مسيكم/صبحكم..بآلرضآ والعوآآآفي..


واوجودي وجد ورع صغير مات أبوه
لاضواه الليل جر النواعي يحتريه

فاقد شوفه والاصاح قالوا سكتوه
قالوا اسكت وش تبى قال وين ابويه فيه؟

طال صبره ينتظر وان نشدهم صرفوه
مادرى أن الوقت حده على اللي مايبيه

عاش عشر سنين مع عشر وهم ماخبروه
قالو وين ابويه يمه وهي تبكي عليه

عقب صبره طال ربعه لفوه وعلموه
ثم رضى بالامر دون ليش ودون ليه

قال من ذباح ابويه وقالوا له اخوه
والسبايب كلها ورث عود طمع فيه

صاح بأعلى الصوت واقفوا وراحوا وتركوه
آخر الأيام عمه طلع ذباح ابيه

آيه وجدي مثل وجده لكن مالاحظوه
وجد من هو راح مشتال حتفه في يديه



للأستمآع

<embed src="http://www.m5zn.com/uploads/2010/2/5...d1jn3zvmwt.mp3" width="420" height="250" allowfullscreen="true" allowscriptaccess="always"></embed>

صح لسانك اخوي قصيدهفي قمة الروووعه لاعدمناك

يعطيك العافيه مبدع وذوقك رائع لاهنت اخوي

الله يكفينا شر الدنيا ومافيها

صدق من قال :

القناعة كنز لا يفنى

الله يعطيك العافية

يا ابو ترمس

اختيار رائع ابو ترمس
قمه بالجمال والروعه
لاعدمنا جديدك يلغلا
تشكرات

طال صبره ينتظر وان نشدهم صرفوه
مادرى أن الوقت حده على اللي مايبيه

قصيده رائعه ويعطيك العافيه

آيه وجدي مثل وجده لكن مالاحظوه
وجد من هو راح مشتال حتفه في يديه


الله

هذا كله يوصف وجده ... راائع

صح لسانه

وتسلم يمينك يا عاطل ..

الله ..

اختيار مميز ..

وإبداع مو مستغرب يامشرفنا


الله يعطيك الف عافيه


دمت بـ ود


حنين الرووح

يسلم ذووقك

وتسلم يمناك .... الله يعطيك العافيه