السلام عليكم
انا الحمد لله تخرجت ووفقني الله في شركة وطنية من أكبر 50 شركة سعودية وعلى قريد ورسمي
والحمد لله ارتحت في الشغل واطور نفسي كل يوم عن الثاني ومرتاح لله الحمد
الحين جتني وظيفة حكومية وعملها مريح واجازاتها كثيره اتوقع عرفتوها
عموما
الحين انا سمعت ناس كثير هو صح ان الواحد ما ياخذ بكلام الناس لانك ما تدري هو صح او غلط
فجيت اسئل يعني ناس خبرة وعندهم نظرة مستقبلية وقانوية

الكلام اللي يقولونة هو مثلا :
- ان وظايف الشركات يجونك يوم من الايام يوقولك خلاص احنا عندنا ازمة او اي عذر كان ويقولون لك خلاص هذا اخر يوم لك .
- ناس ثانية تقول لا حتى لو كنت مجتهد عندهم مره ومميز من حقهم يقولون لك خلاص هذا اخر يوم لك .
- وناس تقول لو يعطونك راتب دبل الراتب الوظيفة الحكومية لا توافق روح للوظيفة الحكومية لانك شبة مستحيل ان يسرحونك
الا اذا سويت شيء خطير من شرف واخلاق وامانة ..الخ

يعني انا ما ادري انا فضلت وظيفة الشركة عن الحكومية ومرتاح فيها بس صرت قلق من الكلام الي سمعته
وصراحة تعرفون اذا صار عندي عيال واخذت قرض وصارت علي مصاريف وبعدين يقولون لي خلاص !!!
يعني بإختصار من حقهم يسرحون الموظف .. او كيف آلية تسريح الموظف .؟
ولكم جزيل الشكر

في مكتب العمل يضمن حقوق العمال والموظفين في اي شركة
ما احد يقدر يفصلك بغير سبب قانوني

اتوقع الحكومي افضل
حتى في الترقيات والعلاوات السنوية

اذا الراتب ما فيه فرق كبير ، والجهة الحكومية ممتازة السمعة من ناحية التنظيم والترقيات توكل على الله.

اذا كانت الشركة قويه وراتبها قوي وبدلات وبدل سكن .
.
الشركة افضل

اذا الشركه راتب افضل و الشركه قويه خلك في الشركه ترى كلام الحكومي أحسن هذا كلام قديم و غير صحيح الشركات تعطي اللي يعطيها و الشركات ترفع راتبك صح دبل الدبلات بالذات لا صرت مجتهد في عملك هذا نصيحتي الا اذا كانت عملك في الحكومه في مكان قوي مثل الامارة و المباحث مدني و ....الخ

شف الي يريحك واسئل واستخير ربك ولله يوفقك

تبي ترتاح وتربي عيالك زين وتحسسهم بوجودك التدريس احسن لك

اخوي اذا تسمع الكلام توجه للحكومه وانت مغمض حتى لو كان الراتب قليل

لان قليل دائم خير من كثير منقطع ......الخ

شغله ثانيه الاخ اللي يقول مكتب العمل يجب حقك هذا ما رح وتمرمط مثلي بمكتب العمل

مكتب العمل مثل قلته ولله ان يسحبووون فيك الى ثلاث سنوات ما فيها طقت عصى هذا ناهيك عن التعب النفسي

توكل على الله وانا اخوك الا اذا انت شغال برامكو خلك فيها الكلام هذا ماينطبق على ارامكو