هههههههه

والله عليكم حياه خخخخخ

عني انا الصباح كله نت واشغال للشايب

الظهر غداء ونوم

العصر دوران

المغرب استراحه

العشاء استراحه

الساعه 1 ليلاٌ نوم

هاذي حياتي كولها

الظهر نوووووووووووم
العصر نوووووووووم
المغرب نضحى بعض الاحيان بعض الاحيان نوووووووم والعشاء نصحى نتعشاء و ندور لنا مباريات و و و ونت وسواليف بالماسنجر مع عرب او اجانب . .

وبالفجر صلاة وفطور واشغل السياراه والف ادور وظيفة للظهر وبعد الظهر نوم .. خخخخخخ

حياه تعيسه ياخسارهخخخ

جدول عااطل جدولي الصباح نروح سلمكم الله لذود عطايا الله بس الحين مهن عندي بم ارقيبه <<< خذ وخل الا قل بسوق الغنم ./. والظهر نروح للمطاعم الفخمه هرفي وماك وكنتاكي نمر عليهن كلهن نترخص والرخيص نااا خذه ونقيل عندهم << وش بعد :/: العصر نرووح للمعارض <<<شريطي سيارات والمغرب عند الاصحاب والاقارب :/: بعد صلاه العشاء انتعشا وانااام .... اتمني يعجبكم

الصباح كداد . إلى الظهر اجلس بالبيت على النت
العصر كداد إلى الساعه 9 بعد العشاء . ارجع اتعشى . اجلس على النت شوي . وانام .
هذه حياتي من سنوات . طفشت ومليت تقطعت رجولي من كثر ماكد واضغط كلتش وبنزين وفرامل
طلعت لي عضلات من كثر مابرم الطارة ياوزير العمل بمؤهلاتي هذه وامغط مع الشياب بالشوارع كداد
اتقي الله في نفسك اتقي الله في العباد وشيل التعقيد من القبول للوظائف .
حسبنا الله ونعم الوكيل .
لا وازيدكم من الشعر بيت انا التحقت بالجامعة هذه السنة انتساب . واختبرت ونجحت الفصل الاول .
وكانت النية يوم تقبلني اي قطاع عسكري آجل والتحق بالعسكرية وبعد ماتخرج واتعين اكمل الجامعه.
مادري غير الصباح اليوم توصلني رسالة؟ عليك بتسديد الرسوم وإلا سوف تطبق عليك الإجراءات النظامية.
الحين تورطت بالجامعة . اذا طنشتهم فصلوني وماقدر ارجع اكمل فيها نهائياً .
واذا بتأجل تدفع رسوم 3 الآلاف ريال للفصل الثاني وبعدها تأجل . وش نظام التأجيل ( ثلاث فصول خلال دراسة الطالب بالجامعة ) ولا يحق له طلب تأجيل الثلاثه الفصول سوياً!! . اكثر شيء فصلين . مع بعض .
واذا توظفت يمكن العسكرية او الوظيفه الي بتجيك ماترضى تخليك تدرس؟ فتعرض للفصل .
وين ماتجيها مسدوده ياوجه الله . وش الانظمه الي طلعت الشيب برؤوسنا .
ياشباب . بمؤهلاتي هذه والان عمري 28 سنه ولا بحياتي توظفت وكل ماقدم مانقبل!! تخيلو .. بحياتي ماخذت من الحكومه ريال ماستفدت من جلوسي بالسعودية غير فقط كلمة ( سعودي) انا اعطي الحكومه فلوس شلون. .
اسدد فواتير التلفون+ فواتير الكهرباء + فواتير الماء + رسوم للجامعة+ قسايم + تجديد رخصه+ تجديد استمارة.
كل هلطلبات اسلمها للحكوميه يبونها من شخص وش ؟ ( كداد ) .!!
اكد انا لجل اصرف على اهلي ولا اصرف على الحكومه ؟!!!!!!!
لاحول ولاقوة الا بالله حسبنا الله ونعم الوكيل .
تحيتي

لا تعـــليــق

معقوووووووووله مالقيت وكل الشهايد ذي معاك ماشالله طيب أنت معاك ميكانيكا
يارجل شركة الجفالي وتيوتا وغيراه تدورلكم دواره
الله يرزقك ويفقك وخل أملك بالله قوي ونا أخوك
وأهم شي الدعاء عند السجود

الصباح في النت والظهر كذلك بالبيت العصر يتجمعون الربع بالمجلس ونسولف وبعد صلاة العشاء بلوت للساعه 12 وبعدها كلن لبيته

يارجال الشركات رواتبهم ماتوكل عيش . وماتضمن مستقبلك .. اضيع عمري فيها ليه؟
الشركة كل سنه توقع على عقد . طيب لو انتهت السنه وماجابو لي عقد؟ مالي اي احقيه اتخانق معهم واقول ليه فصلتوني . ضيف إلى ذلك لو تجلس فيها عشرين سنه مايزيد ريال راتبك . ويوم تطلب بزيادة يقولون لك بالحرف الواحد . مو عاجبك الراتب ؟تقول لا . يقولون لك في 10000000000000 شخص غيرك . توكل.
نبي وظيفه حكوميه نبي نرتاح نبي نأمن مستقبلنا ومستقبل اهلنا . نبي حتى لو الواحد تزوج وعنده عيال ومات يجيهم من راتب تقاعده نبي نداوم ولنا نفس بالعمل ونحط بروسنا بأن لو اجتهدنا بالوظائف الحكوميه نترفع وتزيد بالمراتب او الترقيات . اقلها يارجل بالوظائف الحكوميه يكفيك الزيادة السنوية على راتبك يكفيك تنام وانت مرتاح ماحد يجيك من بكرايقول لك انقلع مفصول وتفتح فمك عنده .
انا .. بنفس حينا.. 5 اشخاص كانو يشتغلون بشركة تابعه لمخزون بترول بالمدينه ونقلت للقصيم .
قسم بالله يبكون توظفو فيها وتزوجو نقلت القصيم قبل اربع سنوات نقلو معها مجبورين لجل تزوجو وعندهم اسر واجار ووإلخ . بالاخير.. جميعهم الـ 5 طقو عليهم ماجددو لهم العقد .. واخرهم شخص من بداية هذه السنة طقو عليه . شوفهم الحين جالسين يلفلفون بالملفات حقتهم والهم مغربلهم . ومايدرون شلون يأمنون مصاريف اهلهم.
اي شركة يارجال اذا مو برأمكو أو بالاتصالات السعودية أو بالكهرباء . لاتقول انك موظف بشركة .
تحيتي

يعطيك العافيه على السوأل بس لو بدل السوأل هذا سألتهم من فيهم يصلي الفجر في جماعه تدري اسألهم من فيهم صلى الفجر في وقتها لو كان في البيت انظر كم واحد بيقولك انا صليت الفجر في وقتها ويجيك الواحد ويقولك انا عاطل عن العامل
اعرف الله يعرفك