06-02-2010, 03:35 AM
|
|
|
|
تاريخ التسجيل: Aug 2008
المشاركات: 13,880
معدل تقييم المستوى: 21474895
|
|
الأنيق ..,
صباح .,
مساء .,
............. الـ ورد
قصيدتين من اجمل قصائد محمد الوسمي ..
اتمنى تنال إعجابكم
اذكريني
اذكريني
بأي شئ اعجبك
او ما اعجبك فيني
اذكريني
بأنكساراتي
بدمعاتي
بالحنين اللي تركني
بالظلام
اللي ينور لي حياتي
قولي انه كان يحلم
قولي احلامه بعيده ..
.. قولي كان اكثر سكوت يشب صوته
لاتذكر
........ حزنه
... وعمره
.. وموته
قولي رغم ان الزمن خانه
ولكن
كان وافي
قولي راح يدوّر اوطانه
وحصلها منافي
قولي انه حاول بشتى الوسائل
رغم فقره
يشتري بالليل بسمه للصباح
قولي انه ضحى في وقته وعمره
وكان موعود بأماني
بس رااااااح
قولي حتى ما اتصل فيني
وقال اني بسافر ..
قولي كان الناس والدنيا بعيوني
قولي مايقدر .. يعيش العمر دوني
كيف رااااح
وبعترف لك
انك انتي
كنتي حلم اقرب من يديني لعيني
ومامسكتك
كنتي اغلى كل مااملك
وسافرت
وتركتك
كنتي الماضي
وكنتي الحاضر
ورغم كل دروبي اللي تسرق اقدامي
لمجهول الرحيل
كنتي اول درب ياخذني واسافر
كنت انا وياك لو نزعل علينا
نرجع احلى من قبل
ونمووووت فينا
بس ضعنا
انتي
انتظرتيني بغيابي
وانا غبت بأنتظارك
وانتهينـــا ..!
مواجعنا .. وامانينا
يسري بنا الليل .. لانادت مواجعنـا
ويفرح بنا الهم .. لاماتـت امانينـا
اغراب .. والحزن فالغربـه يجمّعنـا
اجساد نمشي .. وتتبعنـا خطاوينـا
كان الأمل في ظلام الوقـت يزرعنـا
لين الليالي .. تجي باليـاس تجنينـا
كنّا نعلّـم جـروح الوقـت توجعنـا
والحـزن .. كنـا نناديـه وينادينـا
نكتب : طريـق المـوادع مايرجعنـا
نقـرأ : طريـق المـوادع مايودينـا
نبعد عن الهم .. نلقى الهـم يتبعنـا
من وين نبعد .. نلاقـي همنـا فينـا
كنّا .. وهلحين كنّـا وش بتنفعنـا ؟
نادى الرحيل .. وسرق دربه خطاوينا
رحنا ورى الحب .. لين الحب ضيّعنا
مدري نسينا الزمن .. والا تناسينا !!
الين عشنا بلا صوره .. ولا معنـى
ارواح .. تشبه لنـا ظلمـة ليالينـا
واليوم .. ماعاد باقي شـي يجمعنـا
الا الوجع , والضياع , وحزن ماضينا
علـى كثـر ماحلمنـا .. ماتوقعنـا
ينسى الزمن كيف كنـا يـوم حبينـا
شكراً .. لأحساسنا اللي كان يخدعنـا
شكراً لوقتٍ خذانـا .. قبـل يعطينـا
شكراً لعمرٍ تركنـا .. قبـل يسمعنـا
شكراً لأيامنا .. اللي جـت توصينـا
شكراً لأحلامنـا اللـي وقفّـت معنـا
شكراً لأحزاننـا .. شكـراً لأغانينـا
بكت لنا الارض يـوم انّـا توادعنـا
لأن الارض احضنتنـا يـوم حبينـا
كل الود
حنين الرووح
|