اخواني جزاكم عني خير الجزاء ارجو افادتي اقصى افادة من جميع النواحي

انا خريج كلية الاتصالات بجدة قسم حاسب تخصص دعم فني بشهادة دبلوم

لو ابكمل بكالوريس يبغالي 3 سنوات وباخذ شهادة هندسة حاسب ومخير بين كليتين
1- الكلية التقنية بالرياض
2- كلية الباحة الاهلية
تكاليف الدراسة الهندسة تكلف تقريبا 60000
* مع العلم اني من سكان جدة بس مايخالف اكرف واتغرب بس اهم شي المستقبل الوظيفي والراتب

وفيه فكرة طلعت براسي سمعت كلام طيب عن تخصص طب الطوارئ وانه مطلوب ومحتاجين هالمستشفيات من هالتخصص ورواتبهم حلوه على حد ماسمعت
لأن ولد عمي دخل بمعهد طب الطوارئ بالرياض ويمدح هالتخصص بالحيل
ومدة دراسة هالتخصص سنتين وسته شهور فبحثت عن المعاهد المعتمدة بجدة
لقيت الاكاديمية الدولية للعلوم الصحية بجدة عندهم هالتخصص ومعترف فيه من الهيئة
وتكلفة الدراسة مابين 50 الى 60 الف نفس تكلفة تكملة الهندسة تقريبا

عندي بعض الاسئلة :
كيف وضع الاكاديمية الدولية للعلوم الصحية بجدة تخصص فني طب طوارئ تنصحوني فيها
وهل دراستها صعبة بالحيل ولا تعدي سهاله
* التخصصين نفس المدة تقريبا ونقدر نقول نفس التكلفة تقريبا
انا ابي اسال عن المستقبل الوظيفي يعني مثلا خلينا نقول
بعد 10 سنوات من تخرج مهندس الحاسب او فني طب طوارئ
ايهما يكون افضل بالنسبة مميزاته وعلاواته وراتبة ومستقبلة الوظيفي


ارجو افادتي جزاكم خير
والله يوفقكم ويسدد خطاكم وعساكم عالقوة
دعواتكم لي .....

والله ياغالي فكرت فيها قبلك بعدين هونت عموما الله يوفقك

بس خذ ببالك ان كلية الرياض تخرجك بشهادة تابعه للمؤسسة العفنه

وكلية الباحه تخرجت بشهادة تابعة للتعليم العالي

وفرق بين الاثنتين كالفرق بين الثرا والثريا

والله اخوي اني قاعد افكر بمثل تفكيرك عسى الله يوفقك

والله اذا تبي شووري ادخل هندسة حاسب .. الدبلومات الصحية وطب الطوارئ دايم فيها مشاكل اعتراف من الخدمة ومدري وشو ... وبعدين الحاسب راح تلاقي مجالك لك في كل مكاان

وطبعا على كلام الشباب المعتمدة من التعليم العالي افضل بكثييييييير من المهني


وبالتوفيق لي ولك وللجميع

طوارئ اتجاه اجباري ومايحتاج تشكك في ذلك

أخوي al-3be6

لا يقارن بكالوريس حاسب ((مهندس حاسب )) وبين دبلوم تمريض
لا من ناحية التصنيف ولا من ناحية الدرجة ((في حالة تكملة الدراسة مستقبلاً ))
مع إحترامي لكل الدارسين في دبلوم التمريض لكن صار اللي ماله شغلة يدرس تمريض وما درو أنهم محصورين بس في المستشفيات الحكومية لأن القطاع الخاص بـــ 8000 ريال يوظف بها 4 من الفلبيين ((و يعرفون أنجليزي بعد ))
بعكس الحاسب مطلوب في القطاعين العام والخاص

نصيحة أي شئ تشوف الشعب متوجه له أعكس أتجاههم وبتلقى الخير

تفضل وعسى الله يرزق كل الأخوان اللي خسروا مالهم وجهدهم في هالدبلومات
https://www.btalah.com/t151721.html

السلام عليكم

اخوي تبي نصيحتي اولا استخير الله
ثانيا - لاتفكر مجرد تفكير في شيء اسمه الاكاديمية الدولية للعلوم الصحية لانها معهد خاص ولأن اعرف اشخاص كانوا فيها يقولون نجاحك مضمون ودراسة مشي حالك غير كذا الله يوفقك دبلوم لايقارن ببكالوريوس

ارجوك انسى شيء اسمه دبلوم خصوصا اذا كان بامكانك دراسة البكالوريوس

ماأبغى احد يجرب ماجربناه

اخوك ومحبك بدر

جزاكم الله يا اخوان الف الف الف خير على الردود والاقتراحات
والبنسبة للطب مسحت يدي البارح مرض اخوي على وحست معه
قلت عاد كيف بسير مسعف بجيب العيد
وعموما ما قصرتوا يا اخواني وانا قررت اتجه لتكملة البكالوريس بعون الله
بس اول نشوف التقنية اذا ماربك يسر دخلنا الباحه الاهلية وفي فترة الانتظار احاول اخذ دورات انجليزي
والبنسبة للاخ n.s اخوي خذلك سنكرز ولاتوقف الا عند الدكتوراه واتمنى لجميع الاخوان التوفيق والنجاح ودعواتكم لي ....

تبي شوري كمل حاسب افضل لك

الدبلومات غير معترف فيها بعد 2011
واستخير الله قبل خلقه فما خاب من استخاره
تقبل تحياتي