30-06-2007, 06:38 PM
|
 |
عضو مهم
|
|
تاريخ التسجيل: Apr 2007
المشاركات: 316
معدل تقييم المستوى: 35
|
|
عاطل فى زمن الواسطة
بسم الله الرحمن الرحيم
وربي شي يرفع الضغط لما تكون رجال طول وعرض وماانت قادر تطلع مصروف جيبك على الاقل الواحد فينا وقت دراسته عايش احلام ابي اسوي وابي اشتري وابي وابي وفى الاخر مايلقى شى يعنى لمتى واحنا على هالحالة من تقديم لتقديم ومن مكان لمكان ندور وظيفة يعنى ماضاقت الا علينا والا ايش السالفة لا والمجتمع حولك مايرحم كل شوي وانت سامع كلام يسد النفس فلان عاطل فلان مدلع مايبي يتوظف والا جاءك واحد من اللى فى هالزمن فاضين مو عارف كوعه من بوعه ياشيخ سولك مشروع شوفلك محل لا تقعد كذا طيب منين اجيب راس مال يرد عليك دبر عمرك تسلف لا تقعد كذا ولو قلت له سلفنى تلقاه اول واحد يعطيك ظهره اه بس اه وربي اللى يشوف شبابنا ينقهر لحالهم سكر وضغط لا وتلقاء الشيب مغطى راسه وهو بعده على قولهم ماشاف دنيا واللى يرفع الضغط اكثر تشوف الواسطات شغالة قدامك وانت ماتقدر تسوي شى حتى اصحاب المناصب نفوسهم ضعفت حتى على الوظائف ابو الفين وثلاثة لازم وتلقى فيهها وسطات كم وظيفة ضاعت على شاب طموح بسب هالواسطه لا ويطلعك مسئول ويقلك ماعندنا وسطات .
يازينا احنا السعودين فى شوفة النفس على بعض الواحد مايمسك منصب الا وتلقاه يكلمك بقرف ورافع خشمه الا من رحم ربي ليه حنا مااحنا بشر مثلك مدري وش اللى خلانى اكتب هالموضوع يمكن اكون على حق ويمكن اكون مخطى لكن كلام يدور فى نفسى وحبيت اعبر عنه يمكن على الاقل ارتاح .............................تحياتى
|
العرض العادي
