الف مبرووووووووووووك يارب
انا مثلك بس فني اشعه ومنقبل في امن المنشات وقدمت علي ديوان الوزاره اللي بالكليه الامنيه بس ماحالفني الحظ في ديوان الوزاره ولو انقبلت صراحه صراحه اني بروح لديوان الوزاره واقولك الاسباب
اولا انها بتخصصك وهذا شي حلو ثاني شي ان الدوره حسب ماسمعت ثلاث شهور والرتبه حلوه

نصيحتي لك استخير الله واللي ترتاح له توكل علي الله ( ماندم من استخار وماخسر من استشار )


الله يوفقك يارب

والله مدري

بس اذا بيحطوك بنفس تخصصك يعني بمستشفى أكيد أفضل ..؟

انت عاد أستخير ربك والله يوفقك

ولاتنسون تاخذوا معكم التصنيف من الهيئة السعودية لانهم قالوا لي لازم تجيبه معاك بالرياض

موفقين بعون الله

الأفضل أمن المنشات لوجودهاء في منطقتك
الكلية بس في الرياض ما فيه نقل

الافضل مدري بسسسسس انت رح خلص اوراقك في كلها واول قطاع يعقد الدوره رحله ماتظمن الثانيه

الله يوفقك

أخوي اللي اعرفه اللي ممرض بالكلية مايلبس بدله عسكرية يعني تفتك من لبس البدله أما من ناحة البعد ترى وانا اخوك كلها سعودية

رأي الامنية افضل والشور لك في الاخير
الله يكتب لك اللي فيه الخير والصلاح... موفق خير

شوف اخوي انا مثلك .. مقبول بالكلية الأمنية مبدئي ..و موعدي للمقابله الاربعاء القادم .
وانا ساكن بالمدينه . لكن والله تبي الصراحه [ الكلية الأمنية ماتنفع إلا لسكان الرياض فقط ] .
اولاً . بحكم مافي امل تنقل مدينتك لانها الوحيده بالمملكة وبمدينة الرياض .
ثانياً . رواتبها ترا اقل من رواتب القطاعات العسكرية الاخرى . الجندي فيها على ماسمعت راتبه 4500 ريال .
عريف انت يمكن لو وصل راتبك فيها 5600 شيء طيب < تخيل هذا راتبك فيها برتبة عريف بالقطاعات الاخرى هذا راتب جندي منتف .
لكن "" من حسناتها يقولون الترقيات اول بأول """ يمكن هذا الشيء الجميل فيها .
وانا مثلك وربي محتار . اروح ولا ماروح؟
ربك يسهلهاان شاء الله .
تحيتي

طيب انا قدمت على رتبة عريف ممرض انقبلت :


في القوات الجوية
وفي امن المنشآت
وفي الكلية الامنية


بسس وربي محتار مدري وين آروح .. بالعلم اني انتهيت من اجراءات القوات الجوية كلها وانتظر اتصالهم القبول النهائي
ومثلك محتار ..!

كلها زينه واستخير ربك احسن