صندوق الموارد البشرية

هياس · #1 (**permalink**) 22-02-2010, 03:14 PM

السلام عليكم
موقع صندوق الموارد البشرية
فيه تسجيل لطالبي الوظائف بصراحة انا ماعندي معلومات عنه
العذر والسموحة هذا رابطهم
http://online.hrdf.org.sa/customer/pc_register.php

الي يسجل يردلنا خبر والي عنده معلومات لايبخل بها على اخوان العاطلين

أمير الرياض · #2 (**permalink**) 22-02-2010, 04:13 PM

انت تسجيل وبعد فتره الموارد البشريه يدقون عليك تراجعهم وهم يوظفونك في الشركات

على حسب الشهاده الي معك انا معي ثانويه بسس وسجلت في رمضان وكليوم راسليلي رساله راجعنا

واليوم دق علي رقم يقول انت مقدم على وظيفه اذا تبي راجعنا قلت الوظيفه وش قال كاشير في مطعم كودو او مطعم ثاني مدري وش اسمه المهم قلت ابي نفس الحي الي انا فيه قال خلاص ابحطك يقول فيه دوره 6 شهور تستلم 2000 وبعد الدوره راتبك 3500 وابسحب عليهم واذا مالقيت عسكريه رحتلهم

الحين رواتب الشركه مثل دخلت شركه راتبها 2000 الموارد البشري تعطيك 1500 يعني راتبك 3500

مثل واحد معه دبلوم تقنيه حاسب قدم عليهم وسجلوه في شركه وراتب الشركه الاساسي 3500 والموارد البشري عليها 1500 يعني طلع راتبه 5000 ريال

الموارد البشريه تسجل عندهم وعليها تدورلك وظيفه واذا توظفت عليها تعطي الشركه 1500 والشركه تظيفها على راتبك

وان شاءالله اني افتك

نايف الاحمدي · #3 (**permalink**) 22-02-2010, 04:33 PM

وعليكم السلام

طيب اخوي الي شغال بشركه من اول بس مو عن طريق الموارد البشريه

تشمله الـ1500 ولا لا

كادومي · #4 (**permalink**) 22-02-2010, 04:38 PM

مشكورين على هل خبر وجزاكم الله خير

كبع · #5 (**permalink**) 22-02-2010, 04:40 PM

انا اعمل في شركة ورحت للموارد البشرية رفضو يقدمولي مساعدة

أمير الرياض · #6 (**permalink**) 22-02-2010, 05:33 PM

اقتباس:

المشاركة الأصلية كتبت بواسطة نايف الاحمدي

وعليكم السلام

طيب اخوي الي شغال بشركه من اول بس مو عن طريق الموارد البشريه

تشمله الـ1500 ولا لا

لا مالها دخل لازم تقدم عندهم وهم يدورولك

الراتب بيكون حلو بس المشكله بعض الشركات لازم دوره

مثل قبل شهرين قدمت على بالشرف كاشير وقبلوني وفي المقابله الشخصيه قالي فيه دوره 4 شهور وتستلم 2000 وتوقعد عقد انك تكمل الدوره كامل قلت اذا قبلوني العسكريه وسحبت عليكم قال انت موقع عقد انك 4 شهور تكون معنا واذا سحبت تدفغ 8 الاف خخخخخخخخخ
واليوم في كودو وقالو دوره 6 شهور

أمير الرياض · #7 (**permalink**) 22-02-2010, 05:38 PM

اقتباس:

المشاركة الأصلية كتبت بواسطة كبع

انا اعمل في شركة ورحت للموارد البشرية رفضو يقدمولي مساعدة

ايه اظاهر لاسب تكون عااااااااطل

حمود الفشقه · #8 (**permalink**) 22-02-2010, 06:08 PM

اقتباس:

المشاركة الأصلية كتبت بواسطة نايف الاحمدي

وعليكم السلام

طيب اخوي الي شغال بشركه من اول بس مو عن طريق الموارد البشريه

تشمله الـ1500 ولا لا

حتى انا شغال في استقبال في فندق مو عن طريق الموارد البشرية وكلمت المدير قال خلاص بس جيب لازم يكون عندك شهاده حاسب .. وانشالله انتظــر

hmod-h · #9 (**permalink**) 22-02-2010, 06:25 PM

صح كلامك امير الرياض كان امس عندي مقابله شخصيه رحت لهم وانتظرت تقريبا ساعه وادخل اخذ رقم بطاقة الاحوال قالي وظيفتك احسن من الوظيفه الي عندنا حنا ماانوظف الا العاطلين يعني بالصراحه اقلب وجهك .....

ايش الي يعلمك ان وظيفتي احسن من الوظيفه ا لي عندكم ممكن راتبها 2500 قالي انت موظف وبس قالي مااقدر اوظفك انت موظف وبس ياخي علمني ايش الوظيفه كم راتبها قالي انت موظف الله يستر عليك

قلت ياحرام على السهر الين الساعه 10 الصبح والانتظار بين زحمة المدارس وزحمة طريق الملك فهد وانتظار ساعه ونص عندكم واخترها قالي وظيفتك احسن من الي عندنا

الله يرزقني ان شاء الله بااحسن منها يارب وانا مبسوط مااني زعلان لاني كل اسبوع اتجيني وظيفه وذا فضل من ربي الرزاق هو الله موب انسان الي يوظفني

بس ذا الي صار لي امس عندهم وشكراا ....