بسم الله الرحمن الرحيم

السلام عليكم ورحمة الله وبركاته



اول شي ابارك لنفسي على تفعيل العضويه لاتي مسجل لي اربع شهور وماقدرت اشاركم

.

ثاني شي .

قصتي مع السجون : بعد التسجيل وانتظار النتائج شهر .

طلعت النتائج : تم ترشيحك للقبول بالسجون وعليك مراجعة موقع القبول والتسجيل :

راجعت الموقع :




لقد تم ترشيحك للقبول المبدئي بالسجون وعليك الحضور لمقر لجنة القبول والتسجيل بالرياض طريق خريص يوم الاثنين الموافق 7/11/1430 في تمام الساعة الثامنة صباحاً بالزي الرياضي ولبس نعال وحلاقة الرأس على رقم واحد وإحضار أصل الوثائق المطلوب


خلصت اول يوم : الطول والوزن : وطلعت بعدها ع الادله وخلصت بنفس اليوم

وبعدها باسبوع واحد رحت للفحص .

وبعد ثلاث ايام خلصنا ولله الحمد .وسلمت دفتر الالتحاق

طبعا لآئق طبيا ./


وانتظرنا كم شهر واتصلو علينا وقابلت :


المقابلة الشخصية :

سوالين فقط . وجاوبت بسهوله .

ورحت وانا متطمن

وبعدها اتصلو على اصحابي كلهم . اللي معاي بنفس اليوم واللي بعدي

وحتى اللي تم قبولهم بشهر 1 وسلموهم الملابس

وانا رحت للرياض واستفسرت عن السبب اللي منعني من دخول الدورة 1 / 3 / 1431 هـ

مع العلم اني بصمت على الدورة وخلصت

دخلت على النقيب : جمعان حسين المالكي ..

بعد ماقابلته سالته وقال

انت دورتك بشهر 6

ليــه ؟

لانك ماحصلت درجات في المقابله ! 4 من 10

يابو حسين انا متاكد اني مجاوب .

انا ماظلمك ويالله اطلع برى

طبعا ماقتعنت بكلامه

رحت للادارة اللي عند وزارة الداخليه

وقابلة النقيب اللي اختبرني بعد مافريت الادارة مكتب مكتب.

سالته انا ماجاوبت . هو عرفني لانو دردش معي شوي . وقت المقابله

قال انت عطيتك عشره . وقلت له ان جمعان يقول اني ماجبت درجات

وعصب وكلم جمعان وتهاوش معه ع الجوال وطلع وراح لهم بعد ماخذ رقم جوالي

واتصل علي العصر وقال ماعليك انت لاتروح لا الشمال لين اقول لك

وثاني يوم جيت للمالكي قلت يابو حسين انا قابلة اللي اختبرني

وقال انه معطيني عشره وانت تقول اربعه .


وقام علي كاني ذابح واحد من اولاده اطلع برى

يقول انت تشكك فيني او انا ظالم


قلت طيب انا ابي الورقه اللي بصمت عليها حقت الدورة قال انت مابصمت على شي

ومالك حق تطالب بالدورة

وجلس يتكلم علي وقام وصلني للباب وطردني

وبعدها بيومين اتصل علي النقيب اللي اختبرني وقال رح لا اهلك

الله لايوفقه حطك في راسه لانك جيته وقلت له ان في ظلم



يااخوان وش رايكم بالقصة هذي .

انا اكثر واحد محتاج الوظيفه نظرا لـظروفي الخاصه .

ولانو ماعندنا دخل.

والوالد متوفى من 15 سنه

وبعد التعب هذا اللي حصلته


على كلام النقيب اللي اختبرني . ان جمعان دخل واحد مكاني .

مع العلم ان نسبتي . 88 . 95 ممتاز



بس مابيدي اقول الى حسبي الله ونعم الوكيل .

يااا رجاااال انشاااء الله خيره ..

عسى ان تكرهو شياء وهو خيرا لكم .. وعسى تحبوو شياء وهو شرأ لكم ..

خيره ياااولد النااااس

حسبي الله ونعم الوكيل


الله يرزقك احسن منها

اخوي تأكد ان الله فوق كل ظالم واذا لك حق الله ماراح يخليك

وعسا ان تحبو شي وهو شر لكم وعسى ان تكرهو شي وهو خير لكم

توكل على واستغفر وخل الوالده تدعي لك ماتدري يمكن ان الله كاتب لك خير منها


الله يفوقنا وياك واسأل الله العلي العظيم في هذه الليله المبارك ان ييسر امرك وامر كل مسلم

الله يعينك

عاد حاول انك تظمن الدوره اللي بشهر 6

لانه راح يستقعدلك

حاول تكسبه من الحين واعتذر منه

واذا جاء شهر 6 بيكون راضي عليك

يرجال الواسطه فوق النسبه يمكن يقبلونك نهائي ويجي واحد معه واسطه يطيرك ويدخل بدالك

ويمكن خيره لك يمكن توظف ويحطونك بعيد عن اهلك وان شاءالله تلقى الي احسن منها

الله يوفقك