قل للوزير اللي له اعـوام لا زال
وزيـر للخدمـه ولا فيـه تغييـر
الشعب ضيقه ضيق وهمومه ثقال
والوضع فوضى والبطاله طوابيـر
ماتت بداخلنا طموحـات وآمـال
واحلامنا صارت مع الوقت اساطير
وآهاتنا تعزف من الضيـم مـوّال
ودموعنا قصه كتبهـا شكسبيـر
ورصيدنا خمسة هـلالات وريـال
وديوننـا تحكـم علينـا بتعزيـر
وزواجنا ما عاد يطري على البال
وأم العروسه ما تحـب المعاذيـر
هذا زمان الغدر والقيـل والقـال
ماهو زمن عنتر ولا سالم الزيـر
الأجنبي يحظى بتقديـر وإجـلال
وإبن الوطن في موطنه مالقى خير

دام عنده خمس هللات زين يعتبر أغنى مِن بعضٍ لايملكون قرش
نقل جميل بجمالك كل الشكر

صح السانك
والله يعطيك العافيه ويرزقك بالوظيفه

صح لسانك

الكصيده رائعه وتحكي الواقع المرير لشريحه معينه من المجتمع السعودي < وش عنده الدكتور غسان

صح لسانك
شكل الشاعر مطفر ربكــ يجيب مطر
جميل مانقلته اخوي
الله يعطيك العافيه

صــــح لسانك
والله يرزقك ويرزقنا بالوظيفة

وييسر امرك وامور العاطلين

وتقبل مروري

الشمالــي

يسلموو صح لسانك

والله يرزقك ويسر أمورك

والجميع

ماتت بداخلنا طموحـات وآمـال
واحلامنا صارت مع الوقت اساطير
اي والله وانا اشهد انها ماتت اصلا نسينا اللي درسناه هههه
صح لسانك وعلى شانك

الله يعين .. ويسرها لكم ..
يعطيكـ العافيهـ ..