السلام عليكم ورحمة الله وبركاته
اثناء تجولي بجنوب الرياض في احد النواحي الزراعية وتربية المواشي وبعض النواحي البرية القريبة اكتشفت مشروع لا يكلف الكثير وربحه مضمون باذن الله بشرط الجدية والمثابرة وعلى ذلك فهو مشروع + استراحة ووسعة صدر
الطريقة تعلمون جميع المناطق والمحافظات يوجد بها سوق مواشي بلا شك طيب اذا يوجد بجميع المناطق سوق تبع البلدية بالايجار واحوشة خارجية بدون ايجار صحيح الارض ماهي ملك ولكن انت جيزك جيز غيرك من الناس طيب اذا مافيه ايجار الحيــــن نبدأ
بالاول يبغالك ارض سواء ملك او غير ملك وكل ماكان المساحة اكثر اذا المشروع افضل اهم شئ لا تقل عن 600م كحد اقصى .. طيب وبعدين ؟؟
بالثاني يا اخوان تروح لمحلات بيع الشينكو وتشتري لو مستعمل اظن الحبة ب 12 ريال طبعا العدد غير محدد حسب مساحة الارض ولكن لاتنسى ان التركيب على قطعتين فوق بعض لتطويل الجدار وبعدين يبغالك بوابة حديد لو مستعمل
وبعدين لوتسوي عقم خارج احاطة على الأرض افضل اذا صلحت الأرض صار عندك استراحة حوش مع بعض وشلون ؟؟ تقسم الارض قسمين او ثلاثة او أربعه حسب مزاجك ! قسم بالاستراحة تحط خيمة مفروشة وتجيب ماطور بنزين ولمبات وخيمة مطبخ وتانكي ماء وعزبة ثم دورة مياه متنقله مؤقته تكرمون - طبعا كل شئ مستعمل بحراج ابن قاسم وبالرياض متوفر كثير اذا صار عندك جزء من الارض استراحة ممكن تستانس فيها انت والاهل والاولاد وباقي قسمين او ثلاثة صح ولا لا ...
وانت تبي تستثمر !! اذا تبدأ بالاستثمار باحد الاقسام تجيب لك أغنام وعلى التصريف والبيع والانتاج وايضا ممكن تجيب لك طيور ( دجاج .. حمام .. بط .. وز .. أرانب ) وممكن الابل ( الجمال ) لو تبدأ بصغارها
طيب بتقول المواشي يبغالها معيشة من برسيم وذره ونحوها ياخوي عندك قسم من الاستراحة جيب لك مزارع من اي جنسية واتفق معه يسويها لك ويحرثها وتزرعه فيها اقل شئ سنة تكد من الاستراحة على المواشي بس تكليف الموية وماهي كثيرة تانكي تعبيه ب 15 ريال 3 مرات او اقل بالشهر وممكن تحط بالاستراحة حطب وتبيع منه المهم طريقة البيع والشراء انت وشطارتك وممكن تستعين باهل المواشي بس لاتنسى يبغالك عامل خبير مواشي ( ياحبذا من الجنسية السودانية ا الافريقية )
اذا استراحة + مواشي + طيور + زراعة + حطب يعني تقدر تقول 5 في 1 بس عليك راتب العامل واعتقد وصلت لكم الفكرة واتمنى افدتكم بشئ
تحياتي للجميع واسأل الله لكم التوفيق ,,,

يعطيك العافية
الله يوفقك ويرزقك
دعواتك

جزاك الله خير

الأخ كان حلمي وانتهى .... والأخ محمد الطميحي مشكوررررررررين
ويعطيكم العافية على الرد

مجرد فكرة

يعطيك العافية
الله يوفقك ويرزقك