حتى المدارس الأهليه عندهم نفس المشاكل واسمع من البنات يقولون الوظائف فيها صعبه لاهم فاتحين الوظائف في المدارس الحكوميه والمدرسات عجزوا ولاتقاعدوا الوحده عمره يصك الخمسين وقاعده في منصبه طيب يفتحون مجال للبنات المساكين والأهليه حاطين أجنبيات وكمان بالواسطه مدراس المملكة فتحوا تقديم العام ولما رحت لقيت ثلاث أرباع الموظفات لبنانيات وسوريات ولا وظفوا سعوديات الأجدا قليل وحتى تعاملهم مع الطلبه سيء جدا بس قدمي حبيبتي كل شوي وراح تلقين مو على كيفهم بأذن الله راح تتوظفي

مشاكل المدارس الاهليه لا تنتهي

الله يكون بعونك اخويتي
المدارس الاهليه ذي صارت تجارة بس فلوس وتنجيح بالغش
ومسيطرين عليها اغلب مدرسين ذا المصاروهـ شوفي الحين بكل محل وكل جدار ملزقين مدرسين متخصصين بجميع المواد ومدري ايش بفهم انا وش هالمخ اللي يدرس جميع المواد ثانوي متوسط ابتدائي يعني حافظ مناهج السعوديه بالكامل وسبحان الله من ادق استهبل عليه يصير مصري مره وحده دقيت وصار سوري..
ولعب عيني عينك الحكومه ياغافل لكم الله المفروض يحطون قرار من البلديه اي اعلان بالشارع مدرسين خصوصين وزحمه يغرم عليها عشان بجد يتوبون قال ايش قال ادرس جميع المناهج ههههههههههههههههه

معليش على الاطاله تحياتي لك

الله يعوضك بمدرسه حكوميه ويغنيك عن الخاصه عموما لا تزعلين يمكن ربي رحمك من الخاصه كل صديقاتي في المدارس الخاصه كانو وردات وش حلوهم صدقني الحين طالعين كنهم عجايزززز من الكرف اللي خست كم كيلو واللي جاها قولون ........الله كريم

ولاتزعلون حالكم ............ عاد من زين الوظايف في المدارس الخاصه

بعدين الموظفات الاجانب في مدارس الانجال قديمات كثير يعني تقريبا من اول مافتحت المدرسه ونجاح المدرسه كان على يدهم ... بصراحه انا ما الومهم اذا هم اللي يسوون المقابله تراهم شايلين المدرسه شيل <<<<<<<<<< انا كنت من طالبات المدرسه
الموظفات السعوديات مايقبلونهم الا بشروط :
1 - انها تكون من العوايل الكبيره في الاحساء اوتكون واسطه من احد اللي يديرون المدرسه... هذا اذا فضت وظيفه للواسطات .
2- يهمهم الشكل اهتمام بالغ ولازم الوحده تكون كشيخه ولبسها حلو .
3- مايبغون وحده تتحكم فيهم وتصحح افعالهم ..لازم تسكت على اللي تشوفه من غلط << علمانيه
واكبر دليل سؤال المقابله اللي انسالت الاخت عليه
لان اغلب بنات الدرسه سافرات يعني يتغطون اذا جاو يطلعون من المدرسه واذا ركبوا السياره شالوا الغطا ...
فاهم مايبغون يخسرون بناتهم
4-يبغون وحده شخصيتها حلوه ومرحه مع البنات تعاملهم زي خواتها تضحك وتنكت معاهم وتصير صديقتهم
5- اخر شي يشوفون المعدل والتقدير ويسوون اختبار قبول .
انا ما امدح المدرسه او ادافع عنها انا اقول الحقيقه .. وهذا حقيقة اللي شفته في المدرسه

حسبي الله ونعم الوكيل عليهم

الحين هالمدارس مو لازم فيها سعوده ولا السعوده كلام فاضي

والصحيح انه محد يمك !!!

الله يعينك وتحصلين اللي احسن منهم

متى ما وجد الشرفاء في مناصب تخولهم ارساء العدل والنظام في هذا البلد سوف تنتهي مشاكل الشعب كله

لصوص الوطن فرع نسائي

مثال

موبايلي القسم النسائي جدة - التحلية (الجوهرة)
أكبر دليل على الفوضى والتسيب

ودقي يامزيكا

الا من زين السعودين علشان تمسكونهم شي الحين
الاجنبي يمكن تلقاء منه معرفه بالعمل والناس والاشياء المهمه والاشياء الغير المهمه
اما السعودي ما يعرف في العمل اي شي واذاء عرف يكون كسلان
وداج!!! والامانه تسلم عليه!!! والامور تتسرب بين يديه وهوما يحس!!!
وان كلمه ونصحه احد! اعتبره تهزيء واقلال من شانه !! حتي الرائي حرب مو تبادل اراء اذاء لم تكن معي فانت ضدي!!