ياجماعة ابي شوركم والله اني محتار وميت من الحيرة انا مقدم في المعهدالدرسات الجوية
وفي امن المنشآت ومخلص التقديم المبدئي ومش عارف ايش افضل عن التنية
واخاف اروح الجوية وماء انقبل في اختبار الانجليزي ومش عارف ايش اسوي
ياجماعة ابي فزعتكم وتريحني الله يريحكم دنيا واخر يارب

أهلاً .. محمد راجح

با النسبه لمعهد الدراسات الفنيه .. اللي باالظهران يعتمد على لغتك الإنجليزيه
لإنك راح تختبر على لغه وراح تدرس لغه أثناء دراستك في المعهد
وراح يكون في إختبار وفيه رسوب ونجاح إذا نجحت وعديت يبقا لك التخصص وبعدها تعلق وكيل رقيب أو أدنى من الرتبه ذي لا تعلم ما قد يحدث في المستقبل
أما إذا لم تعدي في دراستك سوف تحول إلى جندي أو يطلقون سراحك


وأمن المنشأت على طول عسكري جندي أو جندي أول

هذا والله أعلم أتمنى إني أفدتك با التوفيق يا أبو راجح

شوف يابو راجح

ولد خالي في معهد الدراسات الجويه له الحين تقريبا 11 شهر
ومافيها خوف من الانجليز لانك تبدأ معهم من الحروف الانقليزيه يعني كأنك في خامس ابتدائي

بس والله العظيم انه نصحني اني ما اسجل فيها لانها كرف في كرف

والله العظيم يوم خلص الــ45 يوم وربي طلع وجهه اشكال والوان من الكرف

دورتها 3سنوات وتتخرج وكيل رقيب

لو تفكر فيها شوي تحس انها قهر <<<<< ثلاث سنوات دوره ماتطلع الا ربوع وخميس


اذا تبي نصيحتي شيل معهد الدراسات من راسك

باقي فيه تساجيل كثيره الامن العام والمباحث والاستخبارات وغيرها كثير


اتمنى اكون افدتك عن المعهد
اما المنشأت والله ما اعرف عنها شئ


بليز طلب ممكن:
ادع لي انا واخواني المسلمين

المعهد مستقبله حلو جداً ولد عمي توه مخلص 45 بالعكس يقول هاذي اسهل دورة لان مافيه كرف اهم شي الدراسة
وإذ كنت تبي جندي على طول روح للمنشآت
والله يوفقك ويوفقنا

مشكوووووووووووورين على الردود والله افتوني كتير

بس ابي اعرف ايش افضل امن المنشآت ولا المعهد من ناحية الرواتب من الدوام

حط في بالك ان الدراسه في المعهد سنتين ونصف وتشتمل على دراسه وتدريب عسكري
انا ما ادري اي رتبه مقبول في المنشأت اذا عريف او وكيل رقيب لاتشاور المنشأت افضل اما اذا جندي فالافضل معهد الدراسات لكن يبيلك تتحمل لأن طول السنتين والنصف ما تطلع الا خميس وجمعه بإستثناء العطل الصيفيه معك شهر واحد فقط
والحكم في الاخير لك

المعهد راحة المنشآت رواتب وكرف

انصحك صل صلاة الأستخارة

نفس كلام اخوي كينق اتفق معه في صلاة الاستخارة
يالربع بعض الشباب ما يعرفون يصلون الاستخارة ونا واحد منهم ياليت اللي يعرف ينزل موضوع يكسب فينا اجر ..^_^