السلام عليكم .,

هذي يا طويلين العمر والسلامه فكره من راسي و اعتقد مافي مثلها أبد أبد أبد في السعوديه .,

طبعاً تحتاج دراسه جدوى و تحتاج للدعم والتمويل من اي جهة او شخص او اشخاص كشراكه , وبصراحه انا خايف الفكره تروح تنفذ وانا صاحب الفكره ما أستفدت شيء و يضيع حقي .,

لكن توكلت على الله , وقلت أشوف أرائكم .,

فـأمانه اللي اعجبته الفكره و يقدر يسوي لها دراسه جدوى يقول لي , لان ودي ابدأ ولا أعرف من أين أبدأ وكيف .,

ندخل في صلب الموضوع .,

طبعاً معروف خطوط السفر عندنا طويله ماشاء الله وبعضها بدون خدمات قريبه للسيارات او ان فيه بعض الناس مو حابه تروح للورشه عشان تشوف عطل او يغير قطعه يعني مكسل او مايقدر بسبب ضروف العمل او ان المنطقه الصناعيه بعيده عنه او او او .,

و طبيعي ان السياره تتعطل ( بنشر - حراره - انقطاع سير - بطاريه - اي عطل آخر ) .,

تخيل صاحب السياره المتعطله لحاله ماحوله احد ع خط سفر و نادر يوقف له أحد , واذا وقف وراح وخلى السياره لحالها فهذا يعرضها للخطر سرقه او شيء غير انه احتمال تتعطل مصالحه بسبب الروحه والرجعه .,

لكن ماذا لو كانت هناك ورشه متنقله وهي سياره مجهزة بالكامل بعدة الميكانيكا و البنشر مع قطع الغيار ترافقها سطحه ان لزم الامر توفر الجهد و الوقت للعميل .!!

يتصل صاحب السياره و يقول مثلا انقطع سير محرك او انسلخ الكفر ولايوجد سبير او او او يطلب موظف الشركه منه نوع السياره و الموديل ويتم توفير القطعه و الذهاب اليه بهذه السياره المجهزه مع الميكانيكي و مساعده .,

طبعاً سياره وحده لاتكفي هذي تحتاج أسطوووول لتنتشر في المملكة حتى تكون قريبه من العملاء و رحلة الالف تبدأ بخطوه , نبدأ في منطقه واحده ثم تتاباع المناطق حتى يتم تغطيتها مشروع فعلا جبار .,

و بالنسبه للشركه " طواريء لخدمة السيارات "< صار لها اسم , فيكون فيها موظفين للرد على العملاء و اخذ البيانات بالموقع والسياره ونوعها الخ و الرقم مجاني .,

و كل سياره راح تكون مجهزة بالعده و مجهزه بقطع الغيار المطلوبه و بالامكان بيع بعض اغراض الزينه و أهم شيء اثنين ميكانيكيين سعوديين بحيث لا يوجد أجانب بأذن الله .,

و الاسعار طبعاً رمزيه و معقوله اتخيلها : سعر المشوار يختلف حسب المسافه - سعر شغل اليد - اسعار القطع و تقديري ان المشوار الواحد لن يقل عن 50 ريال

هذا مالدي و بإنتظار تعليقاتكم وأرائكم و نصائحكم وإضافاتكم .,

و آسف ع الاطاله و اذا كان هناك شيء من عدم الترتيب لكن المهم وصلت الفكره .,

انا ما اتوقع تنجح والسبب كثرة السطحات على الطرق

هل تتوقع أنتظرك ساعة أو ساعتين حتى تصل
احمل سيارتي على السطحة واقرب ورشة انزلها فيها

حلو تشغيل العقل والبحث عن منفعه ذاتيه

اهنيك عليها

بس من غير ماحبطك وانت لك وجهة نظر فيها الفكره ماراح تكون ناجحه ولا 1%

الاسباب :

1 اغلب المسافرين اذا مو كلهم ماخذ احتياطاته قبل السفر

2 نفرض واحد والا اثنين من 100 مسافر تعطلت سيارته انت ياصاحب الطواري وين بتكون قريب منه ساعه والا ساعتين وانت واصله ماتوقع

3 صعبه اوزع سيارات الطواري اللي تتكلم عنهم بمشروعك بانحاء المملكه وفي الاخير بس سيارة مسافر واحد تعطلت بالشهر

4 تحتاج راس مال كبير وتعب مقابل ربح بسيط ويمكن مايجي

باختصاراعتقد صعبه فكرة مشروعك

يمكن تنجح بس ادرسها بالاول من كل الجهات ولاتبداء فيها الا وانت ضامنها

بالتوفيق وان شا الله ربي يسهل لك

الفكرة جيدة
وأرى أن تبدأ بمنطقة واحدة فقط
وخاصة بين منطقتين المسافة بينها طويلة
وفقك الله

انا سمعت عن هذي الفكره في مكه في موسم الحج الفائت وكانت ناجحه (( طبعاً داخل مكه )))

لاتسمع لأصوات الإحباط و التكسير ترى الواحد مو ناقص أدرس الموضوع بشكل جدي و موضوعي و قدم بعدها لصندوق المئوية أو بنك التسليف إبدأ بشكل صغير وبكرة بالإصرار و التعب راح يكبر بالتوفيق يارب

مشكور الأخ خربشة على الموضوع والذي اجزم انه لم يخطر على بال أحد والمشروع فيه فايدة للمواطنين وفايدة لصاحب المشروع بالكسب الحلال ... ولكن ياعزيزي هل تتوقع ان تهيئة وسائل النقل والمعدات والايدي العاملة لاتحتاج إلى رأس مال ضخم في ظل مساحة المملكة العربية السعودية الشبه قارة بجميع مناطقها وحدودهاو التي تقدر بـ 2,250,000 كيلو متر مربع ؟؟ اعتقد ان الامر يحتاج التفكر ودراسة الجدوى بعقلانية وحسابات دقيقة فالمشروع قد تغطية شركة عملاقة وليش افراد معينين الا اذا وجد رأس المال الضخم ... وهذ الرأي ليس المقصود منه التحطيم والله من وراء القصد ..
وتقبلوا تحياتنا ,,,,,,,,

السعودية الشبه قارة
ذكرتني هذي الكلمه بواحد عزيز على قلبي شكرا لكم وبالتوفيق لكم في مشروعكم