السلام عليكم ورحمة الله وبركاته

قصيدة للشاعر : احمد بن عبدالرحمن العريفي

[poem=font="Arial,6,white,bold,normal" bkcolor="transparent" bkimage="https://www.btalah.com/mwaextraedit2/backgrounds/22.gif" border="inset,3,white" type=1 line=0 align=center use=sp num="0,black""] ياسعود تكفى لايفكون الاطناب=ياسعود تكفى قلهم بس ليله
نفسي تشلع كل ماشلع منساب=طواري الفرقا علينا ثقيله
يومٍ طويتوا فرشكم خافقي ذاب=كن الضماير وسط حر المليله
ياسعود شفي من هوى البر ماطاب=خلوا حبيس الدار يبرد غليله
يكفيه من طول السنه صكت الباب=ويكفيه من طول السنين المحيله
خلوه يسلى عن همومه والاتعاب=ويسج رجله بالفياض الظليله
والصبح يشرف له على راس مرقاب=ويشم ريح الشيح وسط الخميله
خميلةٍ خضرا تقل مابها تراب=فيها الزبـيـدي مثل راس النثيله
وريح البختري والنفل وسط الاعشاب=يشفي قلوبٍ بالحنايا عليله
وبالليل حول النار تلتم الاصحاب=وتبدا السوالف والعلوم الجميله
وكن الكواكب فوقنا والقمر غاب=جمرٍ تنثر في مهب المسيله
بالبر نسلى عن هوى تلع الارقاب=اللي على شوفه نسوق الجليله
ونسلى عن هموم المدينه والانشاب=ومن لا سلى بالبر سيلٍ يشيله
يالله طلبتك يالولي رب الارباب=تديم انعامٍ علينا جزيله
وتغفر ذنوب اللي من الذنب قد تاب=يارب وفقنا لدرب الفضيله
والخاتمه صلوا على سيد الاحباب=رسول رب البيت راعي الوسيله[/poem]


منقول

__________________
ومن يعمل من الصالحات وهو مؤمن فلا يخاف ظلما ولا هضما