برأيي ::

عنصرين اساسيين اذا توفرن عندك لاتحتاار...

1- السواق المخلص والأمين .

2- عقد طويل الأجل مع أحد الشركات .


وقتهااا اشتر ولا تشاااور واسترداد رأس المال غالباً بيكون خلال سنة او يزيد شوي او يقل شوي .

اولا
المعذره على رفع الموضوع ولكن الموضوع يستاهل لانه متجدد

ثانيا :

مما لاحظت ان اكثر الاخوان هنا يقول ابي عقد يا اخوان العقد هذا كلام فااااااااااااضي والله العظيم كلام فاضي

ليش الاجانب ماخذين الرزق وانت جالس

ياخي شريت تريله بمبلغ وقدره عجزان تشغلها اذا انت فاضي اقسم بالله البلد مليانه خير

انا اتكلم عن الشخص العاطل بالنسبه للموظف حط فيها سواق على كفالتك واكرمه والله العظيم ان يشتغل صح

لو اشتغلت وحصلت 25000 الف في الشهر وراتبه مثلا 2500 ريال وش يمنع لو عطيته 1000 ريال اكراميه

تملكه كذا ومره 500 ومره 1500 وعلى الموال هذا

اما اذا انت عاطل وقدرت تشتري تريله اركب في ظهرها وتعلم مع الرجال ماخلق في الدنيا متعلم

الاجانب يجون عندنا يالله الواحد يسوق سيكل ونعطيهم التريلات دافعين دم قلوبنا فيها


خلونا نحسبها حسبه بسيطه

مثلا الاسمنت

تشتري بــ 12 ريال الكيس والتريله تتحمل 600 كيس

والبيع على 16 ريال

معك مكسب 4 ريال في الكيس الواحد

4*600 = 2400 ريال

لو قلنا 10 ردود في الشهر

معك 24000 ريال

نقول 3000 راتب العامل + 1000زيت + 5000 مصاريف = 9000

9000- 24000= 15000 ريال شهريا في حالة انك اشتغلة 10 ردود فقط

الواحد يشغل مخه ويخل كلام الشركات والعقود الفاشله بعضهم يعطيك وبعضهم يكرهك حياتك