن · #5 (**permalink**) 03-01-2010, 10:32 AM

أنا أوظفك براتب 3000 ثلاثة الآف ريال ومن بكرة وسبق أن كلمتك لكن الله يهديك بس
أرسل لي على الخاص

خالد البطالة · #6 (**permalink**) 03-01-2010, 11:11 AM

^^

الأدفن عطني معلومات عن الوظيفة لاني أبحث عن وظيفة من فترة

الادفن · #7 (**permalink**) 03-01-2010, 12:29 PM

مسؤول مبيعات في معرض مكائن تغليف وتعبئة + مندوب لدى البنك للإيداعات النقد والشيكات
العمل سهل ولا يحتاج خبرة والبنك يبعد عن مقر العمل 200 متر فقط بشارع الضباب حي المربع