13-06-2007, 04:26 AM
|
عضو سوبر
|
|
تاريخ التسجيل: Nov 2006
المشاركات: 432
معدل تقييم المستوى: 36
|
|
هلا اخوي المتكلم باسم مؤسسة الصحاري انا ابي اناقشك في المنطق وبعيد
عن موضوع الاخ والي صار معاه الحين انتو تقولون انك مؤسسه وهدفها
انكم توظفون المواطن السعودي ومن اجل عيووونه اوكيه ماقلنا شي
طيب اذا انتو شغالين لمصحله المواطن السعودي ليه تعطونهم رواتب ضعيفه !!
يعني في اي منطق واحد معه دبلوم او بكالوريس وتعطونه 2000 او 2500 !!
والوظيفه للاسف حارس امن !!
يعني الواحد يكد طول عمره واخرتها يشتغل على 2000 ريال وحارس امن ؟؟
طيب نجي لنقطه ثانيه انتو لمن توظفون الشباب تاخذون نص رواتبهم والدليل
ان مثلا وظيفه خدمات عملاء او الرد على الهاتف او اي وظيفه في بنك او قطاع
خاص ومعاك دبلوم او حتى ثانوي مايقل راتبهم عن 5000 وبالدبلوم يعطونك
6000 طيب دام انتو متعاقدين وياهم ليه انتو تاخذون نص الراتب !!!؟
ليه تعطون موظفينكم على 2500 واذا كثرت 3000 !!!
طيب الثلاثه الاف بأي حق تاخذونها ؟؟؟
مو انتو خذيتوو قيمة العقد من الشركه الي تعاقدتو وياهم ؟؟؟؟؟
ليه تاخذون بعد من المساكين الضعوووف ؟؟؟؟؟؟
يعني انتو تبون الشباب يستمر معاكم ومايفرط بالوظيفه طيب لازم تعطونه راتب
زززين زي مايعطون البنوك والشركات الكبيره اما تعطونه 2500 وتقول
تبي تشتغل ولا غيرك كثير ولا فيها اي زيادات او حوافز !!!!
انا عرض علي اكثر من مره الشغل في احد المكاتب المكاتب المتعاقده بس رفضت
والين بكره راح ارفض لانها مالها مستقبل ولا لها اي هدف الا تاخذ نص رواتب
الموظفييين ماكفاااهم ياخذوون فلوووس من الشركه الي تعاقدووو وياها بعد
ياخذووون من الموظفيين !!!
والله اني منقهر على حالنا وعلى هالمكاتب الي ماتخاف ربهاااا تستغل حاجه
العاطلييين وتبتزهم وغير كذااا على ماعتقد فيه شرط جزائي بعد الوظيفه
اذا طلعت من الوظيفه تدفع يعني بدال ماتعطووونه مكافئه على عمله تاخذون منه !!
بالله بأي حق ؟؟؟ انا اقول ياخوي لازم تراجعون انفسكم وفي رواتبكم القليله
وتراجعون سلم الرواتب وصدقوني لو عطيتو اقل راتب لموظف 5000 انتو
المستفيدين بس الطمع يفسد ماجمع وحب الفلوس خلاكم تستغلون الضعوف
الله لايسامح الي خلا المكاتب هذي تفتح وخلاها تستغل العاطلين وتذلهم على لقمة
العيش وبعدين من قالك ان رواتب حراس الامن في ارامكو بس 5000 ؟؟؟
انت الظاهر تتكلم على شركه نفطيه ماتتكلم على مؤسسه !!!
لعلمك حراس الامن في ارامكو ومعاهم ثانوي ياخذون من 7000 وطالع
وغير البدلات وشغلات مااعرفها انا واذا على قولك ان رواتبكم لحراس
الامن فوق 3000 خلاص وظفوو المتوسط عندكم على هالراتب والثانوي
على 4000 والدبلوم على 5000 وبكذا يصير فيها انصاااف ولا مااقولك كذا
عطوهم الرواتب الي محددينها لكم الشركات الاوربيه في الاساس وانا اتوقع
ان الرواتب ماتقل عن 5000 بس الله يعلم الباقي وين يروووووح !!!
وانا اعرف واحد شغال في شركه يقول انا موقع عقد مع الشركه على راتب
2000 ريال وعقدي بالاساس مع الشركه الام 8000 ريال !!!
تخيلووو 6000 ريال وين راحت ؟؟؟؟؟ بالله عليكم هذا مو ظلمممممم !!!
والله اني اتكلم من القهر الي فيني وكيف الموظفين السعودييين تروح حقوقهم
ولا يقدرون يقولون شي بس غيرناا الله يخلف بس !! خلونا ساكتين
واتمنى اخوي انكم تراجعون سياستكم اذا كنتو تبون الموظفين يجلسون عندكم
ومايتهربون من الوظيفه اما شغل اكرف ثمان ساعات وانواع الاهانات واخرتها
راتب هو لفاتوره ولا لمصروف ولا لبنزين ولا ايش وايش !!!!
ماغير نقوووول حسبي الله ونعم الوكيل على الي وصلنا هالمواصيل
ومع السلامه
|