السلام عليكم ورحمة الله وبركاته

كيف حالكم إن شاء الله دائما بخير ؟

شباب انا عندي مشكله حصلت لي واكتشفتها قريب وابي رايكم فيها او حلها

والمشكله هي اني انا اسجل لواحد من الشباب في كل تسجيل عسكري يبدئ

انا حافظ بياناته عندي في ورقه ومن البيانات رقم جواله . والرجال كل ماقبلوه في تسجيل

اقول له جتك رساله على الجوال يقول لا !!

حاولت اني اعرف السبب لقيت ان الرقم اللي عندي فيه غلط في آخر رقم !!

المهم ولا اطيل عليكم الرجال قبلوه في معهد الدراسات وراح لهم وقاسوا طوله ووزنه

وواعده بعد اسبوعين انهم يتصلون على رقم جواله ( طبعاَ على الرقم الخطأ )

وجاني رأي من احد الاصدقاء اني اتصل على الرقم الغلط واتفاهم معه واقنعه انه يرد لي خبر

اذا جاه رد من المعهد

المهم اتصلت لكن للآسف لقيت الرقم رقم بنت وماخلتني حتى افهمها
...................

والحين ابي رايكم بالموضوع وش اسوي

اتصل على المعهد وقل لهم مشكلتك

الرقم اخذه من استعلامات الدليل 905 وقلهم ابي رقم معهد الدراسات الفنيه للقوات الجويه بالظهران

رآح يعطونك رقم اتصل عليه وادخل التحويله هذي 30111 للقبول والتسجيل بس الرد الالي راح يقولك رقم التحويل



والنتائج على الموقع مو على الجوال

خويك في اية قاعدهـ راجعهم وايش قالو له بالظبط ؟؟؟؟

انا ماقالو لي نتصل عليك

قالو راقب الموقع ..............

وبالتوفيق الله يسهلها

بيض الله وجهك يالغالي

راح اتصل عليهم ان شاء الله

خويي في قاعده الطايف انا والله ماستفسرت منه كثير

بس المهم انهم قاسوا طوله ووزنه ولقوها مناسبه وقالوا له نرد لك خبر بعد اسبوعين

اذا النتائج على الموقع احسن ماسوو على الاقل نريح البنت ام رقم .


شاكر لك اهتمامك يالغالي

أنكان قصدك معهدالدراسات للقاعده الجويه
أنا مخلص كل شي وقالولي راجع الموقع 29/3
يعني ماله دخل الجوال
بس أنا أقول لو تعطيني الرقم ونا أتفاهم مع البنت والله أحسن

بالتوووووووفيق

الستر زين ومن ستر على مسلم ستر الله علية يوم القيامة يالي تبي رقم البنت كما تدين تدان

ياللي تبي الرقم !!


ماهو انت الوحيد الي طلبته


بس لو الرقم الغلط طلع لاختك او امك او خالتك . ترضى اعطي احد الرقم ؟

اذا على الموقع يكون انتهى الموضوع كله (:

ياخوي والله مشكلة رح للمعهد وقول لهم قصتك ههههههههه نص تظحك وش تبي الكلمة ذي

تابع الموقع لاني انا يوم كرشوني اسمعهم يقولون للي انقبلوا راقبوا الموقع ماقالوا بتوصلك رسالة

الاخ الغالي مصور :
والله ودي اروح بس تعرف انا بالطايف والمعهد بالظهران ولك الحساب عاد وبالنسبه لـ ( نص تظحك مدري وش تبي الكلمه ذي ) مدري وش قصتها ض2

الاخ الغالي احمدينهو :
راح اتابع الموقع ,, ومعوض خير في احسن منها قول آمين



شاكر مروركم واهتمامكم المميز