اخوي الإنعكاس الوزارة طالبين السجل الاكاديمي لهالسبب
ولا اعتقد انهم راح يغفلون شيء ابدا


فيزيائي يادنيا اللهم امين والله اني متفاءل بإذن الله بالتعيين


للتنويه هالمعلومة وصلتني من احد الخريجين:
اللي ماسجل بإمكانه التسجيل ومطابقته من يومه
اللي عنده أخطاء لايخاف بيتم التعديل فورا بالنظام اثناء المطابقة
خريجي 29 سواء اول او ثاني المهم انه يكوون دخل الكلية من عام 25 او ماقبل
والله يوفقنا جميع ونتعين بدوون استثناء

ولد الحاسب مشكور على موضوعك وبصراحه افادنا

ولاكن ابغى اسال هذه المستندات المطلوبه فقط لاغير لاني وبصراحه من مكه

وحاب اتاكد حتى لا يحصل نقص فيها ؟؟
1- الوثيقة مع صورة مصدقه لها
2- السجل الأكاديمي مع صورة مصدقه
3- الهوية الوطنية مع صورة مكبره واضحة البيانات
* مشهد يوضح به تحرير الوثيقة ان لم يكن موجود بالوثيقة
واكتب ما حصل لك في المطابقه لاهنت وماذا طالبوا منك وكم صوره نجيب هاذا لو تكرمت يعني؟؟

واسم الشارع الموجود به الوزاره؟؟

أول شي مقر الوزارة

تمشي مع الدائري الشرقي ثم تخرج مع مخرج 13 ثم تمشي لين يجيك مستشفي العسكري تحت كبري خريص ، تنزل قبل ما تجي مستشفي العسكري
يعني تمسك طريق الخدمة ، ثم تقريباً تجيك اشارة ودوار
المهم لين يجيك دوار طريق الملك عبدالعزيز تأخذ معه يسار يعني تمسك طريق الملك عبدالعزيز
ثم بعد ما تعدى أربع إشارات تكون الوزارة على يدك اليمين بعد وزارة الصحة
ثم تدخل الوزارة وتسأل عن قاعة الدريسي يرحمه الله يوصفونها لك
هي طبعاً داخل الوزارة بس بالتحديد ما أدري كيف اوصفها لك من كثر عماير الوزارة

ثم بعد ما تجي للقاعة أول شي تأخذ رقم انتظارك في السري ، ثم يعطونك استمارة تعبي اسمك ورقم سجلك المدني ورقمك الجامعي
وسنة انضمامك بالكلية واسمك وتوقيعك
ثم تدخل القاعة وتجلس تنتظر رقمك لين يجيك سراااااااك
ثم يطلب منك الأصول والصور ثم يختم على الصور ثم يقولك يالله وقع هنا عند التوقيع
ثم يقولك اخرج مع الباب هذا اللي تحت يكون على يمينك ثم تخرج مع الباب وتدخل بصالة كبيرة فيها موظفين كثير وكل موظف عنده جهاز لكي يستعلم عن بياناتك في الحصر هل هي صحيحة وإلا لا
ويسألك أيضا يقولك كم رقم جوالك وكم رقم جوالك الآخر ورقم البيت أيضاً

ثم يختم على اوراق مرة آخري ويوقع الموظف عليها إنها مطابقة صحيحة

ثم تستعلم عنها بعد ساعتين بالموقع
وتحصل امام حالة البيانات حضر الشخص نفسه
وتحصل ايضاً : تمت المطابقة الآن

ثم تتوكل على الله ،

وتقول الله يعين على انتظار التوجيه للمدارس ،،،

والمعذرة على الأطالة ،،،

ولكـ تحياتي ،،،

الله يووفقكم ياارب

اهم شيء انك تتعينون بعد هذى التعب

ياشباب لي من دفعة 26 وفوق لايروح يتعب نفسه ,,,الي من دفعة 25 وتحت يروح يطابق حتى لوماسجل في الحصر يشوف موعد اخوياه ويروح معهم اذا كان فات عليه الموعد يراجع الوزاره في الصباح ويعطونه موعد,,هذا الكلام الصحييح والله على ما اقول شهيد

الله يوفقكم يااااااااااااااااااااااااااااااااااااارب عاجلا غير اجلا

بالتوفيق للجميع ...


واللي حضر المطابقه يعلمنا وش صار معه؟؟